譽宴 (已結業)

今晚第一次於這家銅鑼灣信和廣場分店參加壽宴，開始至中間送菜等服務不錯，只是到最後送上的’超糊狀紅豆沙’敗筆，主管解釋今晚甜品是差一點，說可用熱水幫你地稀釋去！🥵咁樣回應都得，服咗佢。更甚是最後出的壽桃飽大都是不熱的，叫佢再蒸熱，佢夠膽話甜品師傅已落班沒人做到，這理由都可以，kill us! ☠️但過了一陣子又説師傅回來了，可以翻熱，服了他們！😱最後簽賬時向經理投訴，他除apologise 並以布甸代替，但數量有限只可供應一檯人，其他檯不能享受。前期做得如何好都冇用，服務與品質’臨尾香’就一舖清袋！

有精選$298/$398/$498套餐方便唔駛諗👍🏻大讚雞湯真材實料，一隻大雞脾肉加每人兩件花膠，湯雖稀少少，但味道十分好味。👎🏻較失色係餅，炸得太Lon

諗住一家人開開心心食中秋做節飯。18:50到，叫左個中秋2號餐，19:10話無晒斑，轉第二款魚，咁我地唯有唔要，轉返叫1號中秋餐，19:50一味餸都未上，連餐內既汽水都未到，已經嬲嬲地。追一追，d餸先慢慢上，到20:20，仲有飯、麵、糖水、生果未到，咁又追一追，20:35仲未到，又追一追，話整緊就到，20:50再追，又話整緊，21:00又追，都話整緊。21:05無一樣野到。嬲到噴火，兩個鐘頭都出唔晒一圍餸。有冇攪錯！！！開開心心既做節飯。攪到成家人都嬲爆爆唔食走左！！一定唔會再幫襯..........垃圾之中既垃圾😡😡😡

早排大時大節，吃了好一堆飯局，有節日，有喜慶。 其中一餐地點是銅鑼灣「譽宴」，英文名叫 U-Banquet ，有好幾間分店，專門做婚宴場地，我是第一次光顧。近年主打做婚禮擺酒的酒樓開得如雨後春筍，場地靚，有啲仲有埋升降舞台，好 pro 的。 今次飯後經驗是有幾味特別食得過，例如蒸魚、炸物類，下次來吃飯可以返兜呢幾項。 散叫的點心小吃，「黃金七味豆腐粒」$48 該是用「百福豆腐」，外皮薄脆不油，內嫩，做得非常好！ 「京式素鵝」$48 都做得好，熱辣辣脆皮，重點是不會吃到滿咀油，煎炸功力係幾唔錯： 「脆皮燒腩仔」$58 以下 12人 套餐 $3,680，將原先的「五式拼盤」另加 $320 轉做「脆皮乳豬」: 我這個「新斗記」乳豬派代表，略嫌它芝麻皮未盡鬆化，若能再片掉皮肉之間的肥膏就更貼心。 「碧綠蝦仁蚌片」，是西芹蝦仁炒菇類的親戚，西芹爽爽最好食： 事後發現以下這個菜名叫「金銀元貝翡翠」，是有上錯了嗎？！ 「法式鮑魚千絲酥」，炸得好，敗筆在於餡料只吃得出沙律醬，浪費了炸功，唔講真係唔知自己食緊鮑魚。 原有的湯羹，好像有奇怪味： 經理立刻從善如流，迅速地替我們轉做

相約至親於母親節前夕茶聚，本應開開心心的，但這次光顧真的極度氣憤。星期六早茶時段至11:00，劃了點心後10:50就叫侍應（阿姐？）入紙，明明就企喺隔離枱吹水吹了10分鐘都裝聽不見，行開了，再轉頭過來接過點心紙，再斯斯然的去入單，再回頭說夠鐘，入唔到單，我地同佢理論說佢早啲應就唔會入唔到單，指責佢不是，點知得來結果係佢發爛渣，掉低點心紙，拋下一句：咁你搵第個做！！ 家陣飲茶要受這種氣的嗎？時為10:59，之後再遞給另一位阿姐，同樣是行去入機再轉頭說入唔到，我地決定叫她叫經理，但10分鐘後仍沒有到來，最後，要再揮手叫經理才有回應。食品其次，但去到這等地方消費還要受氣，都不會再光顧，幫襯過咁多間「譽宴」呢間個態度真係差到極點。難怪中午十二時仍只得5成入座率。

