譚仔三哥米線 (八號花園)

营业中

休息中

大埔｜譚仔三哥譚仔三哥已經電子化咗一段時間，落單可以用qr code，好方便，大家仲可以提前睇下apps入邊有咩優惠卷可以用！💫蒜泥白肉（細）$29美味指數：🌕🌕🌕🌕🌑好食係好食🤤，但食完個口嘅蒜味真係揮之不惡🙈！💫香烤豬頸肉$22美味指數：🌕🌕🌕🌑🌑配泰式醬不錯，但肉質有小小韌！！💫 自選米線（豆卜×1、牛肉 x1）砂砂湯 3小辣 $46💫 自選米線（鮮淮山 x1、雞肉 ×1）煳辣 5小辣 $48💫凍檸茶（走甜少冰）$11

三哥米線是一家以米線為特色的餐廳，最近我嘗試了他們的魚蛋腩肉麻辣米線（中辣）。這道菜的米線口感滑順，吸滿了香濃的湯汁，令人垂涎。魚蛋鮮嫩，咬下去時彈性十足，配合腩肉的肥美，形成了完美的口感對比。麻辣的味道恰到好處，中辣的程度讓人既能感受到麻香，又不會過於刺激，適合大多數人的口味。湯底濃郁，辛香的調料在舌尖蕩漾，令人回味無窮。整體而言，三哥米線的這道魚蛋腩肉麻辣米線是一道值得推薦的美味，完美融合了豐富的食材和調味，絕對能滿足你的味蕾。

我本身好鍾意食譚仔三哥，呢間近我屋企，而且落地玻璃夠光猛，其實環境唔錯。但鋪入面嘅配套真係好差，忍咗大半年終於忍唔到，要出個食評，雖然寫完都唔知有冇人睇到。首先呢間舒長期唔夠職員，鋪面好大，但永遠得三個職員，已經包括落單送餐同收銀，有時甚至得兩個職員。餐廳個冷氣壞咗大半年都冇人整，問親職員都話冷氣壞咗，淨係叫客人唔好坐咁入。舖頭入面淨係擺咗一部冷風機，有時真係會食到出晒汗。每次落雨舖頭嘅冷氣機就會滴水，已經唔係一兩次嘅情況，而係長期都係咁，好似都冇人諗住修理，我唔知應該係老闆負責？定係業主要負責冷氣機，但總要有個人去處理呢件事。每次入到去都冇職員主動埋嚟落單，就算我主動叫職員過嚟 都叫咗好耐先有人理我。落單後開始計，最少要20分鐘先上到碗米線，肚餓或趕時間嘅朋友仔真係唔建議來食。呢間舖啱啱開嘅時候成日都好多人等位，但而家經過都見到大把空位，唔知係咪因為已經有太多人體驗過佢地嘅送餐速度同冇冷氣，越來越少人幫襯。

真係好失望，一心見到三哥出新野，即刻突登嚟試佢個撈薯粉，事關本人收工收得夜，去到三哥已經差唔多9點，而個陣已經好肚餓，一諗好即刻企係Cashier ready叫外賣，然而我企左係到成5分鐘都未有人諗住行過嚟，叫員工幫手落一落單都完全冇理我，去到我後面排晒長龍先真係落到order。然後我9:03p.m.終於落到單，而仲要等左成20分鐘先拎到外賣，等咁耐都算，但貴公司員工完全冇安排冇通知我哋一堆客人齋等，都算。去到十點鐘終於返到屋企，打開個外賣食左幾啖撈薯粉諗緊點解冇味之際，睇返個Post先發現原來係有三酸汁，等左咁耐食左一個完全冇味嘅薯粉，真係極度不良嘅體驗，然後另外一碗叫左走韭菜亦冇走到，尖椒皮蛋都變變地味，打左過去員工冇歉意話最多只能賠償一碗粉，想講貴公司一路出新菜式係好事，但員工同管理上真係好大問題，食物品質亦好重要，作為十多年貴公司嘅忠實客戶，今次體驗真係令我以後唔會再食

晚上7:52 手機叫外賣自取，明明手機顯示只需等20分鐘。最後等左差唔多成個鐘先拎得，只係叫左1個麵+2個餸，飲野同小食都無叫，等左30分鐘，問收銀個個亞姐幾時得，佢仲話唔知點解停日好多單，無得吹單。

