譚仔雲南米線 (樂嘉中心)

見💛譚仔雲南米線 📲譚仔 APP嘅雞扒配低卡蒟蒻麵嘅 「Gym Gym 餐」系列今次嚟個「大 UP 肌」🆙真係好適合追求健康低卡飲食嘅朋友仔推出3️⃣款✨全新 「Gym Gym 餐」配搭不同食材、低卡蒟蒻麵及清湯湯底❣️Double啖啖肉雞扒清湯蒟蒻麵❣️啖啖肉雞扒牛肉清湯蒟蒻麵❣️啖啖肉雞扒脆肉鯇清湯蒟蒻麵我揀嘅❣️Double啖啖肉雞扒清湯蒟蒻麵將原有嘅雞肉升級至原塊「去皮」啖啖肉雞扒食落啖啖肉 口感豐富 蛋白質都全面🆙 Level Up 😍高強度訓練🏋️或健身後享用 仲可以滿足肌肉💪修復需求🔸3️⃣款套餐均附送低糖綠茶🍵 清新🌿解膩享用Gym Gym 餐 +$25仲可以轉配一杯✨全新以冷凍🌀乾燥技術製造嘅天然🌿果昔系列有2️⃣款口味可供選擇❤️莓果動力果昔💚翡翠活力果昔我揀咗以蘋果、香蕉🍌、菠菜、南瓜為原料味道天然甘甜嘅💚翡翠活力果昔一杯 = 1-2 份每日所需蔬果營養🥰非常適合生活繁忙嘅都市人Gym Gym 餐配搭香甜美味嘅健康果昔仲有助減肥、維持健康…查看更多

平時都知呢間譚仔出餐係慢，嗌個外賣要等20分鐘先有得拎，你話你多客多單，我都算數。今次嚟堂食，目測舖頭入面啲客人只係坐咗一半滿都冇。06分已經落單。我知平時出餐慢，都冇特別催單。點知等咗半個鐘！都唔嚟！到36分我忍唔住舉手催單，個侍應行過嚟個樣，係有少少唔耐煩，行到過嚟已經舉起佢手上張電子單俾我睇，示意佢知我已經落咗單。我話半個鐘啦喎！佢先至入去幫我跟張單！之後竟然可以39分就出到餐俾我！咁即係其實一早就可以出俾我啦，請問咁多個侍應係喺度做乜？…查看更多

經過北角地鐵站見到間譚仔雲南米線門口有張海報，寫咗係「期間限定」雲吞+雞卷雲腿湯米線$46，而且當時見到餐廳內食客唔算多，枱與枱嘅距離都隔得好開，於是就入去坐低下載譚仔雲南米線嘅App，然後手機落單兩個雲南雞卷雲腿湯米線，手機落單時揀咗少米線，另外因為第一次落單仲有迎新優惠，蒜泥白肉（細）嘅一碟，我哋亦係手機落單時揀咗少紅油及少蒜蓉。手機落單後，好快就送嚟蒜泥白肉，超薄嘅幾片肉片，加埋紅油及蒜，又真係幾好味。跟住米線都到埋，份量真係啱啱好，雲吞皮薄及好足料，雞卷嘅雞肉都好嫩，又唔會整得太實，味道唔錯，飲咗啲雲腿湯就覺得有啲口渴，餐廳內都有提供自助飲用水，服務及食物水準都做得唔錯，而且價錢都算合理抵食。…查看更多

招牌组合：豬潤豬肉炸醬米线（配小辣酸汤底）** - **汤底**：小辣酸汤底层次分明，酸味来自番茄与醋的平衡，辣度温和不呛喉，尾调带一丝豆瓣酱的发酵咸香； - **豬潤（猪肝）**：薄切汆烫火候精准，外层微粉、中心嫩滑无腥气，浸泡汤汁后更添鲜味； - **炸酱**：肉碎肥瘦相间，酱香浓郁带微甜，与酸辣汤底形成反差，但稍显油腻（建议搭配冻柠茶解腻）； - **米线**：软滑但有弹性，挂汤力中等，久泡不烂； - **不足**：豬潤仅3-4片，分量略吝啬；炸酱沉底需搅拌，否则易咸。 …查看更多

