譚仔雲南米線 (黃埔天地聚寶坊)

营业中

休息中

嗰日我7:30見餓就入咗間譚仔叫咗碗新出嘅雲腿湯米線 同點咗杯好立克（杯好立克係用迎新優惠點嘅）話咁快個米線就到喇 一食起上嚟就咸到勁口渴都算喇 點知食到一半個好立克仲未嚟我好聲好氣同阿姐講未嚟 佢都Heahea地唔知係唔係漏單定點啦 最後我食完個米線最後先嚟到我都算 我只想嗱嗱臨食完嗱嗱聲走姐找數嗰陣發現點解張單會貴咗$11嘅？佢堅持我冇用張coupon 但係我喺個app show俾佢睇，其實嗰張coupon係落單嗰時已經用左㗎佢都係堅持話我冇用就話我唔啱規矩 話我冇睇清楚 雖然最後都死死地氣俾返$11我但出咗店我睇返個Apps嗰張coupon真係已使用其實錯都唔係我，點解我要受你氣啫 咁嘅服務態度想幫襯下次都難喇！

員工自己落少咗order話個客人講漏咗唔肯幫個客人加話加唔到唔覆order係一個問題又冇禮貌，態度極之差唔會再嚟成碗米線又難食完全影響晒客人嘅心情唔該公司訓練吓啲員工

食得譚仔都係想拿拿林食完走人姐，黃埔呢間分店啲員工為咗趕收工完全唔會理會你係咪食緊米線，個員工一直企響我隔籬窮追猛打地催我埋單比錢，唔會理會你當時係咪食緊米線，唉一路食一路催，大家可以黎呢間分店試吓感受下

這間分店的座位不好坐，一係要人坐高枱，一係要人坐廚房門口，一係張枱枱勁細，周身唔舒服！點了過橋米線三小麻辣，冇辣味冇咸味！何來有麻嘅感覺？麻辣雞翼都係冇味，似是烚完再烤！檸檬茶完全冇茶味，啲冰勁多！望見水吧來的譚仔姐姐煮米線，真係非常之求其！管理混亂，上菜次序亂七八糟！等了20分鐘都未上菜，反而遲來的客人已有得食！同啲譚仔姐姐跟進，譚仔姐姐都係敷衍了事，永遠答你整緊整緊！從來未去過一間咁差嘅譚仔分店！希望管理層多加留意！👎👎👎👎👎

譚仔啲米線幼細彈牙，諗起佢啲酸菜，就流口水😋😋今日午餐就去幫襯吓佢😝叫咗兩碗米線！兩碗都係酸菜，炸醬加雞肉，要胡南湯底。味道唔錯，尤其酸菜好開胃又爽口，雞肉都唔差！但係成碗米線加咗炸醬的確生色不少😋另外加多一份土匪雞翼！好味！皮蛋就真係一般般，唔太好食，但係又唔係好難食個種啦！🤣其實我一向對譚仔期要求唔高，所以間唔中都會去食下。因為佢始終都係公式化多啲餐廳！但係有陣時諗唔到食乜幫襯吓佢都係好嘅選擇！

疫情期間唔想煮飯叫外賣啦炸醬重慶2小辣米線～有韭菜、芽菜～湯底勁多油不過一如既往咁嘢味～炸醬賣相差見到都唔想食～不過味道幾好～夾咗另外嗰碗嘅豬大腸試吓先滷水豬大腸蕃茄米線～湯底有濃濃嘅蕃茄味～又攞咗少少炸醬過嚟試吓同呢個湯底夾唔夾小食拼盤$20～有：麻辣豬耳、涼拌木耳、口水雞翼～份量極少～涼拌木耳醋味剛好～豬耳五薄片～絕對係靠個口水雞汁～如果唔係冇味～口水雞翼一開二～總共三舊單骨～即係一隻半雞翼極搵笨～白烚雞翼配口水雞醬～不過個醬又真係好惹味好好食加$3凍奶茶外賣盒各$1一餸米線都成$40幾貴

身為米線Fans我一定係譚仔忠實食家😋每次經過譚仔見到有新產品就會去試😊😊琴日帶左小朋友去上堂，同老公去食個下午茶撈米線不是傳說啦‼️‼️‼️‼️有個新產品撈米線一定要試試La😍不過我老公就唔鍾意啲食撈麵😉為有我獨自享受撈米線💗💗［麻辣汁烤雞炸醬撈米線 ］跟以往的食法很不一樣的感受👍今次無曬烤雞就換左牛肉➕大腸譚仔炸醬撈真係無敵無論點食都好味😋 麻辣汁😅對於我超級鍾意花椒麻就感覺5到麻，對於我黎講美中不足🤨下次我可能要叫多麻辣🧐上次出咗［香茜皮蛋魚湯米線配脆肉鯇］我就已經去試咗啦！D魚肉好滑加埋芫荽皮蛋一齊食冇得頂👍今次老公都點黎試試😉聞到撲鼻而來的芫茜香氣十足♥️♥️鍾意芫荽嘅fans一定唔好錯過呢個🤩🤩🤩麻辣汁烤雞炸醬撈米線 $43香茜皮蛋魚湯米線配脆肉鯇$43