呢間譚仔三哥已經開咗一段時間，先前就曾經以武打片段作為招徠，奇怪，這樣的橋段引起新聞，後來竟然沒有構成公眾地方打交嗎。🤣門口寫住外賣要等25至35分鐘，不過這天已經差不多晚上九時，因此食客都不多，結果阿姨說只需等15分鐘，逛一逛超市都差不多，還算可以接受。😀反而覺得這譚仔三哥食米線份量比較多，本身我叫煳辣那個湯底，不算太過辣，應該比起平時的麻辣10小辣更加輕微。炸醬都算大大盒，基本上一個人叫就可以兩個人分，😚腩肉比以前遜色，又薄又細塊，不過小食的確出色，例如青瓜，又或是蒜泥白肉。蒜泥白肉小的都已經很大盒，蒜味好像切得夠幼細，😇底下的白肉份量都不太少，得來不會好像譚仔的蒜泥白肉那麼辣辣到紅色一般。😍這樣兩個兩餸麵加兩個小食還有飲料都只是$120左右，可能比譚仔還要便宜。

上次堂食已經伏咗次，心諗會唔會初初開鋪先咁差，今次比多次機會佢，一打開碗米線嚇死人，有啲餸差啲搵唔到，初初搵豬潤雞肉嗰啲得一兩粒細細粒，好彩之後都搵到兩舊大舊啲嘅，米線份量我諗比其他舖頭嘅一餸米線仲要小🤯🤯🤯價格上漲分量減少都合理嘅明嘅，但唔好太離譜吖😥😥😥講真味道係OK，但份量真係不散恭維，又唔係特別平🥲食完會肚餓，唔知係咪關賣咗盤事，食過幾間份量都愈嚟愈小，但呢間係食過最小，食一餸叫丸類無咁嬲。

譚仔姐姐米線送錯枱唔緊要！但係竟然把已被顧客用筷子撩過嘅米線送去另一張枱嘅顧客，就真係過分啦！😤😤😤員工衛生意識等於零。🤯🙄🙄估唔到疫情咁嚴重都仲可以有咁嘅事情發生。😤🤬今日去八號花園間譚仔三哥食米線！聽到隔籬12號枱顧客投訴送錯餐，之後聽到一個譚仔姐姐大大聲（佢企喺我前面）話另一個同事送錯枱。（另一個推住送餐車仔嘅姐姐企喺我後面）因為我同隔籬枱只係隔咗個走廊，所以我親眼睇到隔籬枱已經用筷子搞過碗米線。點知企喺我後邊負責送餐嗰個譚仔姐姐check過張單之後，發現碗米線係我張14號枱嘅。負責送餐的譚仔姐姐，竟然當我係聾嘅！直接把碗米線送上我張枱🙄佢可能以為我玩手機咩都睇唔到！我投訴話唔要碗米線。個譚仔姐姐完全唔想理，直至我同隔籬枱一齊投訴話冇可能比一碗其他客人用筷子撩過嘅米線比客人食，佢先肯收返碗米線。之後先再送過碗新嘅來。但係之前等咗20分鐘先至有，現在唔夠5分鐘就送來。🫥其實都幾驚係原先嗰一碗😵‍💫😬，早知話要改轉薯粉，唔要米線好過！🤦🏻‍♀️員工衛生意識極低！仲可以咁明目張膽！真係冇下次！

地址－大埔安慈路八號花園地下G18店舖名稱—譚仔三哥米線環境／設施－闊落過譚仔，衛生環境非常之好，冷氣充足，如果鍾意有空間嘅客人，係最好嘅選擇特色－佢有家庭嘅卡位，有吧枱人均價格－$60-$80評分－8/10見到大埔開咗譚仔三哥，今日放假決定去試一試，諗住好多人，佢個app攞定位，點知去到即刻有位，仲要坐卡位，我哋一行三人，舒舒服服坐喺度冷氣環境又好，不過落單阿姐有少少煩躁，反而見習嗰個阿姐非常之好，唔該前唔該後，仲關心小朋友需唔需要兒童餐具等！今日叫咗兩碗粉，一碗就過橋米線，另外一碗叫咗腩肉墨丸，加左兩個小食其中一個係土匪雞翼，第二個就係糊辣豬肚！最後埋單$167 ！食到飽飽肚

我一直係三哥粉絲，間間質素都保持到好好平時叫開麻辣湯底，今次一食就中伏超級鹹，好似鹹水浸米粉完全無麻辣味😤😤下次我都係食番大明里分店😤😤😤😤仲要比錯餸我食左咁多年今次好失望😞

大埔中心終於開返三哥啦😆唔使去到大埔墟先有得食，而家好多地方嘅三哥質素都比以前差咗🥲呢間新開一個星期左右質素終於返番之前😋，而且呢間嘅裝修好日式嘅感覺，設有吧枱嘅位，而且店舖都幾大，今次試咗佢哋嘅新品蒜辣雞翼尖，辣度五小辣，食到🌶四隻左右就開始感覺到辣，而且佢辣嘅味道好惹味，會令人食唔停，另外試咗佢哋嘅哈密瓜飲品🍈，個人認為味道比較假而且偏甜，唔係太推介，但係入面都有幾粒哈密瓜味爆珠，口感幾得意🙈