譚仔三哥米線 (已結業)

平時冇乜留意，通常食三哥多啲。上星期發現咗呢間譚仔同隔離間三哥都做緊過橋米線第二碗半價。上星期食咗三哥冇寫到食評，今個星期試埋呢間譚仔。兩間過橋米線差唔多，我今次嗌咗黑蒜清雞湯，望落係好清。自己有一個習慣，通常熱辣辣濕漉漉嘅嘢拎到埋黎，第一下一定係飲啖湯先，飲落個湯比想像中濃郁。聽聞黑蒜對身體好。呢碗嘢佢都俾咗三粒黑蒜我。過橋米線份量就唔使質疑，肯定係大到離晒譜。所以換咗菜底。點知都係覺得太多。過橋米線就正路野，乜料都有。又有竹笙，又有豬潤，真係一次過滿足晒所有願望。而且嗌過橋米線，通常都唔使點等，都係破世界紀錄嘅速度出餐。如果趕時間嘅話，識嗌一定係嗌過橋米線。除咗第二碗半價之外，佢一個尖椒皮蛋加杯嘢飲都係加$18。其實都冇乜嘢好彈。性價比都高

重慶三哥酸辣最好味。過左下午2點時間後，呢間會比較少人，咁可以係呢度堂食叫左碗 重慶三哥酸辣 五少辣都可以接受既辣下次可以挑戰4少辣推薦呢個重慶三哥酸辣本身個湯底吾會好傢麻辣 一黎就咁辣佢係有濃湯底 食到有dd 醋 d肉碎 仲加埋麻辣超好味，同埋自己有得揀咩辣，我就叫左5少辣。

譚仔三哥雲南米線✨✨✨✨✨✨今日風聲最大應該就係呢個麻辣鴨血米線😂😂本身都有少少期待所以放棄咗本身原定嘅韓國嘢計劃變咗食三哥譚仔三哥應該冇人唔識今日新出左呢個人早排好興嘅鴨血米線，湯底係佢哋新嘅水煮湯底(五少辣起) 本身都唔係幾食得辣所以就揀咗五小辣因為口味嘅關係本身會跟芹菜同埋韭菜我都走咗😹首先講吓個湯底 ，上枱之前仲會灑少少紅辣椒，試咗一啖呀覺得OK不過不失，之後覺得都真係幾鹹，再加上落咗平時食皮蛋嗰種麻辣汁即係蒜蓉加青辣椒 真係好重口味😂😂食完即刻飲晒成杯檸檬茶😂本身米線已經有幾舊豆卜同埋5塊鴨血左右鴨血都唔會好薄，有五舊同平時嘅餸相比我會覺得分量同埋大細都係合理嘅，不過未到我都係覺得普通，不過都冇腥味。勉強合格啦😂再加左一個蒜蓉燒茄子，想講除咗油浸茄子之外感覺唔到係點樣燒😂係咪啲蒜蓉係燒嘅咁都合理啲，同埋感覺偏油咗少少，不過如果用返佢燒嘅道理有啲油係唔出奇😹———————————————————總括而言：其實平時都好鍾意食譚仔新產品真係見仁見智嘅口味不過湯底實在係有啲重

水煮湯鴨血米線 +$10 青瓜（重慶口水汁）凍檸茶水煮湯點小辣，分湯的米線上放了少許切好的小米椒，湯底足夠辣，少許芹菜回味甜可解辣。芽菜及豆卜都很好。只是我一向都不好鴨血。第一次寫食評，才知道要寫滿80字。然後要200字以上的食評才能評予😋🆗😢。我寫不了那麼多。總言之，😋滿意。

其實三哥同埋譚仔係黐埋一齊，原本係想食譚仔，但係因為譚仔好多人，隔離間三哥有位，就走咗去三哥。感覺好似冇以前咁迫，但係盞燈燒咗係咁閃，都冇人理，環境就一般。其實麻辣湯底我唔係覺得兩間有好大分別， 所以我每次都係會叫煳辣湯底，因為譚仔係冇煳辣，要食煳辣就淨係可以喺三哥度食到。叫果陣阿姐其實冇問我哋要乜辣，黎到先發現原來可以揀，啲所以感覺有啲失望其實我覺得湯底超好食，但係個墨丸就唔夠譚仔彈牙，三哥嘅墨魚丸我覺得係淋身一啲。個人其實唔係好鍾意食米線或者係薯粉，如果呢個煳辣湯底係可以配河粉，我諗應該好食好多。

