譚仔雲南米線 (其士商業大廈)

营业中

休息中

夏日展開減肥大計💪🏻完全比譚仔GYM GYM日上套餐吸引住個眼球!GYM MENU 仲有幾個選擇👻lunch time 好多人🫣🫣要self services自己係手機落單😗但我估唔到出餐都幾快 睇咗樓下啲評價本來仲好驚遲到😶‍🌫️～牛肉雞肉清湯蒟蒻麵 配低糖綠茶為左壓低kcal 當然要order清湯雙份雞肉+一份牛係一個外食補p好選擇!🤗套餐包括一杯低糖綠茶 $47 三餸真係好抵食~下次想試再低卡D既豬潤雞肉蒟蒻麵!

如果唔夠人手，就唔好開咁大間舖。其實下午茶時間真係唔多客，但點解咁大間舖都係得果兩個阿姐響度？從來未試過去一間譚仔要等30分鐘先有嘢食！仲要唔催佢都唔黎，啲阿姐仲要無禮貌，淨係賴漏單，一句唔好意思都無！漏單應該唔係食客嘅責任，點解好似我犯錯咁？眼見好多人都野食都好遲黎，但遲過我落單都快過我有野食。食物質素其實同其仔譚仔一樣，但上菜時間真係完全不能接受。響九龍灣要趕lunch time返工嘅，真係食其他野好過！

今日又約咗個朋友仔喺九龍灣食飯，我同佢嘅公司中間啱啱好就係呢一間譚仔，加上我哋最近都download咗譚仔個app，琴日收到個通知話買滿$70就會有一個皮蛋送，所以我又嚟咗去譚仔。今次我都係繼續嗌返一個gym人嘅套餐，依然都係咁多雞肉同埋牛肉，但係面底我就轉咗做寬面，敷面嘅口感相對實淨，同埋佢朔晒啲汁，又唔會太腍，有少少似刀削麵嘅感覺。今次我冇嗌到皮蛋湯，我叫返普通清湯，但一樣好好味，而且佢送咗個皮蛋，我哋兩個每個人都係食咗40幾蚊左右，超級抵食。

自從轉咗工嚟九龍灣之後，今次係我第一次嚟到呢一間嘅譚仔度食lunch。最近都想食得健康啲，見到佢有個gym gym 日上，咁我就即刻嗌咗個牛肉雞肉清湯蒟蒻麵配低糖綠茶（雙份雞肉份量Up！）。鍾意食芫荽皮蛋，我仲轉埋呢個芫荽皮蛋湯。呢個面一啲都唔小氣，超級多雞肉，而且都好腍。再配個芫荽湯，真係好濃郁。蒟蒻面口感好彈牙，食落口，又冇咁有負擔感。呢個套餐仲要包埋一杯低糖綠茶，我加埋嗰個芫荽湯，到時係需要$47，超級抵食。

今日午飯時間用咗外賣平台喺譚仔叫咗個餐😆勝在自己唔使行過去拎慳返唔少時間～ 由於擔心食飯時間多人11點15分就已經落咗單點知勁快手，11點35 就已經送到！ 呢度要俾啲掌聲👐🏻但三餸都有啲貴加埋平台費要$83 🙈食個米線不過送到嚟都仲暖暖哋, 叫咗套餐有埋可樂都仲係凍嘅!! 算係唔錯我就叫咗走芽菜～但米線既量真係唔算多不過不失三餸就叫咗炸醬，魚蛋同墨魚腐！仲加咗$6轉左個芫荽皮蛋湯底～呢個湯底值得推介已經食過好多次覺得好好味！

蕃茄湯麵底轉菜底，韮菜非常少，感覺只有半個米線份量；湯倒是非常滿，不值這個價。員工人手嚴重不足，有人一人同時推2車，但要招員工來下單反應還算快，很有效率，非會員沒有app沒有QR code 下單，收八達通在九龍灣區難得座位夠多，還有窗口位有景睇

大家以後都唔好幫襯九龍灣其士商業中心譚仔雲南米線 有錢冇錢都唔好幫襯服務態度極差叫咗10幾次都冇人嚟落單俾個數碼code我哋完全用唔到叫職員落嚟落單仲要晦氣唔怪得知呢間米線越食越少人幫襯

譚仔雲南米線📍香港見到有好多APP期間限定米線套餐，決定睇住電視食，結果有伏有唔伏。。。⭐️燉排骨·螺片配哈密瓜爵士湯米線 $49送指定飲品 （我揀左冇糖可樂）個湯底真係一言難盡😂😂😂 佢係真係有哈密瓜味，但係哈密瓜味米粉係真係一般😂有$4螺片同埋三舊排骨。我會話呢個係自己攞嚟嘅，不過就唔推介😂⭐️劍尖上的雞翼套餐 配土匪雞翼3隻 $78送指定飲品正路好多😂自選菜，再加埋土匪雞翼都冇咩大問題，可以照叫