喜歡在這酒樓的分店招待親友，有傳統的酒樓風格，而裝修新穎，浪漫，光猛，價錢與兩大集團相近。多次經驗都是沒有限定優惠使用次數，善用可變六重奏。1此期的推介，有「堂剪脆烤皇子豬」，半隻賣108元，與其他酒樓相若。日近年很流行此餸菜，很多酒家都有提供，令晚飯筵席化，頭盤便吃乳豬。價錢由128至98元。此店吃了3次，上檯時均微熱，豬的肥瘦每次不一，厚肉的好評如潮，紅如火，筷如雨。瘦時皮包骨，焦黑部份偏多。上圖是優質那半隻。2上一期店家推薦的萬佛跳牆香醇味厚，滋補甚佳，今期是香濃鮮雞湯，沒有魚翅的，我選了花膠。濃稠但味道單一。面泛黃油，須除去。只有5小碗。我們再嚐響螺燉雞，反而更便宜，味道如媽媽心機，螺鮮湯潤。3小菜方面，現在「三重奏」特惠，有即炸當紅嫩雞，有兒時宴席的古早味，長輩皆讚一品雞酥軟味腴，令他們饞涎欲滴。4蒸魚更為長者喜愛，此店蒸魚水平視乎入貨運氣，今晚的珍珠龍躉仔，竟比上一輪東星斑推廣鮮嫩。5「三重奏」的小菜很家常式，點選了醬爆牛仔骨煲，用了大量紅蒜爆炒，惜牛仔骨太肥，又是入貨問題。椒絲腐乳炒唐生菜則盡顯鑊氣。6以甜潤的紅豆沙結束今夜的六重奏。銅鑼灣有二店，小心去錯。水準飄忽，可把

其實譽宴我食過好多次，水準味道都幾高分。但我有個小習慣，就係食飯前總會開下OpenRice睇下有冇好野介紹，所以在來之前我都睇咗下譽宴的餐牌，見到用銀聯卡午市及晚市正價食品9折，於是就提議家人今晚去銅鑼灣信和分店食晚飯，諗住普通食餐飯，所以就冇影到食物相，無錯，我要講嘅唔係食物,環境,服務質素，而係我食完俾銀聯卡竟然同我講冇折😱真係omg😱點解會噤？我吃的都是正價晚市，點解冇？佢話:你要食前告知我們你是用銀聯卡才有9折。我笑咗🙃佢話因爲入單個Code會唔同，所以冇，雖然我明白生意難做，但都冇理由俾你講得通啦係咪丫？最後經理話今次算，照俾折我，但碌完俾我簽名嘅時候又話折咗喇，除咗海鮮就冇折，噤即係話最終成張單係有93折架，所以再此提醒💡食之前一定要問清問楚，唔好以為白紙黑字寫明就一定有，當你食完佢地話冇你都真係吹佢地唔脹架

父親節銅鑼灣信和分店食晚飯, 好彩一家大細食完無事咋, 幾驚要入廠!!1) 我地book左8:30 食一圍, 諗住早少少去到有位就入座啦~7:50到達, 5個大人1個小童, 坐低無耐, 大約8:00, 當時未有酒水, 突然上左隻乳豬, 隻豬一睇就知擺到出哂油!2) 好啦, 話佢知未人齊, 先上酒水, 可樂暖笠笠架! 問個待應, 佢答"係呀, 岩岩放入雪櫃架咋!3) 龍蝦伊麵可能怕我無牙, 所以淋到入口即溶, 成碟野好似有d漿糊包住左咁, 入口凍冰冰!4) 個翅都幾好, 落左醋先放得入口!5) 重頭戲, 炸蟹鉗裡面係生架喎!  6) 等等等, 燒雞未見影, 但又上埋個荷葉飯喎~7) 吹到口水乾, 見到隻燒雞啦喂!無燒汁既??????? 跟住個待應上左碟薑蓉同鼓油, 解釋燒汁已經無哂云云, 跟住突然話可能隔離枱有人唔要, 所以就去搵比我喎 (?!)跟住, 我唔忍心香港食店搵成咁, 所以同佢地反影一下啦! 點知佢地HEAD OFFICE好有誠意咁送左$500現金券比我喎~連番道歉啦!珍貴到每次只限用一張, 我真係唔知點用好呀!我心存感激既心情真係好澎湃啊!

