譚仔雲南米線 (遠東金融中心)

营业中

休息中

在12:00多外賣平台 訂餐外賣自取， 等到14:00 多仲係無餐，現場好多人要求退款， 而我亦有要求退款，但比拒。 理由竟然係已出餐。現場就話叫大家等。 咁當然等唔到啦， 最後返公司見到app完成出產時間竟然係17:19 分，一個餐要四個幾鐘， 仲要死都唔肯退款，建議大家唔好去食垃圾公司垃圾管理。

好差 等到2點都未有外賣 申請退款話出左餐唔比退 但係根本冇出到餐排我前面成個鐘前既單都未出到淨係掉低兩個同事喺樓面應付啲，拎唔到外賣嘅人好差做唔切啲外賣唔好接單啦嘥晒人時間唔好再係lunch時間嗌外賣

我哋一向成家都好鍾意食譚仔🍜呢排👦🏻豆豆👦🏻哥哥放早🙃可以帶佢去食啦😋譚仔於 1 月 10 日起推出❤️‍🔥全新期間限定「雲腿湯米線配雞卷 · 風乾火腿」🍜以傳統粵菜口 味的雲腿湯，配上西式金門火腿、來自西班牙的風乾火腿及鮮美肉嫩的雞卷🐔以傳統菜式理念加入創新元素🤩結合中西飲食元素，別具特色，配合《風雲》舞劇傳承 • 經典的主題， 讓傳統得以延續乃至創新，為譚仔迷呈獻嶄新滋味‼️✨油脂比例完美， 口感鮮嫩，鹹香與甘甜交織，味道細緻，為整碗米線增添獨特香氣，以中西合璧的味道震攝你的味蕾😋✨此湯底預設為不辣，亦可按客人喜好選擇辣度，如加辣需另收$1。點選任何米線(淨米線除外) 均可加$4 轉配菜膽雲腿湯，加辣需另收$1。❤️‍🔥譚仔 APP 會員更可享有專屬優惠， 以外賣自取方式惠顧套餐送指定飲品或汽水一杯。此推廣米線不可轉配其他湯底， 另可追加米線配料✅秘製海鹽串燒（$18）秘製海鹽串燒今季更加入新成員燻豬手串，亦可選擇雞軟骨 / 鴛鴦蔬串，三選二款，可重複選擇食材👍🏻🌟必食推薦 — 燻豬手串，燻豬手外皮煙韌，肉質又嫩滑，絕對令人一試難忘。雞軟骨串用上秘製調味料烤製，香脆惹味。鴛鴦蔬串包含翠玉

譚仔米線的外賣自取服務實在讓人失望，等了整整一個鐘才拿到餐點。雖然米線的味道還不錯，但這樣的等待實在難以接受。店內人手不足，效率低下，讓原本期待的用餐變得煩躁。希望譚仔能改善流程，縮短自取時間，讓顧客能更快享受到美味，而不是浪費時間等待。

叫個外賣等個幾鐘都未出返去打開 竟然偷工減料米線只有薄薄一層 三啖都冇食完湯都係得一半！做唔切你咪鬼接單啦都唔係第一次 諗住之前係初初開鋪頭管理會比較混亂 咁耐冇食應該執返好啩？點知仲亂過初初開鋪幾十個客係門口不定問有未 有未員工只會答 整緊整緊錢又唔比退 一係等一係放棄之前用外賣平台叫餐都係等咁耐今次用返譚仔個app叫 結果都係一樣做唔切咪鬼接單啦！做唔到就執左佢啦！米線份量係其他鋪嘅1/3 我諗係廚房做唔切 所以將一碗分三份加錢珍寶檸檬茶又係細細杯 你咁做同呃錢冇分嘢！我諗今次係最後一次食！

打工仔金鐘返工，大家時間已經不多，要等一個鐘先有，極之差評，譚仔管理層完全視而不見，人手不足導致令人厭惡的體驗唯一可以做的是避開劣質食肆，金鐘其他食肆完全冇這種現象，食物出品都係冇其他地區譚仔咁好，不要來挑戰人手不足的店鋪，搞唔掂就唔好接單，令人失望至極的體驗