係星期日中午前住，大概1245到達，叫餐後，等了15分鐘先有一杯野飲，20分鐘的碗麵先到一個打工仔，食飯時間只有1小時，等餐等了20分鐘！問題1 送餐煮食時間太耐2 待應不送餐，一定要等到架車滿晒先會送餐見到明明已經有4-5碗麵，都唔送餐，仲要等，等唔係1-2分鐘，係等成5分鐘都唔送餐3 等完麵滿車了，下一樣等小食拎晒先會送餐...換句話說，就係車必須滿 麵同小食先會送一次餐🙂 望住整好左都特登擺到凍晒，同時間，店員係企左出餐枱發呆，而唔係好忙，唔夠人手做，而係幾個店員企係度傾計...25分鐘後我終於有嘢食🙂 得翻15分鐘時間食👍🏻一嚟試左個湯，好鹹 好難食當時已經好後悔點解要嚟呢間譚仔食🙂然後啲麵好硬 都未煮得淋🙂...最好笑係😆出餐出得慢收碗趕客最快手

試咗佢嘅蕃茄胡椒湯底 豬軟骨同埋釀豆腐米線 豬軟骨入口即溶超級好食 釀豆腐都好好味啖啖肉 分享十足 超級抵食呀另外蕃茄胡椒湯底 食落唔算太重胡椒味 有少少微辣 都幾好食嘅，整體嚟講味道唔錯

今次我嚟到譚仔三哥米線，心懷著滿腔的食慾，準備好好享受一番。🍜 第一口竹笙肉絲米線，已經令我覺得開心到飛起！湯頭鮮得嚟，辣得啱啱好，個面滑溜溜嘅，竹笙咬落去爽彈彈，滿嘴生津，真係宜家諗起都肚餓。🤤再來個土匪雞翼，呀！嗰皮焦香得嚟唔乾，掰開黎肉汁嗲嗲，入口即溶，咬一啖真係回味無窮。雞翼細咗小小，不過每隻仲係保持住佢嘅美味精髓。👅食完暖笠笠嘅熱辣辣米線，點可以放過甜品？最後安排咗個布丁，甜度啱哂，咕嚕咕嚕嘅口感解辣，收尾實在太完美！呢家店嘅味道，真係何止一個「正」字可以形容，每一次都令我吃得咁開心，唔哂天，譚仔三哥米線，我一定仲會再返嚟！🥳

話說尋日發現咗袋鼠外賣自取譚仔有7折，即刻心思思想試試佢，挑戰過橋米線折完$50有找，點都試試佢啦12:30pm 落左Order, 1點左右就可以自取啦；外賣桶勁大只，一打開全部都系餸，咩都有的咁，叫左麻辣三小辣，米線味道同平時差唔多，過橋米線勁多肉， 啖啖都系肉肉，一個女仔喺食唔晒嘅，挑戰失敗不過價錢真系好抵，$50有找，仲唔駛加外賣碗價錢……

睇完笑到蝦碌嘅神經線械劫案下，作為啫喱嘅fans嘅我，一定要衝去試下呢個「神經線突襲套餐」($63)！-黃金鮑魚芝士撈起米線🍜一黎就見到超大隻鮑魚！芝士醬配上香脆蝦條、煙肉、蟹柳等配料，新年流流最岩食撈米線！真係可以撈到風生水起，黄金滿屋( ´ ▽ ` )ﾉ青花椒香茅雪碧🥤香茅同青花椒粉混入香草薄荷雪碧，一開始係香茅同薄荷雪碧味，去到最後青花椒嘅味道出晒，越飲越爽！-除左神經線突襲套餐，仲叫多左一個新米線同雞翼！-雞肉鮮淮山黑蒜清雞湯米線🍜蒜清雞湯清甜鮮美有黑蒜嘅甘香更令湯底味道更有層次，加上爽脆嘅鮮淮山同勁Juicy嘅雞肉，勁滋補！-四川麻辣雞翼 5隻 ($34)🍗麻辣味雞翼一入口未feel到好辣，反而係一飲湯果下就覺得辣勁多，譚仔嘅雞翼好Juicy😋5隻都唔夠喉！-#譚仔 #譚仔雲南米線#啖啖譚仔味

食開佐敦嘅譚仔和譚仔三哥，2間味道都差唔多。呢間都幾明顯差咗一截，米線硬、雞肉有雪味、湯底無辣味、膠碗細一個size。環境似大家樂多啲，自助模式，微弱冷氣。工廠區質素差一點，但價錢一樣。

同朋友行行吓有少少肚餓，又未到食飯時間，呢個時候最好就係去民間小食皇「譚仔」食碗麵，醫下個肚先，我最鍾意食佢個豬軟骨寬麵，四川重慶湯底又辣又好味，豬軟骨夠入味又林又軟，加埋啲豆卜芽菜韭菜好好味超正㗎配搭多杯特色凍飲又一人間美食，好食到你唔信