譚仔雲南米線 (已結業)

上次食过一次宽面回味无穷，再来食宽面😋鱼腐宽面-清汤底今日唔想食辣，所以叫左清汤，加$1可以转宽面，应该会变成我的最爱，希望长有，虽然面是一样，但每间分店煮的硬度都有少许不同，今次面质略微腍一点点，但仍然弹牙，相比硬身的面更易咀嚼，不错，又是另一种新的口感，鱼腐新鲜，分量也多，吸了汤的精华，啖啖都有汁，清汤鲜甜，炎炎夏日，某些时候清清地也是不错的选择。再来多一客必食的孜然鸡翼，鸡翼都是平常一样有水准，饱饱满足。…查看更多

现在观塘广场要揾间似像啲嘅快餐店，就只谭仔，加上佢哋新推出麻辣猪软骨宽面，仲揾埋新晋女团成员大搞宣传，一于去试下，点知真系一试难忘。入去坐低叫嘢食，大概11点半，当时目测入座率只有4成，我预计咁嘅入座率，加上所叫嘅食物处理简单，两个字做餐，4个字食嘢，食完走人应该正午12点左右就可以完成，点知要12点3先至食完走人，我谂原因除咗食物偏辣，影响进食速度外，外卖数量都有影响做餐时间。我叫咗三样嘢：麻辣猪软骨宽面，正价$44豆浆，跟餐价$9韩式泡菜酱鸡翼，推广价$25埋单合共$78先讲猪软骨宽面，最低要三小辣，对于我嚟讲虽然食到，但偏辣，虽然仍食到麻香，但已被辣嘅感觉盖过部分，影响口感。猪软骨数量算少，一大碗内只有约3嚿腐乳大细嘅猪软骨，由于味道已经被辣嘅汤底抢去，所以食到嘅只有一个稔字，完全食唔到其他味道。由于碗面偏辣，我只用配菜的两块长型豆腐泡索汤食，未敢将汤喝一口。自家制豆浆，唯一可取系甜度适中，但豆味欠奉，唔知会唔会因为碗面过辣而饮唔出豆味。韩式泡菜酱鸡翼，呢个绝对系呢餐最伏嘅食物，睇餐牌，以为系泡菜、酱鸡翼，但碟嘢嚟到时，完全见唔到泡菜，再睇返餐牌个参考图片，如梦初醒，因为餐牌相都系见唔到泡菜，只有绿色物体垫底，咁即系话佢唔系泡菜，加酱鸡翼，而系泡菜酱，加鸡翼，再加上食落口明显系醉鸡翼，更证明佢唔系酱鸡翼，而系鸡翼淋上泡菜酱。呢碟嘢超掠水，鸡中翼一开二，4件，即两只，加5粒唔到嘅花生，海带垫底，几粒指天椒，一撮芫荽及酱油，你话材料成本要唔要$8？虽然我觉得呢间嘢嘅食物又贵又唔好食，但奇怪系呢间连锁店，由十几廿年前张都依家都咁多人食，仲话系咩一代人嘅集体回忆，去到外国都会挂住谭仔，而就以观塘呢间分店而言，由11点半入座率得4成，去到12点3已经接近爆满，而且仲有好多几个供人拎走嘅外卖袋起门口，所以只能够讲句，我系完全唔识欣赏呢间著名连锁店嘅食物，如非必要，都唔会再光顾。…查看更多

腩肉炸酱米线-鲜蕃茄汤10小辣是日星期三, 12半去买外卖，算快啦，等左15分钟就有，上次等左半个钟，真系睇运气🙈或者应该好似其他人咁打电话去叫定，或者用外卖Apps叫。炸酱一向好食，但外卖冇另外一个碗上了，即系要倒晒落汤，所以最后应该有好多炸酱落吾到我个肚，so sad，被为环保出一分力系有代价。腩肉就系汤入面，佢比嘅份量都吾少。第一次试鲜蕃茄汤10小辣，估吾到甘好饮，入边有好多蕃茄粒，加埋啲微辣，10分惹味。…查看更多

早轮见到谭仔推出左菜底 简直系天大既喜讯 皆因我唔好面 满心欢喜同同事去帮衬 点知失望至极😣😣脆鲩 猪膶 生菜底 麻辣十小辣🤲🏻一打开真系哗左一声 咁少既 同平时叫个菜做𩠌差唔多🥬🥬真系唔抵食 建议下次叫个菜算 不过其他野发挥都正常既 又热又微辣既汤系冬天之选 唔觉唔觉饮晒成碗🍲自从推出脆鲩之后 我每一次食谭仔 佢都会占一席位 保持到鱼肉既鲜甜 同时又有脆鲩既爽脆🐟而猪膶今次就麻麻地喇 全部连住一旧旧 切都未切好 好干 无味道🙈同事叫左土匪鸡翼 请左我食一只 鸡翼就保持到温度同有肉汁 都唔错💁🏻‍♀️💁🏻‍♀️…查看更多

老老实实，今次系我第一次食谭仔， 大家会觉得好奇怪？一向都唔系太喜欢食米线，但都钟意食辣野嘅，今日太肚饿嘅关系，唔想再去揾其他餐厅，就去试吓谭仔米线。由于我都食得辣嘅关系，所以点左重庆酸辣米线加牛丸同鸡肉， 另外再加谭仔好出名嘅土肥鸡翼。谭仔阿姐问我个酸辣要几多辣，咁我第一次试就唔敢太进取，所以点左两小辣。个米线上枱嘅时候个味道好酸，试咗啖汤，觉得个辣到对我来讲太湿湿碎，下次可以是小辣。牛丸好普通，应该唔系呢度嘅招牌菜。鸡肉正常，但冇鸡味，仲有少少鞋。土匪鸡翼就唔错，好香口，如果上枱时热少少就更加好。…查看更多