譚仔三哥米線 (上水中心)

营业中

休息中

入到去好快有位，野食都好快到。叫左過橋米線，重慶三哥酸辣10少，一飲個湯底，唔似平時食開既重慶味，得麻油既辣，無酸無香味。米線都係同平時三哥一樣，煮得好淋唔好咬口。加上啲餸先係最失望，個舊豬潤係乾柴柴，唔知係煮得太耐定唔新鮮，仲粉過煲湯既豬潤。連其他分店食既雞肉，平時會覺得好爽同滑，但呢到既雞肉都係好乾好柴，好似柴過白灼既雞柳。。。其他餸都係奇奇怪怪，食到一半忍唔住都要影張相。最後一提，呢到既staff，唔會主動帶位，比menu同落單。見到其他枱甚至落錯單，落錯枱號，最常見就係捱住張bar枱傾計。加上，冷氣滴水，我地2個人坐一張4人枱，前面同隔離都不斷滴水。下次都唔會再黎呢間分店

普通諗唔到食咩，三哥又唔洗等位，就食三哥啦！無食好耐，叫左個墨丸腩肉普通酸辣，啲米線唔知係咪煮左一日？？？？又林又發大曬，一啲都唔好食，腩肉還可以，墨丸細粒左好多，唯一比較好的是個湯底都叫keep到！朋友叫左個蕃茄湯底墨丸魚腐，個湯又幾好味！手拍青瓜正正常常，不過好細碟！檸蜜太太太甜了，好似飲糖水咁！

譚仔三哥，唔係啲咩高檔餐廳，快餐形式，其實唔會對佢既服務態度有咩要求，但無諗到可以差成咁！眼見一張細既6枱，坐左7個大人！細枱，坐6個大人都嫌迫啦，仲要7個⋯ 食個面啫，坐得幾耐？！比人坐得舒服少少都唔得😓我就被派到一張正常二人枱，同另一個一人食客，每人坐一邊，心諗以為好彩唔使咁迫，但枱面無餐牌，正常都會叫侍應比，點知佢同我講，餐牌係張櫈度（係我對面張櫈，唔係我個邊），示意叫我自己去攞😓叫左碗三哥酸辣中辣⋯ 食到中途，諗住攞張紙巾出來抹抹咀，抹抹鼻涕⋯⋯ 筷子下放下，紙巾都未搵到出來，個侍應已神速過來想收走我碗野😓其實好佩服佢地，也戥個老細開心，可以請到啲咁勤力既員工👍🏻👍🏻 食品味道不過不失，不過服務態度惡劣！有勁大改善空間！

譚仔三哥，今日午餐出左上水食，好耐無食既譚仔，2個人點左一碗過橋米線，真係超大碗，配料樣樣齊，真係好鍾意佢個炸醬，好味～清湯不加味精，但又很香。來譚仔一定要點的土匪雞翼（5pcs)，但有點失望，今次雪藏味好重，影響雞翼整個味道😨加左$6一杯凍好立克，但味道麻麻😭真係有得必有失⋯⋯之前去過尖沙咀食譚仔就覺得米線唔好食，雞翼好正，今次就係米線好味，雞翼失敗⋯⋯食物品控有點差，希望下次再去食可以2win😜

譚仔三哥係上水開左新鋪 點可以唔去幫襯呢 今日就等我試下啦！！！今次我叫左金菇 雞肉 炸醬米線 清湯底 另加湖南土匪雞同埋凍0茶先講個麵 望落去都幾足料 麵的分量非常足夠 雞肉有醃過 食落幾好味 而且都比得幾多 夾極都有但金菇就少左D喇 得兩紮整碗麵的賣相其實可以再改進下 可以比少少心機堆砌下個D配料 令客人食得開心D而佢比的炸醬味道都唔錯 唔會話太咸 拎黎送米線一流（如果分量可以多少少會更好）湖南土匪雞！！整得好好食 雖然有D咸同熱氣左少少 但其實成碟雞都炸得好香 好有水準食野口渴當然要叫野飲啦呢杯0茶甜味有D怪 但都ok  GE

