譚仔三哥米線 (明德商場)

{過橋米線一齊歎二人餐 - $105}是日OT返到家已好夜，攰到嘔又肚餓只係想簡單食，於是就同麻甩女人食好耐無食過嘅譚仔三哥，估唔到呢期都幾抵食！而家食三哥原來有餐嘅（可能出左好耐而本麻甩無留意）感覺都幾抵食喎，呢個二人前，有一個過橋米線，仲有兩個小食同兩個嘢飲！用手機落單仲送三隻土匪雞翼！本麻甩仲要加底又加辣，小食仲揀要加錢嘅豬耳！計埋晒都係一百出頭，味道正常，都幾抵食！美味程度：😋😋😋環境指數：🎇🎇🎇番食機會：🦍🦍🦍📍#譚仔三哥米線 (明德商場) (將軍澳)將軍澳坑口培成里10號明德商場地下7-8號舖…查看更多

每次譚仔三哥我都好中意叫佢既蕃茄湯10小辣…不過叫親外賣都要等好耐之前試過等30分鐘🙄今次叫左雞肉茄湯10小辣，其實以外賣米線既質素真係算係咁…米線都算煙韌，湯底鮮甜唔酸帶微辣幾開胃🤭平時都好中意叫蒜泥白肉，夠香又唔辣🙈…查看更多

電話外賣永遠個信號都係勁差，聽到對方嘅聲音好窒，收唔清楚永遠想食嘅嘢，去到電話另一方都會變咗另外嘅嘢。永遠都會落錯單...好似今日咁，想食酸菜鯛魚米線加腩肉三小辣。覆單嗰陣時，屋企人已經問佢係咪有鯛魚嗰款，落單姐姐係咁講係係係，係佢條命...攞到上嚟變咗另外一樣嘢，吹脹！真心建議如果網絡唔好，換電話商，再唔係換過部電話，再唔係重新培訓啲姐姐落單，做到咁差想點？？…查看更多

疫情關係，減少外出用膳，所以今天下午便買外賣到家中享用。結果不是享用，是給錢買難受！食物質素方面，街邊貨比三哥還要好，首先，貢丸無味，口感如粉，如不列明是貢丸，不知道自己在吃什麼！其次，米線口感不如以往，米線比以往幼身，口感如吃發脹多時的公仔麵一樣，十分難吃！下單的時候，已提出和加錢將米線轉為薯粉，在家中檢查才發現，依舊還是米線！以往也會定期到譚仔三哥用膳，從今以後將列入黑名單，永遠不會再次光顧！…查看更多

一個人食lunch其中一個選擇就係去三哥食開少少麻辣3少米線今次點左雞肉，豬膶同炸醬講下豬膶先因為唔係間間好食今次食就老左少少不過味道還好全部餸加埋份量都十足架…查看更多

中午過去堂食, 人唔算多, 坐唔夠一半人。 行入去就趕番d客出來話要拎飛, 但部死人機裝埋喺角落頭, 唔知咩設計。 落單無人理, 幾台客叫完又叫, 一個只包外賣, 一個只送餐, 一個收銀接電話。 單又落錯, 魚片頭 同 魚片都分唔到。 班阿姐需要再培訓。 食物質素就正常, 係無乜服務可言嚕。…查看更多

食過咁多間三哥、唔知係咪疫情底下開新店、呢一間D餸份量少到無朋友、我食生菜墨丸、D生菜少到粉碎性的幾條幼條！我老公食酸辣魚片米線、D魚片得4片幼片！ 同店外的介紹相片是2碼子既事、講真幾十蚊碗米線、使唔使甘樣攪？…查看更多