譚仔雲南米線 (愛東商場)

营业中

休息中

今次食Ge胡椒餅煎蛋令我驚喜！煎蛋外層金黃焦香，內裡嫩滑，胡椒餅算幾煙韌，內餡還可以，兩者搭配都算可以，胡椒的辛香我幾鐘意，食落去口感唔錯，鹹香滋味尚算合格，會再去食，價錢算平。

因為比較近公司，有時lunch唔知食咩都會揀譚仔，今日嚟到試蕃佢之前出過，今次再推出嘅雞扒炸醬撈米線，其實好好食，因為佢個汁好香，而且同個米線好夾。但係份量少咗啲。😂朋友走米線要芽菜底，勁細食嘅朋友食完都話唔夠飽。但係明明我哋之前嗌外賣份量係好夠嘅。另外嗌咗過橋，過橋嘅份量又好足夠喎。而且啲食材全部都係即刻煮，唔會話過咗火，連豬潤都保持到啱啱好熟。所以呢間嘅質素真係好睇廚師嘅心情😂值得一提係買滿$70 ，就可以有一款一人小食不過一台只限一次。同埋最近出咗一個芒果布甸，未有機會試，下次再試吓

最近譚仔新出咗港式牛脷釀豆腐再加歐式百里香🤔🤔個配搭幾奇怪，所以試吓。個湯底其實係蕃茄湯，但係加咗好多胡椒，食落去唔算好辣，但係幾暖胃。牛脷我個人覺得腍咗啲，個豆腐就不過不失，入邊好似有啲雜菜咁樣。個百里香，可有可無，浸咗落個湯度都唔特別覺得佢有味。🤭🤭整體嚟講唔錯嘅，價錢又合理。個牛脷都有四塊。

臨近新春，譚仔出左新既期間限定，黃金鮑魚芝士撈起米線配青花椒香茅雪碧（$63） 米線入面有蟹柳、西芹、蝦條、花生、鮑魚、火腿等等既配料，芝士汁都幾好味，芝士味夠濃又唔會好假，同埋唔會太稀！除左芝士汁，仲加左少少芝士碎，有多一款唔同既芝士味，味道豐富啲！不過蝦條有少少淋左😕 本身以為杯青花椒香茅雪碧會好怪，但飲落其實無咩花椒味同香茅味🤨🤨，加埋檸檬其實似檸檬雪碧多啲🤣🤣仲無普通雪碧飲落咁甜tim!

筲箕灣呢頭終於有譚仔雲南米線🍜食，之前淨係得大家樂同其他快餐店，愛東商場算係邨內食物集中地，所以都算係方便快捷簡單，而且我同朋友都好中意食譚仔米線！我地一齊去左附近朋友屋企玩Boardgame，然後原本都唔想再出去食野，諗住叫個外賣返去就算，不過後來知道原來係愛東商場呢年開左間譚仔雲南米線，而朋友屋企又搵唔到外賣紙，所以最後都選擇直接落去食！咁我朋友就叫左佢最中意食嘅豬潤魚片頭10小辣，而我就叫左雞肉豬肉清湯米線🍜，每人一杯檸檬茶少甜多冰！d芽菜比我想像中多幾好，不過我地覺得d料有d少..🤣🤣

下午茶時間去食，吃到一半客人走剩得我一個，戴眼鏡扎頭髮的店員突然開始掃地，而且邊到都唔掃，淨係掃靠門口玻璃窗的一行和我坐緊既果行....我食到一半開始掃地揚塵係個腦諗緊咩啊....因為眼鏡阿姐一開始淨係掃我前後和隔離檯，我以為佢有D做人的基本禮貌唔會掃我張檯，點知係最後先掃我張檯！一聲唔該縮腳或者唔好意思都無，直接伸入掃把就掃掃掃，重點係掃完我張檯之後直接收起掃把！！！咁係咩意思咧？我右邊兩行全部卡位以及後面近廚房等地方完全無掃，好明顯針對我，就因為我見到張單上面飲品的價錢唔啱而要求佢同我換一種飲品.....好小事，居然咁樣對客人我地傳統文化都知道摞掃把掃人係咩意思，真係極差的一次經歷阿姐，咁鐘意掃地應該掃街分工啱妳多D，祝福你日日有掃把在手，做個開心的掃把星

難得屋企附近開左間譚仔，終於唔洗日日外賣都係食大家樂麥記，依間譚仔質素仍然保持水準，但係外賣姐姐好易執錯野，試過明明叫左兩餸，但最尾只係執左一餸，返到屋企打開都好失望。明明就唔係好多人叫外賣但都出錯

譚仔依家真係越開越多分店連我屋企樓下都有😆今日落咗去食佢新出嗰個蟲草花花雕醉雞翼米線（唔辣的）花雕醉雞翼都幾香酒味同煮得幾淋🥰佢啲湯都唔錯😆另外再加咗個麻辣豬耳份量都好多啊！正😋叫咗個小食就可以以$10優惠價追加多個小食！我就叫咗皮蛋，分量就比原價少啲，但都好抵食呀🥰

這個住宅區內終於食到譚仔了～即刻來碗三餸米線，豬潤、魚腐、雞肉、清湯呀~ 唔該！此店的店員態度好友善，會主動幫你落單、斟水，值得讚讚 新開沒多久，環境仍然算乾淨。