譚仔三哥米線 (黃大仙中心南館)

譚仔晚餐譚仔抵食又好味都已經街知巷聞, 算是很少中伏的一間店, 這次又點了它們做晚餐。試了他們的清湯底, 味道很不錯, 沒有味精的濃烈味道,喝完也不覺得口喝, 這對一間食店來說已經很難得, 所以除了吃米線和配料外, 他們的湯也是我推介的, 蕃茄湯不會淡茂茂, 而是真的有蕃茄的酸味和甜味, 好喝。整個套餐都是可以食用的, 所以性價比很高, 相當抵食。還點了豆卜, 因為它很吸湯的味道,像吃小籠包般感覺爆汁, 好吃得很。米線一如以往的爽口彈牙,絕對是大人細路都喜歡吃的。…查看更多

喺外賣平台落單可享 $80 減 $30 優惠，點選 5 隻土匪雞翼及一餸米線，一餸揀咗魚蛋，轉番茄湯底同紅薯粉，合共 $50.2；大約 20 分鐘有得拎，包裝完好又熱焫焫，紅薯粉同湯分開-番茄湯輕酸帶甜幾開胃，加咗韭菜、腐皮同芽菜，份量唔算多；紅薯粉份量夠多，煙煙韌韌口感唔錯，魚蛋質素普通，唔係爽口彈牙之餘魚味亦好淡；土匪雞翼揀咗香啲，一如既往嘅好味，夠香又好多黑芝麻鋪面，肉質好嫩又多汁，招牌就係招牌，食咁多次都好少失望…查看更多

今晚去食，1）叫人落單，已經難，重要西口西面2）碗面嚟到，我叫雞肉墨丸，佢俾咗豬肉魚片頭，叫佢換，又西面3）我哋叫咗大土匪雞翼，應該有5隻，佢俾咗4隻，同佢講，又係西西哋4）叫魚腐，D魚腐凍嘅🫣…查看更多

作為三哥的忠實粉絲，我已經食土匪雞翼多次，每次都能享受到高水準的美食體驗。他們的雞翼絕對是招牌，外皮酥脆，肉質鮮嫩多汁，令人一試難忘。湯底方面更是無可挑剔，酸辣湯底和三哥酸辣蕃茄湯都保持一貫的高水準，酸辣適中，風味濃郁，從未讓我失望。下午茶時段更是超值，只需40幾元就能享用四隻雞翼、一碗兩餸米線和一杯凍飲，絕對是平價美食的首選。我強烈推薦大家來這間分店，這裡絕對是全香港三哥最好食的一間分店，無論是味道還是性價比都令人滿意，絕對值得一試！…查看更多

🍜 嘩，今晚真係食到一個過癮! 譚仔米線，你話呢個唔正，邊度搵得到咁心水添？湯底選咗個十小辣，正中喜好，微辣得嚟又唔會蓋過其他食材嘅鮮味。俾你分分鐘食到熱氣騰騰，真係香到喊出嚟！肉類方面，我就揀咗牛丸同雞肉。嘩，嗰些牛丸，真係入口Q彈，好似大陸嘅牛丸就真係有幾分相似！至於雞肉，咬落去唔鞋，簡直係太對味喇。隨餐嘅韮菜同牙菜，清新爽口，負皮就嗲到不得了，口口都是享受。😅 唯一小遺憾，就係米線冇霸道，湯分開泡，食落都有啲未夠林。但總體來講，譚仔你真係得！平平地一頓飯，食得掂味道，整晚心情都靚晒啦！下次一定要再試下其他口味，搵到咁嘅好地方，食貨嘅我，真係講到笑口都開晒！👍…查看更多