今日祥哥生日, 我們一家人去銅鑼灣高士打道信和廣場, 譽宴 晚飯.  我們三天前已預訂一圍全包宴.這間酒樓裝修很好, 高雅大方, 適合宴會。因為地方寬闊, 樓底高, 水晶燈飾靚有禮台, 交通極方便。備有停車埸，免費泊車兩小時。侍應招呼好, 座位寬闊, 水滾茶靚.  我們点了 "至尊双龍宴"先來啤酒, 汽水各六罐. 鴻運金豬拼盤, 大方得体, 拼盤內各燒味很香口.碧綠珊瑚蝦仁炒翠玉瓜, 珊瑚蚌和蝦球份量頗多, 帶鮮味, 爽口彈牙, 有鑊氣.鴛鴦海皇雙翡翠冬菇, 仙菇及小棠菜, 味汁不錯, 有瑤柱絲, 口感佳.上湯焗生猛龍蝦(伊麪底), 賣相吸引, 龍蝦肉不太多, 但肉質彈牙爽口, 味鮮美, 伊麪很滑, 也不太油.紅燒竹笙海皇魚翅, 食材可以, 調味 OK. 每人一大碗.蠔皇原隻南非鮮鮑魚溏心鮑魚燘得入味, 肉質腍軟, 鮑魚大隻, 請客自食真的好. 伴碟有西蘭花, 蠔皇調味汁超正.清蒸沙巴龍躉沙巴魚很大條, 蒸得時間剛剛好, 肉質新鮮,  少骨, 加些薑蔥, 点些豉油. 真鮮甜.譽宴煙一品燒雞脆皮燒雞, 金黃色炸皮, 賣相亮麗, 入口香脆, 雞肉嫩滑, 不用加醬汁也好味,鮑包汁豐料荷葉飯 

端午節上午去看龍舟競賽, 晚上一家人去銅鑼灣晚飯做節.  因怕節日無位, 一天前已預先訂座了.選好信和中心 "譽宴", 此酒樓位置離地鐵稍遠.  所以食客少一点.  裝修光猛, 有華麗禮堂及灯式, 環境不錯.侍應禮貌地開茶, 招呼座位.  我們点了六位全包宴套餐, 菜式豐富, 包啤酒兩礶, 汽水四礶. $1,688-, 看來抵食.上菜了, 先來......豐盛四錦碟, 例牌份量, 有黑木耳, 豬手仔, 海蜇, 芝麻醬雞, 各式調味不錯, 小小头盤加添開胃.龍蝦(伊底) - 龍蝦肉質爽口彈牙, 份量幾足, 伊麵底, 夠鑊氣!   不太油膩.XO 醬爆珊瑚蚌仁, 調味 OK, 有頗香 XO 醬爆,  珊瑚蚌仁鮮嫩, 配西芹, 入口佳. 紅燒竹笙鮑螺翅, 材料豐富, 味道也好. 份量很好. 南菲鮑魚伴椎茸, 鮑魚味濃. 有咬口, 調味醬汁適中, 配小棠菜伴碟, 入口爽, 味道佳, 最快清碟.清蒸大海沙巴躉,  六位餐, 此條鱼可算得是大條了. 時間蒸得剛剛好, 肉滑新鮮. 滿意!脆皮一品雞,  有雞味, 雞滑, 炸得紅卜卜, 皮夠香脆. 半隻算大碟.西紅柿泡鮮菜苗,  有紅蕃茄, 白菜仔, 

公司每重逢請員工午餐，都貪方便到附近的譽宴，小人安排之餘，都逃不過要在此用餐的厄運。一碟像是漂白過的酸辣豬手率先出場。首先，這碟東西不凍不熱，究竟酒樓想怎麼樣？其次，豬手爽度不足，相信食客追求的該是它的骨膠原吧，可惜是完全欠奉的，口感黏著黏著，教人難以吃下去。小人遂向尖椒挑戰，吃後感是只酸不辣，不過矣矣。炸魷魚鬚，難得的是炸層激厚，魷魚超靭，兼且是痴成一舊舊，無法一條條夾起來的，堪稱為小人吃過最難食的魷魚鬚!燒味拼盤，有豉油雞、白切雞和燒腩仔。所有燒味都肥得緊要，放在碗裡吃完驚見碗底剩下那麼多油! 雞肉又鞋又痴牙，燒腩仔的皮是不脆的，肉又勁咸，如此貨色比起一般燒臘店還要差，小人淺嚐一口已即時停筷。一山還有一山低，跟著的春風得意腸，只不過是以腸粉皮包著油炸鬼罷了，也可以做得腸粉不滑，油炸鬼不脆，一味夠油，一點也不得意。點心不提也罷，俱是超油的。沒有討好的元素，若非工作需要，小人絕不再來。

難得終於到我地的家庭飯局，所以都去返姑姐最鐘意的譽宴，今日一行15人去食當然係訂左位同已經係整左1席16位的晚餐。汽水都係以百事，7喜和獅威啤酒，今次有9個餸加一個飯和伊面，最後有一個甜品，大約每人＄200結帳，份量好多可以拿不少回家添。乳豬份量剛好，好脆口同有少少乳豬油香，肉都夠嫩不錯。龍蝦用冬陰公吾太覺但面太淋身，龍蝦都叫新鮮而冇梅味。四季豆炒得香同豬肉碎多，大家都食吾少。黑蒜安格斯牛柳粒一般，牛肉偏硬身同多油。蒸沙巴魚蒸得剛好，好新鮮同滑，油吾夠熱所以青蔥吾熟。炸雞雞都夠嫩但份量偏少，皮都夠脆同咸度已足夠不用加醬汁也可以。XO醬蓮藕炒海參都係有少少辣，蓮藕份量多同切得薄所以好入味，但海參吾入味，失望。翠玉瓜花姿片，超咸，花姿片冇咩味和太油了。勁失望。瑤柱海皇炒飯，推介好味道，炒得夠乾身之餘又一粒粒飯，吾會太咸但瑤柱海皇講真吾覺，係炒得好！～鮑魚汁炆伊面，鮑魚汁欠奉，但豉油味有，伊面煮得不錯夠軟身但仲有口感，配料偏少。紅豆沙意外好味，煮得好綿又香，紅豆沙起沙好少有，最緊要吾甜，唯一係陳皮味偏少。每人食一碗仲有大半未食晒，份量激多。

