譽廚正宗粤菜 (已結業)

端午節放假同屋企人想飲過中午茶，點知賴嘢。11:02入單嘅五個點心，等左半個鐘，嚟得一碗貴妃雞飯同埋一碟微暖既蘿蔔糕，明顯係煎定嘅，好冇heart! 等左45分鐘，之後吹單，終於嚟咗黃金糕同埋五豆糕。等左一個鐘都未見有鹹肉糭，端午節想食隻糭原來都咁困難，所以最後決定埋單！下次如果冇足夠嘅時間，即係起碼三個鐘先可以起身走人既一餐茶，我係唔會再嚟呢度！因為廚房員工用膳，係唔會有人煮野比你食，話知你坐幾耐啊！當天下單除了以下四樣食物外，其實還叫了一隻鹹肉糭來應應端午節。11:02am下單，但等了一個小時還未有，便叫經理跟進，他説廚房同事要用膳，還叫我們再等十五分鐘。算了，叫他幫忙取消便是。要等一小時十五分鐘的鹹肉糉沒有機會評價。但我可以記下，下單後半小時黎到的煎蘿白糕，雖然有蘿白絲，但是微暖的。另外，圖片中的黃金糕和五豆糕味道ok的，甜度是ok的，熱騰騰的，但等了45分鐘才到。肚餓應該什麼也好吃！

呢間有好多特別點心 水準不錯但價錢唔太平 試一次就算啦哈哈.紫薯波波💜有齊三種口感外層係炸脆米 之後有軟棉棉的薯泥原來仲有咸蛋黃 流沙架 超正.金箔墨汁蝦餃🙈🙈🙈好誇張食落雖然冇咩墨汁味 但好有咬口蝦夠大夠爽口 幾特別.士多啤梨桂花糕🍓好搞笑嘅組合食落除左桂花嘅清香 仲多左草莓的甜唔會話係藥水味 不過個比例可以係5:5.燒賣 牛肉球 煎薄罉 叉燒腸就冇咩特別普普通通啦 可以有更好的選擇

訓醒已經十一點，已經無早茶同早餐食，最後同阿媽近近地去左北角譽廚飲茶。去到唔駛等位，自己搵位，仲咁岩有卡位坐添。啲待應都好好禮貌同招呼，好快手就執好枱面同杯碟。我地叫左蟹籽燒賣，山竹牛肉同蟲草花綿花雞。等左唔係好耐，啲點心就到齊晒，仲好熱辣辣添。蟹籽燒賣水準唔錯，無乜肥豬肉，又有冬菇香。👍🏻👍🏻山竹牛肉都好味，蒸出黎啡色，証明唔係雪肉，軟硬適中，又夠牛味，唔錯。最後係綿花雞，都算多雞肉，仲要用魚肚做綿花👍🏻，唔會好油，加埋啲蟲草花好似賣相又靚啲食得又健康啲。

次次經過，見到呢間譽廚既$298套餐，又有龍蝦，又有扇貝，仲有要條龍躉，真係好吸引。4個人食，每人都係$90左右，好似真係好超值，於是就上來試真假! 上湯焗美國龍蝦伊麵 呢碟龍蝦，上到來已經覺得好似好唔熱咁，成個賣相無晒個氣場，啲龍蝦好少，仲好碎。食落去只係暖暖地，肉質少少霉，伊麵打茨打都好勁。說好的芝士同焗既感覺都唔係好feel到。 東瀛大元貝 其實整體來講呢個元貝算係OK，size係屬於中型啦，不過就蒸得略熟，有點老了。粉絲吸晒啲蒜味，好正。不過咩係東瀛元貝呢? 日本? 係咪真架? 清蒸沙巴龍躉 1斤重既龍躉，無呃秤，蒸得岩岩好，唔錯。肉質是可以的，但有點泥既味道。 蒜蓉蝦干蒸勝瓜 呢個係另外叫既餸，係全晚覺得較為滿意既一道菜。蝦干夠大隻，好野來，好多蔥同蒜蓉，配上勝瓜，軟硬層次都有，咸鮮同清新，咁既配搭真係好match!完咗之後，每人有碗送既紅豆沙食，好沙好好味的，呢份心意值得欣賞。整體服務都唔錯，抵讚! 如果再來呢度，我唔會再叫呢個餐啦，因為佢都有好多唔同既小菜海鮮可以散叫，散叫既水準同食材，應該會好過套餐!譽廚正宗粤菜1/F, King's Tower, 480 Ki

話說12:00到達北角譽廚，門口沒有人帶位，向職員查詢時回應：見到位就隨便座，無位自己再揾啦！我見到一張枱無人座，便座下來！一會兒有個職員好大聲叫：「這張枱唔座得！」我問她：「有咩枱可以座？」她回應揾最大嗰個問。我再問：有邊個最大，完全沒有職員埋會。😡🤬😡😡當時我十分氣憤，唔明白，那麼大機構的樓酒，完全沒有運作體制。