放工經過譚仔米線，枱上擺滿食得出嚟喲！唔使太多講，好似有種肚餓即刻想掃光嘅衝動。餐牌前後翻咗幾次，最後揀咗兩款必食：酸菜牛肉米線同埋青菜走油。頭先果碗酸菜牛肉米線，真係話你知有幾過癮，牛肉片滑溜溜嘅，一啖嚟個口感實在係嘩啦啦得滯！酸菜嘅酸香take晒米線上嚟嘅甘香，夾埋一啖食，偷偷講你知，即興嘅覺得：生活有咗希望呀～香辣湯底有啖啖勁嘅爽感，辣得啱啱好，冇嘔心，飲咗個湯我真係精神百倍。轉個頭幫那盤青菜走油，就真係幾得我心，嘥心嘅青菜爽脆清甜，蠔油足料得黎又唔會咸過，咬落鮮味就係咁直接「砰」嘅落胃裏面。食到最後，淨係想對譚仔大喊：阿哥哥，我錫你！食過之後，覺得自己唔再係簡單嘅打工仔，而係個有幸味蕾旅行嘅幸福人。下次再過嚟，我一定要再嚟捧場，嘗埋其他菜式！👍🤤🍜…查看更多

成日食lunch去食🤣🤣🤣米線大大碗 🍜🍜🍜坐位都坐得舒服👍🏻👍🏻最鐘意食10小辣🥰🥰夠味好食而小食必點皮蛋 夠香 拌麵一流arr 好吃😋😋😋…查看更多

事實總令人難受，譚仔三哥米線 廣告牌上嘅 #煳麻湯魚爽肚米線 非常吸晴，配料 #芥末魚籽鱈魚滑豆卜 睇起嚟都好足料🤩 #小秘書 滿心期待新口味😙 本來我想將個 #煳麻湯 改為 #麻辣湯，不過 #譚仔姐姐 話 #煳麻湯 好惹味，極力推介… 不過我真心覺得唔好飲、陣味有啲怪😅 不過口味嘅嘢見仁見智，所以就當俾個機會自己試吓新野。不過講到 #米線 上嘅配料，同餐牌上嘅似乎分別好大，#芥末魚籽鱈魚滑豆卜 圖不乎實，上枱嘅時候我低B到仲問 #譚仔姐姐 係咪俾漏咗我😅 撥開啲米線，先知道自己睇漏眼😮‍💨 啲 #魚爽肚 就更加係迷你版，好在仲有啲 #土匪雞翼 安慰吓味蕾，不過我罐 #可樂 就追咗三四次都未出現😮‍💨 … 失望！…查看更多

屋企人好耐無食，就諗住電話落單先，去到有得攞，結果去到都係要等，買完返到屋企諗住沖完涼打開嚟食，結果發現兩碗嘅過橋米線都只係得少得可憐嘅炸醬，而另一碗過橋米線直頭係無比到竹笙，過橋米線比漏野都唔係第一次，每一次漏野返到屋企又廢事落去換，講真拎到返屋企有邊個想再落樓，真係好無奈，唔通買個外賣每次都要膽驚受怕佢無整齊啲野食咩，錢就照樣收，野食就無比，個過橋米線都已經大約60蚊，希望店員包個陣留意一下食物齊未…查看更多

譚仔三哥最近出咗新嘢——酸辣魚片米線$39，鮮嫩脆肉鯇魚片 x 酸辣湯底，即刻去試吓先！👍魚片大大塊，沒有一夾即散，數量足夠👍肉質嫩滑爽口，有鮮魚味👍魚片無骨，可以大大啖放心食👍有一小碟酸菜會另上，可以按自己需要而添加👍湯底無得揀辣度，固定辣度大概係5小辣，但可以揀其他湯底，例如：糊辣、重慶酸辣。每次去譚仔食米線都一定要叫個細土匪雞翼。雞翼大大隻，烤到外脆內軟，入面好多肉汁，香味撲鼻，令人食上引。…查看更多

老實說，有咩係開心得過weekend去食譚仔。今次兩個人去，分別嗌咗一換雞肉米線5小辣同雞肉米線三哥酸辣，外加一杯凍奶茶同一碟皮蛋。其實食咗十幾年譚仔，味道基本上次次去食都維持到水準，如果你話要分別譚仔同譚仔三哥，我就覺得係面質嘅分別，譚仔會偏林啲，所以我個人會喜歡譚仔三哥有口感多啲。不過食得譚仔，其實都係食返佢個種情懷，由細個初中食到依家，由20蚊碗食到三十幾蚊，其實最重要係係食返以前嘅回憶。好希望將來嘅日子都能繼續食到呢種味，呢份情。…查看更多