講起譚仔...其實譚仔同三哥，我成日都唔會太在意。今日特別想食米線，平時會去黃埔譚仔三哥，但見路程近少少既黃埔內，開左間譚仔雲南米線，而且見格局幾靚仔，坐得舒服啲咁，就同另一半坐左入去。嘩嘩嘩，今期主題竟然係「芫茜」🥲🥲OMG！雖然我對芫茜并不反感，但都唔係Fans...自問未有勇氣去挑戰...反之朋友竟然勇於挑戰...🔥仲要計杯野飲都係芫茜出品...而我自己都嘗試一下新口味...「酸菜泡椒魚湯」5小辣...味道方面呢...不過不失，只係飲唔到所謂「魚湯」...而自己經常會order既「口水雞」同「炸醬」...有比較之下，個人認為「三哥」既出品岩自己口味多啲。報告完畢

作為一個芫茜控，梗係要去試下譚仔新出芫茜魚片湯米線！我點左一碗+3小辣，其實整體味道係唔錯，但愛吃辣嘅人不能夠加辣，因為會食唔出魚湯底，辣味會圍繞味覺！脆魚鯇係幾高質，夠脆有口感，但略嫌份量唔夠～反而皮蛋份量夠，又真係開花，入口好爽！下次去要加$5芫茜山，同不能加辣！

話說譚仔出左芫荽餐，芫荽愛好者就去試下。之前食佢既魚湯脆肉鯇米線都覺得好味。芫荽皮蛋脆肉鯇魚湯米線加3蚊芫荽山我覺得份量充足，3蚊芫荽山另上。一來試啖頭啖湯。清清地都幾好味，係有d魚味既。本身都有少量芫荽係面，皮蛋都好足料，感覺食極都仲有。脆肉鯇唔會太熟，口感嫩滑。肉質脆實，唔會散晒。芫荽山係自己堆砌出來的。豬膶重慶酸辣大辣小妹試一啖湯覺得好嗆喉，男友覺得唔夠辣，只係覺得入面有好多辣椒粉，但分揮唔到辣既感覺，豬膶太熟，不過整體都好食。麻辣豬肚有花生芹菜芫荽撈埋好好食。試左杯香荽青檸雪碧入口清新，但又飲唔到芫荽味。如果係香荽青檸梳打，冇甜就更好。

黃埔開咗譚仔呀🤪不過一直未去堂食～我覺得個環境幾舒服，裝修又靚，服務又好😍以前讀書時期成日食譚仔～之後就變左常餐了黎個過橋米線！麻辣中辣！食完成個咀都麻左～我以前都食開中辣⋯⋯不過近期要開始食返小辣，依家就覺得中辣好辣呀🥵食過橋米線，有埋酸菜食😍米線係我鍾意嘅硬度，唔會太淋或過硬～食過橋米線就可以食多啲小菜😚譚仔必食！就係麻辣豬耳！我每一次都會食㗎😍其實我以前比較鍾意食三哥，因為鍾意佢個三個酸辣湯底，但係自從食咗譚仔嘅豬耳之後⋯⋯就⋯⋯轉軚🤣因為真係好好味，份量多，其實自己係屋企都整到呢個汁，但係唔知點解覺得係譚仔食就係最好味😍再食埋皮蛋，好滿足～😍如果大家成日食譚仔嘅話，記住download返譚仔app，scan返張收據，可以儲印仔！之後可以換$5現金卷，25個印仔就免費有豬耳食！$60就1個印⋯⋯$120就2個印仔⋯⋯如此類推做完問卷又有多一個印仔～精打細算！真係唔好嘥咗你啲收據！記住要喺四個鐘內scan返～如果你係譚仔迷⋯⋯一定會有呢個app😎

黃埔又開咗間譚仔 (其實都成個半月）同Aeon對面嗰間唔同在佢係譚仔雲南米線而唔係譚仔三哥依間取代咗吉野家原址 擺設一樣 但係裝修得幾靚 感覺舒服同乾淨 尤其窗邊位黎到新舖 梗係要試埋新野最新推出嘅脆肉鯇木瓜魚湯米線 ($43)望落養生又健康 係清湯以外嘅另一個選擇一開始啲木瓜同鯇魚沉底 搞到好似冇餸咁其實唔係架 鯇魚肉都有~7片 而且有細細片木瓜 真材實料先試湯底 有少少失望 因為完全冇木瓜味😢唔鮮甜 反而遍咸可能係木瓜唔夠熟 出唔到味落湯底 因為我就咁食啲木瓜都好硬 好似食蘿蔔咁不過鯇魚真係好好食 唔會散開 佢嘅肉質非常結實 亦好似佢所講 咬落好爽口 質感好得意 (有少少似象膠咁) 係一個好好嘅配料👍🏻至於米線 水準當然有返咁上下 米線份量充足 麵質幼細滑身 少少彈牙 🥢-雖然湯底比預期木瓜味唔出但係當普通湯底食 味道相當唔錯鯇魚更是特別同出色大家可以試試 唔鍾意木瓜更加可以試😂真係冇木瓜味 或者可以叫鯇魚做餸試下 (我竟然愛上了鯇魚)服務一般 可能新店 運作未暢順有一兩個侍應態度差啲 好似已經唔想做咁 同埋如果坐窗邊可能比較難叫人落單 (盲點)不過其他侍應ok 店長係女人 起廚房