————————————————————————-外賣自取諗住提早半個鐘下單，但等左成粒鐘先有，13:45先拎得，效率奇差。如果趕返工千祈唔好食。而且等左勁耐超級唔耐煩嘅時候，阿姐仲同我講我所選擇嘅菜底賣晒叫我轉另一款，非常失望。成村人等佢開飯，堂食嘅客人仲慘，坐係度等都冇得食，人手真係好不足。外賣次序又唔係順住出，見到某啲遲過我落單嘅人好幸運早過自己有得拎。————————————————————————

呢間譚仔永遠唔會令人失望，任何時候去都要等好耐先有得食。無論你係食晏定係晚飯，堂食定外賣，請預左至少要等半個鐘以上先有得食。午飯時間更加犀利，等一個鐘閒閒地，你lunchtime冇返個半鐘都千祈唔好考慮，你去要等外賣等到無時間食晏，咁係你自己唔啱，因為呢度就係得咁多人手，你唔應預以為佢係一間連鎖麵店就會好快手。問佢幾時有永遠係話好快，叫佢取消佢永遠話整緊，務求令你一定要遲到。你見到舖頭得幾毎客就唔洗等好耐？sorry一樣照要等半個鐘以上，你永遠唔知佢仲有幾多張外賣單要做。所以你坐低或手機落單之前一定要諗清楚，呢間唔係一間快餐店，你究竟有冇閒餘時間去食呢？否則，後果自負，責任不在店家。

中午来点个外卖，等一个小时还没出餐。外面全都是等一个小时以上的，大家都在情绪失控的边缘。都到两点要返工的时候还没出餐，我们要退款也不给退。你没有那个接待能力就别接单啊，很难吗？想赚钱想疯了是不不是，这样耽误大家时间多败自己人品啊，希望这个不知道哪位谭家兄弟开的云南米线早日结业吧。真的这样和诈骗有什么分别呀？我来吃午饭的你打算晚饭时再给我吗？再也不会来帮衬。在金钟这边返工的朋友大家避雷吧。对顾客不负责任的饭店为什么还要来吃。外卖等一个多小时真是个笑话。

由手機app拎飛到食到碗麵，大概要等接近一小時，趕時間唔好食。中午時分一早知多人等位，已經用定app拎飛，大約15分後到達，仲要等15分鐘先入得。叫完餐，等5分鐘先有杯阿華田到左，味道淡到不得了，仲要等多20分鐘先有碗米線送上，前後大概要55分鐘。米線到既時候，其實杯涷華田啲冰融到7788，淡而無味。米線就叫左酸辣米線，今次個碗麵係酸辣適中。因為實在太少侍應同呀姐，樓面得幾個人，佢地做到冇停手都應付唔到中午既龐大嘅食客。即使叫人自助落單，但其實大多數人都叫呀姐落單，根本唔夠人做野。譚仔阿姐態度好好，即使午市忙到不行了都保持友善，唯一值得稱讚的事。

金鐘呢一邊終於有譚仔米線食，之前要食譚仔一定要出中環嗰邊，而呢兩個月喺遠東金融中心嗰度開咗一間譚仔米線，就喺大快活餐廳隔離，但係都係超級多人排晒長龍咁樣等，人手似乎唔係幾足夠，等外賣嘅人同等入餐廳嘅人一樣多，但係始終都想試一下，所以今日等咗半個鐘都照去食。雖然佢開喺大快活隔離，但係人流明顯比大快活多，次次上到去都迫爆晒咁樣，有幾次我見多人得滯直頭去咗隔離大快活食就算，但今次我排咗半個鐘終於入到去，叫咗一個最平嘅雞肉清湯米線，覺得都係不外如是，同出邊嗰啲都冇乜分別，份量仲好似比出面少（亦可能係我等得太耐），都係啲一滴香雞精湯底，叫做平民係得選擇中多個選擇！