自己食過好多次發現佢嘅湯底質素好唔一樣，不過就次次都係好淡而無味，酸辣湯完全冇酸辣好似清湯一樣，蕃茄湯都係冇乜蕃茄味，唯獨係重慶酸辣湯底就會比較濃啲，其他次次食都好失望，希望跟進吓…查看更多

呢間譚仔雲南米線環境唔算好闊，1:30竟然都仲係好多人要排隊，雖然等咗唔係好耐。今次就特登走過嚟試佢個健身餐，要用譚仔APP先點到嘅期間限定「增肌瘦麵套餐」 同「滋膶瘦麵套餐」。 初頭就係唔知邊度嗌見餐單見有得嗌。原來要開app先有，所以大家要登記做咗會員先。我喺揀食材嗰邊仲加多咗份雞肉，雖然佢原本已經有雞肉牛肉，但係我就再加多份睇吓佢夠唔夠多，點知出到嚟兩份雞肉都唔算話好多。目測覺得應該唔會有佢官網講嘅蛋白質份量咁多。因為自己都有做gym,所以大概望到啲肉嘅份量唔算好多。…查看更多

嗜辣港女食左米線咁耐第一次配熱飲以往都係凍飲少冰估唔到又ok因為食完碗米線杯熱飲都變室温另外原來譚仔嘅熱茶啡好正真係大發現以後奶茶咖啡會點熱飲檸茶就點凍飲解渴d食左譚仔嘅特辣都超過一年呢間分店煮得最好湯底夠濃夠辣又唔油米線亦煮得啱啱好吸到湯軟滑又有少少煙韌配料分量都足食過個別分店特少食野有時都睇運氣配料雞肉嫰滑唔會碎濕濕冇哂口感配呢個特辣湯不得了冬菇選料都唔錯有少少厚度會爆汁今次閒日放假嚟晏晝時間都有7成滿座希望譚仔越做越好…查看更多

見佢出新嘢，膽粗粗試一試，個名已經伏伏地，叫做「燉排骨螺片配哈密瓜爵士湯米線」，幾時有聽過人用哈密瓜做米線嘅湯底🤔老實講，個排骨係幾好味，煮得夠腍，大大塊又多肉，雖然數量唔算好多。但個湯就真係唔係人人啱飲，第一啖飲落去甜甜地，有種淡淡嘅哈密瓜味，其實真係唔夾，除非好鍾意食哈密瓜嘅人會鍾意，我就鍾意正常咸嘅湯底多啲。…查看更多

因為開喺屋企附近嘅關係，鍾意食譚仔嘅我又有多一個選擇啦！是晚6:20左右入到去，可能時間尚早，未有好多客人，於是我揀左一張餐廳較入位置嘅座位，感覺上清靜啲(門口好多人等外賣)；一開始對新店感覺良好，因為格局四四正正，店面燈光又充足，坐得相對舒服。但叫野食果陣真心有少少跌眼鏡，因為我只係嗌一碗"兩餸普通酸辣米線，少米，唔加野飲"，唔係啲咩複雜菜單，講得又唔係快，個譚仔姐姐都可以要我重複三次食咩......之後問佢攞杯水，佢應左但最後又無左回事，卒之我自己起身去拎.....我理解新開張鋪頭要一段適應期，但話哂譚仔已經有咁多間連鎖店，又上埋市，估唔到都係咁嘅水準，希望佢嘅服務質素日後有所提升啦，否則長此下去都幾趕客......食物方面，餸嘅份量少得可憐，但米線就好多(我已經嗌左少米，但感覺上同正常份量一樣)。個人覺得譚仔真係要起勢力追，改善下份量同服務呢兩環，否則面對愈開愈多嘅米線小店，譚仔嘅固有優勢一定會慢慢磨蝕。…查看更多