譚仔雲南米線 (麗港城商場)

营业中

休息中

上個月其中一個週末興高采烈返母校參加舊生籃球比賽⛹️‍♀️ 師姐師妹們大家都玩得非常投入，盡興而歸🥰😆 由於打完波後大家都好攰同埋各自已經有飯局安排，所以幫手執好晒啲嘢就各有各走啦，冇一齊食晚飯😄 由於我屋企離母校唔算太近，而且我好攰所以行得好慢😅🤣 所以返到屋企附近都已經差唔多夜晚7:30😅由於唔想返到屋企先再諗食咩，所以就決定喺屋企商場裏面快快手食個晚餐先返屋企☺️😄由於我不嬲都鍾意食譚仔，所以我就決定去商場裏面嘅譚仔堂食😄 我叫咗自選米線，揀咗腩肉同墨魚春卷😋😋 墨魚春卷係店內姐姐推薦我試吓，的確味道唔錯😋😋 我揀咗麻辣五小辣做湯底，其實都唔係好辣😁 我冇用譚仔App落單，係店內姐姐幫我落單，服務態度好好，好友善，仲推薦我食墨魚春卷，好似朋友咁傾偈☺️☺️ 堂食體驗非常好，我食飽後就好滿意咁去收銀處埋單，然後返屋企休息😄👍

呢碗皮蛋芫茜過橋米線要加錢換佢個湯底先有。都係幾蚊。不過再用埋佢哋嘅apps，買滿75$ - $10 就都幾抵食。 味道方面就幾好。不過都偏喊。皮蛋都係唔好食咁多為妙。

鍾意芫荽嘅朋友 有福啦！！！皮蛋芫荽湯 再加上一人皮蛋， 即刻變成Double份量。依家譚仔 出左依個三餸，免費加配一個小食。鍾意食皮蛋嘅朋友，可以加個芫荽皮蛋湯，再點去嘅尖椒皮蛋醬。今次嗌咗雞肉，牛肉同滷水豬大腸。 雞肉同牛肉都相當柔嫩，口感唔錯。，最有驚喜嘅係滷水豬大腸清潔得好乾淨，唔會有豬臊味。識落亦都相當爽口。如果想刺激啲嘅再點少少沾蕉皮蛋醬口感更佳。成個餐夾埋都係$60相當抵食，有肉有皮蛋仲有小食仲有芫荽愛好者最愛嘅芫荽😎

🍜🍲🥢平價邊爐在譚仔而家連譚仔都有得打邊爐啦，價錢都算經濟，由$98起，係二人份量。🍲湯底可以揀蕃茄湯、香荽皮蛋湯或者重慶酸辣湯，我試左2次，分別選左蕃茄湯同香荽皮蛋湯，想食辣嘅呢兩款都可以加辣。冇特別評價因為就是譚仔湯底🤣要留意吓嘅係呢三款湯底本身都預設咗一啲配料，例如香西皮蛋會配咗魚肚、蕃茄湯會配咗雞件，呢啲都係冇得轉嘅，另外每一鍋都會包咗啲京白菜、青瓜粒同埋木耳。🥓配料之後就可以係個list到自選三款嘅食材，個list冇嘅就可以再加錢添加配料，最多只可以加兩款，例如墨魚春卷、脆肉鯇、芫荽山呢d，就係免費list上面冇，一家要加錢嘅。🥒小食四款小食裏面可以揀兩款，不可重複，分別有紅油木耳、紅油青瓜、麻辣豬耳同埋四川青椒皮蛋。皮蛋係正常份量，所以應該係最抵食嘅。圖片的雞翼&豬大腸係另外叫的。🍚主食可以選兩款，白飯、米線同埋寬麵唔使加錢，酸菜炸醬飯就要加$5。米線同寬麵嗰啲本身都已經煮熟咗，唔放落去滾湯，就咁撈皮蛋個辣油都好正😆🥤飲品包熱飲兩杯，凍飲就要加$3，特飲就要再加錢。冇咩加嘅話，人均$50-60就可以打邊爐，而且都吾會吾飽，豐儉由人，值得一試。

譚仔regular嘅米線同小食不嬲都好食，但間中出新嘢都會身痕想試下。尋晚同屋企人堂食，我食返普通揀餸嘅配搭，好味，屋企人身痕試新嘅撈寛粉，啲餸因為都係米線嘅餸，所以冇問題，但寛粉，唉，個底有1/4碗淥麵水浸住，撈埋出黎啲味冇哂，甚至一路食會一路索汁嘅寛粉索到食完，個底都仲有幾羹水淨，令寛粉冇哂味。走時買外賣俾屋企人冇落黎食嗰個，想要素米線，點知姐姐話冇哂素肉醬所以冇得叫，本來想問可唔可以轉真肉醬，但原來冇其中一味，收銀機就會lock咗嗰個組合，你叫咗轉一味都唔得🤷🏻‍♀️所以又叫返普通配搭加啲小食。都係小食最好味