友人Ｍ一家從越南回港度歲，兼替其父親大人慶生。是夜，假信和廣場的譽宴設壽宴兩圍，小妹有幸被邀出席。年初五晚上的譽宴，門可羅雀，相對年初四晚時代廣場門庭若市的鍾廚，對比相大。兩圍酒席，設於一間被間出來的貴賓房內，頗為擠逼的，教人動彈不得﹗酒樓一早已知當晚訂座預約的情況，既然如此，何不闊綽點兒，給我們間一間大房，贏得掌聲和讚美？﹗打頭陣乃乳豬，只見豬頭、豬手、豬腳，以及切成大小均一、約有二十四的乳豬件。挾一塊放入口，不夠香脆，醬汁也略嫌稀身、食味不濃。第二道的珊瑚蚌蝦球芝麻核桃炒翠玉瓜，珊瑚蚌和蝦球份量頗多，既帶鮮味，且夠晒爽口彈牙，芝麻核桃更添一份香氣和咬口。炸金黃色脆的炸蟹鉗，內裏釀滿了蝦肉，爽彈多汁有餘，惜，鮮味不足，甜酸醬也失準。蠔油髮菜金蠔浸時蔬最為厚醬濃味，金蠔十分入味且鮮美，略嫌湯汁過多，較為濕淋。燒鴨甫上枱，呈暗啞色的，流出半碟褐色的水，賣相奇差。燒鴨吃起來，味濃肉嫩，惜鴨皮不香不脆也，且頗為油膩。緊接上枱的鮑魚，也是浸濃湯稠醬之中，墊底的生菜，也不敢多吃。溏心鮑魚頗為碩大的，輕輕一咬，鮑魚燘得入味且軟腍，爽彈鮮美非，挺有驚喜﹗清蒸石斑，個子不大，魚肉也不見多。挾一塊魚肉，

最近跟同事到利舞臺嘅譽宴飲茶，發覺點心又多又好食 ，豬仔聽到心郁郁 ，話一定要揾日去試下 。Happy Valentine's Day ，我同豬仔plan咗中午要過一個中國式情人節，豬仔一揀就話去譽宴嘆茶，我地選擇咗信和廣場分店。我倆11點零鐘到達酒家，已經有几個客人在等候中。驟眼看，場内有好多大枱，細枱就比較少，好彩時間尚早，等咗一陣就有位呢 。不過位置就相當麻麻嘞  , 屬於靠牆位置，牆身竟然内有乾坤 : 一間職員房！茗茶中，周不時有職員出出入入，坐正門口嘅我，好唔得閒囉 ！咁擺位都得 ，好趕客喎，一定無下次 ！無介紹錯，點心 好多種類……1.海蜇鴨舌 : 海蜇微辣又爽脆 。鴨舌腍滑爽口入味 。2.流沙奶皇包 : 奶皇流沙唔多。3及4.蝦餃燒賣 : 蝦肉爽口彈牙，好味道。5.香煎蓮藕餅 : 煎得香口，蓮藕碎爽甜，略嫌油膩及鹹咗少少。6.牛肉球 : 粉多牛肉少，一般。7.春風得意腸 : 全場至正腸粉 ！腸粉幼滑，包住脆卜卜 嘅春卷，春卷饀有蝦、粟米粒粒、蟹籽等等，口感豐富，好味到停唔到口 ！！！8.炸豬大腸 : 全場至差 ！炸到好硬，

每逢假日,都會約埋家人一齊出來食飯，去過多間大大小小既酒樓，原來從未來過~~~譽宴唔知大家有冇好似我咁，講起~~譽宴, 就會有把温超既聲音係耳邊.. 好耐都冇見過LA, 平時要去到舊式茶樓先會有既鵪鶉蛋燒賣,大大粒既鵪鶉蛋中間係豬肉，底部係一隻大蝦，YUMMY蟹粉小籠包   必食，好有蟹味，而家推廣價$28/隻, 買5送1, 但埋單時記得CHECK CHECK, 我眼見有2,3枱收多左佢係小點扺甜品時間桂花同紅豆唔夾喎