時至今日「食米線」似乎已經變成 #香港人 嘅 #飲食文化，#大街小巷 都開滿 #米線主題餐廳，「譚仔三哥」可以話係表表者🤩 平時只會幫襯「米線陣」嘅 #小秘書，呢日陪朋友出咗去偷食... 眼見舖面有成十幾廿人喺度等食，有啲叫外賣、有啲就好似我哋咁坐低慢慢嘆🍜 其實我一向都好怕啲香料味道，所以每次路過 #譚仔三哥 我都會急步走，不過今日為咗就我朋友嘅口味，就破例一次🤪我要咗個 #十小辣 嘅 #麻辣湯底 配 #貢丸、#牛肉，另外加咗份 #土匪雞翼 比自己😉 湯底偏咸，不過辣辣地都幾惹味，但係啲 #牛肉 似乎落咗勁多 #梳打粉，#貢丸 口感有啲怪、淋劈劈不似預期😅 不過要讚嘅係 #土匪雞翼，新鮮做起嘅 #雞翼 皮脆肉嫩，#師傅 調味得 #好香口，怪不得 #三哥 有咁多fans啦😉 ... 不過呢 收銀個阿姐成日掛住接 #外賣電話，我哋埋單比錢嘅居然要 #排長龍 等佢收線，人手上真係要安排吓喇😝…查看更多

尋日，同男朋友陪左我去食譚仔，都已經好耐無食過，好想食雞肉清湯米線，所以去左食。不過因為呢家個疫情關係，都唔係成日出街食飯，呢家譚仔明顯無之前咁多人食，所以未算太逼人，但我都咁啱要搭枱，好在對面都已經食完係飲緊嘢，都就飲完，好快走左，之後我就用左個menu嚟做屏風，起碼叫隔一隔住對面，始終呢個時期，真係唔多人想搭枱，其實真係建議下譚仔呢啲枱咁細的餐廳，最好提供屏風比人，無的話，至少都提供一張A3咁大，好似佢咁攝餐牌個種硬膠file，比人當屏風，成平好平，一係就唔好比人搭枱，我估啲人真係情願等都唔搭枱，只要大家行一少步，就已經可以為疫情寒冬行一大步。講完關於衛生方面，可以講返碗粉，單叫餸的料都ok多，米線和配菜份量都不少，只係湯底的味道好似無以前咁好食，其實佢係夠鹹味㗎，但就係唔知差左啲咩，係無以前個種好夾腐皮的豆味，我都唔知，但整體來說都係以往一樣。以下評分以5⭐️為滿分推介⭐️⭐️…查看更多

一個人到黃大仙南館吃午餐，突然好想吃辣，記得這裏有間譚仔三哥米線。這次點了墨魚丸酸菜重慶中辣米線🍜，墨魚丸白雪雪，一碗有五粒，不算太大粒卻非常彈牙，會吃得到每粒丸都有些墨魚肉粒的，很有咬口！酸菜是每次吃辣米線的重點配菜，這次三哥給的酸菜份量十足，不過酸菜差了一點點甜味。米線配合腐皮、韭菜、芽菜、榨菜絲十分夠豐富，三哥酸辣湯頭辣味和酸味都濃郁，讃！👍🏻記得飲凍檸蜜解渴非常。點餐後才看到新出煳辣豬肚米線＄39，賣相很吸引，可選10小辣至特辣，下次一定要記得試新野！要一提的是座位比較擠迫，一人入座搭枱不是大問題，但建議餐廳提供籃子🧺予食客擺放背囊和手提袋，因為一邊顧及袋子一邊進食很不暢快啊！…查看更多

是日星期六日都係食譚仔因為唔知食咩好同男朋友都係叫咗個過橋米線同加底仲有叫咗個尖椒皮蛋野飲就係凍檸茶小冰少甜原來依家譚仔就轉左紙飲筒最後仲飲爛咗真係有少少唔方便…查看更多