夜晚放工，有啲肚餓，食咩好呢？再加埋天氣鬼死咁熱，對粥粉麵飯都冇乜興趣⋯⋯⋯行吓行吓，咁岩經過三哥米線，就決定咗買個外賣返屋企食啦夏天最適合食啲酸酸辣辣嘅嘢🤣返到屋企打開一睇心諗，一個人食，呢個套餐會唔會過分咗啲呢🤣🤣🤣太耐冇食三哥，唔記得咗佢個套餐係二人份量的😄望落去非常吸引，入邊都仲有好多配料㗎豆卜、腐竹、芽菜、雞肉、火腿、牛肉、豬潤、豬腩肉、韭菜係咪好豐富呢，應有盡有。啱晒我呢啲有選擇困難症的人。就係唔知揀乜餸，所以就帶咗個套餐，慳返啲，唔使諗揀乜餸。加埋個米線落去，成個碗滿晒。我揀咗小辣，飲落去個湯酸酸辣辣還可以。各味配菜都恰到好處，唔會話特別硬，或者特別霖。最大嘅問題係，咁大碗套餐，我一個人食唔晒🤣🤣🤣個人小帖士，一個人食三哥，最好唔好嗌套餐，真係會飽到上心口。

外賣內的餸，份量愈來愈少已經加錢加多一個外賣盒，米線分開一個盒餸分量依然少，「厄稱」堂食永遠唔會有這個現象請問店主可否檢討、改善一下😡😡😡😡😡😡😡😡😡😡

為食肥熊今次要屈服啦。。。俾馬騮仔迫咗去食三哥。。。🤣今次食豬腩肉，韭菜，大麻辣米線，譚仔嘅大麻辣，每次都食得好過癮，好正！再加上佢哋獨特嘅辣椒油，好香，真係好吸引，如果有得買樽辣椒油就好嘞！腩肉係白色，唔係鹵水口味，肥瘦均勻，就算浸咗係熱辣湯一段時間，食落都係好爽滑😋，韮菜鮮嫩唔會一口渣，呢個都係鍾意食譚仔原因之一，每日流量大，食材好新鮮，差不多每一間譚仔嘅水平都好相近小食方面，有譚仔必食嘅土匪雞翼，外皮鹹鹹脆脆，充滿孜然粉嘅香味，雞肉又好嫩滑多汁。涼拌口水汁豬耳，抵食👍🏻口水汁食得出有花生醬料，每次都會用醬汁撈米線，呢個食法，純粹個人喜好，又真係好好味！涼拌尖椒皮蛋，份量好夠譚仔三哥。。。真係算得上係馬騮仔既至愛！

心情好，食米線；心情唔好，食米線。唔知點解，米線對我嚟講好有療癒效果原因可能因為生活上可以選擇嘅嘢唔多，食米線就可以自己話事，最少可以揀食咩餸，湯底有幾辣，幾十蚊就買到自由的感覺，真係好暢快。呢間米線，我鍾意佢嘅地方係好多湯底揀，試過晒之後我最愛胡辣湯，個味道幾特別，特別好味！另外佢可以揀唔同嘅粉，小食又有一人份量，感覺好體貼，啱晒有時放工好攰，唔想應酬，一個人去嘆個靚米線，吃飽飽後返屋企义下電。幸福嘅感覺，可以好簡單

譚仔三哥，相信大家都唔會陌生，但唔知大家又知唔知最近三個推出咗個優惠呢？就係你叫兩個餸再加杯野飲，佢地會再送多個餸俾你，對於平時食開兩餸又嗌野飲既朋友們，應該係一個喜訊。我平時叫開一餸，依個優惠未打動到我。我叫左豬肉麻辣四小，圖中有其他餸係因為媽咪俾既。譚仔三哥，冇咩好評啦，標準好味又上引。我覺得反而係我影嘅餐牌更有參考價值，因為唔係間間譚仔嘅價錢都一樣。另外，我仲加咗醋香雲耳，記憶好似係加$12。雲耳食落爽口，微微酸同超微辣，真正輕口味。總結：譚仔真係好好味，如果你耐冇食的話，湯底味道個新鮮感重大。