是日到上水，心思思又想到譚仔三哥米線，去到接近下午二時，要等位，但不到5分鐘已可入座，也許是午餐時間差不多完吧。到譚仔三哥，對環境/座位不要有要求，地方真的很迫，到此真的為食物而來，客人通常也不會多留。叫了:麻辣腩肉米線($28)--可選辣度，我選了小辣，對我來說剛剛好，但嘴唇沒有麻的感覺。米線份量很多，細食的女士會吃不下，通常我吃了一餐譚仔三哥米線，下一餐也不會肚餓，一餐份量飽至下一餐。腩肉份量也不少，切得厚薄適中，三分一是肥肉，三分二是瘦肉，配搭麻辣湯底，完全不會感到肥膩，我差不多每次也是點這道米線。三哥口水雞翼($23)--在門口見到廣告，因上次吃土匪雞翼，肉質梅身，不想再吃了，今次試這個"三哥都流口水雞翼"，滿心期待。雞翼放在桌子上，賣相討好，温度又唔係暖的，又唔係凍的，個樣好辣，入口一D都唔辣，份量約有2隻雞翼，切到一件件，好像是用機切的，沒有骨碎，味道只是一般，下次不會再叫了。凍檸茶少甜，跟餐價($6)，大杯，侍應有跟到少甜，算是有服務。是次埋單$57，又便宜又好吃。上次吃的煳麻腩肉米線，味道較濃，個人覺得麻辣湯較好，皮蛋也是一個好選擇，酸酸辣辣的開胃菜。到譚仔三哥吃米線，

今日同媽媽去食三哥叫左個套餐, 口水雞翼同蒜泥白肉個過橋米線有d咸 不過都大碗 最鐘意佢夠多送 可以同人慢慢分不過最大伏係佢個口水雞翼雞又冇雞味 又唔辣 鹹都唔鹹 食完好後悔..個蒜泥白肉就ok嘅 不過不失食完之後好快口渴 都唔知食左幾多味精落肚😢

話說譚仔同三哥既故事我都係一知半解，但味道上同份量上真係爭好遠三哥個湯底係鹹幾千倍，麵的份量也是兩個碗仔的份量對於Keep fit中的曉晴來說，真係唔多岩食，但係窮起上黎，又想食D熱既野，又唔想食油野，就只有譚仔了~ 曉晴有個好姊妹係譚仔狂迷，佢曾經講過要寫信叫譚仔黎上水開分店，等佢可以日日食譚仔。呢個咁痴線既諗法終於成真，但就係三哥黎左。三哥一到，上水人人瘋狂，開店咁耐就一直全場爆滿，仲要等位添！曉晴咁岩想食d熱野，諗黎諗去，都係去譚仔啦~諗住都已經兩點應該唔使排隊，點知都係要禁飛仔。好認真禁完飛仔就等啦，點算拎住飛仔等左三個字都未入得，眼見有吉位的，但係因為店面太忙，曉晴後來先發現個System係廢既。一臉不知所措既曉晴望入店面，有個姐姐問：「阿妹幾位架？」我話「一」，佢就話入黎啦，有位啊！ 一入去先發現，原來真係有好多位，咁要個嗌號碼系統黎做咩？地方細細，但都放到好多人，地方企理，店員算多但都做到踢晒腳，舉好耐手都冇人理三哥明顯想做個形象係有別於綠油油既譚仔，於是就做到紅當當囉，餐牌亦系統化，一睇就明曉晴都係獨沽一味，繼續冬菰米線，油九全走~一早知道份量太大，所以叫少米，可減$1

