2月17日, 米线专门店之中我最钟意食嘅首推谭仔! 平时我地都无乜特别分三哥唔三哥嘅谭仔, 随住分店越开越多, 就开始觉得唔同分店质素参差… 而呢间观塘店, 就算系同行中比较好味嘅!::: 墨丸小锅米线 ::: $22墨丸系我食亲谭仔都一定会点嘅配料! 呢度d墨丸好香墨鱼味, 质地弹牙~ 仲有好多粒~ 好正! 另外钟意食谭仔嘅原因就系因为佢米线本身嘅配菜已经好多好丰富~ 唔洗另外追加已经附有大量韮菜、芽菜、腐皮, 比出面好多打正旗号话卖云南米线但其实好似车仔面咁嘅舖头好好多! 而且呢度个汤底好够味, 米线又够烟韧弹牙~ 好味!::: 腩肉酸辣米线 + 冻奶茶 ::: $24 + $5谂住腩肉会系卤过会有卤水色, 但系原来只系白烚, 所以成碗米线望落都几淡… 腩肉有本身肉香, 半肥瘦状态下肉地唔韧, 有少少肥仲可以增加番个香口感, 不过我都系钟意食卤水多d. 酸辣汤底唔会好似其他云南米线咁好多油, 清淡得嚟带少少甘香酸辣味, 个酸度又唔会呛喉, 唔错~ 落配菜亦都唔会手软, 大量芽菜、韮菜、腐皮啖啖有~冻奶茶普通货色, 其实唔算难饮~ 不过奶味好重, 饮完有d腻. 胜在加$5就有, 奶茶亦都可以衬番酸辣米线, 正~呢度长期都要等位, 但人流算系运行得快. d呀姐做野都系快手快脚嘅, 所以服务其实就唔好expect会好好, 个墨丸米线亦催咗几次先有. 不过价钱平、味道好, 真系已经好过好多其他米线舖~ 不过到写食评嘅时候发现佢已经搬咗舖... 唯有希望佢嘅品质越搬越好啦!…查看更多
叫左个腩肉米线3小辣
第一口系小小既辣同得过咸字
辣汤底仲系要加一蚊
真系失望......但系腩肉都可以话傸,米线煮得唔烂又唔硬不过无下之次..........:(