$34而家米線舖越嚟越多 但係耐唔耐都係會想食譚仔 💁🏻‍♀️次次食譚仔都係晏晝 所以從來都無試過佢地嘅蕃茄湯底 今次夜晚去食終於試咗 原來蕃茄湯底係咁正 湯底無茄膏嘅味而有天然嘅蕃茄酸味 偶然仲會食到一片片嘅蕃茄 除咗酸味其實仲有一絲絲嘅甜味 所以整體嚟講呢個米線係清清地得嚟又好開胃 🤤 $33其實譚仔都唔係好頹姐 身邊有好多人都鍾意譚仔 💁🏻‍♀️相入面嘅係砂砂湯底 其實都唔錯 食落無喇沙咁重椰味 仲有比起喇沙甜少少 餐牌寫住話佢係等於麻辣5小辣 但係對我嚟講都幾辣下 呢個湯底都唔錯嘅 但係我都係鍾意蕃茄湯底多啲 🤤

其實唔太鍾意食譚仔嘅米線，但係佢嘅小食同埋雞翼都好好食，特別係口水雞翼同埋土匪雞翼，最鍾意佢有細份同大份揀，好似仲係即叫即整， 突然太掛住食土匪雞翼，所以就同朋友入咗去譚仔食一餐午餐，我就冇叫米線，叫咗一份大嘅土匪雞翼， 落單之後大約等15分鐘左右，土匪雞翼先會上卓，黎到真係熱辣辣，勁好食，一邊又多汁雞肉又嫩畫，好多人都好鍾意食譚仔米線，但係黎到譚仔除咗食米線一定要食呢個土匪雞翼， 因為真係好少地方可以整到咁好食！

成日幫襯呢間三哥，最愛都係麻辣阿姐們都好有禮貌，會同你有講有笑，即使繁忙時間都會。米線一直都好味（留意返係有味精嘅）不過啲餸開始越來越細喇🤔咁多小食最愛都係蒜泥白肉👍🏻👍🏻整得好薄，但太厚個口感又會差，加埋啲蒜泥真係冇得頂👍🏻👍🏻👍🏻👍🏻皮蛋都好好味，唔錯的！雞翼就⋯⋯土匪雞翼已經成街都有，自己整亦都好方便，唔駛係度食喇應該係因為地段嘅關係，呢間會比其他地方平小小✌🏻所以真心服務好，食物好，價錢好

午餐放飯，來到譚仔的細佬譚仔三哥吃米線。小人必叫的餸料包括有墨魚丸、魚丸以及韮菜，麻辣湯底；是日狀態一般，限制自己選擇中辣。出奇地這個湯底比起哥哥譚仔更麻更好味，而非一味的齋辣。丸類煮得夠透，韮菜沒有渣，米線亦滑，份量亦不少。反而小食土匪雞翼則被比了下去，大份有五隻，小份有三隻，小人要了客大的。雞肉雖然大隻，可惜肉質過腍更近乎梅，再者雪味未除，下多少香料亦是徒然，可恨要了客大的，皆因小人吃了兩隻便告終止。米線可以，雞翼不行。

個人因為三哥選擇的比較多，特別係佢既糊辣湯底，第二到真係搵唔到。當知道荔枝角有間三哥，都即刻走去試。呢到既三哥唔同出面，係自助形式，自己買飛自己囉野食，唔同出面有人"服待". 嗌左豬潤墨丸糊辣米線（少米線減一蚊）蒜泥白肉，熱檸茶。等左五分鍾到，就出齊野食。試下個湯先，好重味精，少米線但係個湯既份量冇相應減少，圖示:我已經撈晒d麵，剩底既都係湯。蒜泥白肉，可以既... 熱檸茶，唔太結，好飲。可惜食完野，一杯檸茶都係解唔到渴，返到去仲飲左一大杯水。呢到新開張，清潔度尚可。整體黎講，同舖未必同味道.... 希望下次黎會好d啦