大概3pm先得閒食晏，一心諗住去譚仔叫自選米線，可選素及蕃茄湯，嗰日唔想食肉。喺門口見下呢個時間原來都好滿座下，門口無侍應得閒招呼，見有個位就自己行入去坐低。.如果係會員就可以手機落單，我唔係就要侍應落，等好耐都無人理，要叫幾次先有人嚟，叫左之後又等左好耐至嚟嘢食，前後要差不多一個鐘至食完埋單😅.自選米線兩餸: 腐皮、豆卜 $43蕃茄湯 +$2共$45.👇腐皮，都幾多.👇豆卜，唔係平時”空心”嗰啲，呢個實在啲大舊啲，我比較鍾意呢種，亦無咁油膩。.總體嚟講，真係好似唔夠人手，我見啲侍應都不停手，廚房好似得兩個人，唔知係咪煮唔切，總之趕時間就唔太建議。味道可以。

星期日跑完步，就去咗金鐘嘅譚仔雲南米線食晏，來到剛好有卡位坐，所以坐得特別舒適，店員服務亦都十分周到；和朋友都係一樣叫咗過橋米線，因為貪佢樣樣都有，而且夠大碗，兩個人食剛剛好；再點多一個豬皮墨魚春卷加兩杯嘢飲；飲品就當然係點佢嘅三色檸檬可樂和生薑香橙特飲；生薑香橙特飲，果然有好生薑嘅味，真係值得推介，再加埋香橙，實在係一絕；三色檸檬可樂就普普通通，只係檸檬可樂加青檸，冇乜特別，但係成罐可樂畀哂你加落去都感覺抵飲；至於個豬皮墨魚卷就真係同幅相相差太遠啦，感覺有啲搵笨；墨魚春捲仲細個隻手指尾！有啲失望！過橋米線就一如既往不過不失總括來說！都還可以！

🍜 #譚仔雲南米線 #譚仔yeah 譚仔又出新嘢喇～ 又係我出動嘅時間xd 今次出嘅「脆肉鯇木瓜魚湯米線」原來係以前曾經推出同掀起一鼓熱潮㗎，今次佢載譽歸來，終於都我食😆🐠🥭 脆肉鯇木瓜魚湯米線呢個湯底比清湯多咗種木瓜嘅天然香氣同甘甜😚 木瓜仲好滑添～ 對女仔皮膚同營養都好好㗎🤪！ 脆肉鯇好爽口好滋味！ 米線仲可以加錢轉菜底，有通菜、生菜、芽菜選擇，健康又好味😍！🥒 熱情果青瓜汁特飲青瓜味好清香，本身仲驚佢太濃會唔好飲，點知一啲都唔會！青瓜味雖然特出但都好清新輕盈，好飲！🍑 楊枝蜜桃茶特飲呢個係香甜可口嘅水果梳打，水果嘅甜味揉合清爽嘅梳打，帶出夏日好滋味😙

譚仔前排先出咗寛麵！而家又聯成鴻福堂出特飲！一於試試佢😎🤟🏻：-1️⃣「墨魚春卷豬潤蕃茄湯寛麵(五小辣)🍅🍜」兩款配菜都低脂高蛋白質，好味，而蕃茄湯酸甜開胃，寛麵好有咬口🙈🥢 ~Cuttlefish spring rolls, pork liver thick noodles in tomato soup -2️⃣「解辣山楂酸棗茶 (原價$11/換購價$9/新王辣后加配價$6)」由山楂、濃縮酸棗汁、光果甘草、羅漢果調製而成，飲落酸甜開胃，唔單止可以解辣，仲可以化滯消積、清熱解毒、袪痰止咳！同香辣湯底米線/寬麵係絕配！宜家叫一碗米線/寛麵/小食，就可以以$9 換購到一杯；叫一餸以上嘅大辣，特辣，雙特辣，特辣多麻米線/寛麵，就可以用$6 換購一杯！-⚠️：解辣山楂酸棗茶鴻福堂分店有售~