這個晚上, 媽咪沒有煮飯, 懶惰的我就走去吃米線。以前在屯門上學的時候, 很愛去吃三哥米線, 終於也等到上水開店了, 也就成了我在上水常去的「飯堂」。愛吃辣的我, 點了麻辣中辣, 要了炸醬和腐皮, 另外還要了一客尖椒皮蛋。真的很愛這裡的麻辣湯底, 很夠刺激, 吃過之後就不想點清湯底(那當然是因為本人愛辣啦)。而它的皮蛋也是很抵讚, 最愛吃上面的蒜蔥, 很惹味, 和米線一起吃一流。

準備前往內地 係上水出一出閘原本諗住食對面個間餐廳點知遲左冇早餐食 所以改食三哥我黃埔食過 佢既湯底越黎越差原本對三哥都開始失望 食左呢間分店 信心又反黎了二人叫了一碗全菜麻辣湯底土匪雞翼凍奶茶都係72蚊湯底夠灑麻 辣都岩岩好呢間多左竹笙 但配上麻辣麵就吾太夾配料全部都齊 兩個人食都有得剩跟麵加6蚊奶茶夠滑 奶夠多我鐘意土匪雞翼想試好耐 但夠貴次次都冇叫今次點都要試下真係熱辣辣 好食上面啲粉原來個牧然粉有少少微辣 雞肉滑身幾好食

受氣受飽都不用吃了，先是等位，見當時店內人不多，所以我想說要2人枱，店員也同意讓我等2人枱，此店當時就2張人台都各有一人（快吃完準備走的），而旁邊很多枱都空著的，有的人不拿票排隊就坐到2人枱上，跟店員問就只叫我等，等她忙完先，又話我唔自己入去座，所以我拿票等是白痴?應該一早坐下霸位才對?韮菜好像生的，加了韮菜芽菜竹笙雞肉都好像沒加一樣只有小小數條，麻辣湯底極油，辣椒油湯?從服務到食物都係垃圾

以前去譚仔~成日都望上水快D有返間~終於等了又等~願望成真了店舖地方巿真係好細~只係放得几張枱,一張小圓枱要放夠6張櫈能放櫈的地方都會放櫈,以便多做一單生意開張好几個星期,每次行過都會見到有人龍在等~真係超級誇張,今日寶貝約我去呢到下午茶,終於有機會去朝聖!!寶貝早到搵位~所以我一去到就有位坐,寶貝坐了張卡位,服務員見我入去,就指示我地要坐一邊~我地當然冇理佢LA~我呢D米之連點可能同寶貝坐埋一邊?!所以我地依舊坐對面~服務員見咁,即時同我地講有機會搭枱,語氣相當唔客氣,對譚仔的食物早已有自己的心水~所以好快落單~皮蛋白肉油菜同乍漿都係我地的必點品~雖然話係中央製作來貨產品,但我硬係覺得各分店的處理手法都可以好唔同~!!我自己點左個大麻辣米線 - 雖然話要大麻辣,但係唔知係咪要適應大眾口味~所以留左手~食落雖作保持到麻辣的刺激感~但係講辣的話...略嫌唔係太夠啊~皮蛋 - 已經唔洗要佢係溏心蛋~不過可能佢的青椒切開左太耐,所以唔係咁夠味~反比漿汁味淹蓋了~蒜泥白肉 - 唔知係咪喺雪櫃放得太耐~所以夾起時候白肉會沾住碟邊~除此味道一般,亦唔夠蒜香油菜 - 真係物價上升得好嚴重~份量比過去

  叫左碗9 菜墨魚丸米線外賣自取， 返到屋企變左碗走9 菜走墨魚丸嘅過橋米線！ 無野呀 ！落order 時個收銀女仔已經好似未訓醒咁！ 喂大佬呀，你未訓醒就唔好返工啦！ 山長水遠拎到返到屋企餓到死諗住慢慢歎，點知變左碗又豬潤又牛肉又水汪汪嘅野， 你食埋佢啦三哥！ 你知唔知返左屋企再出返嚟特登换返碗米線有幾辛勞呀 我唔要求你請個好叻嘅人做收銀， 但至少唔該你請返個肯用心工作嘅員工啦 你間野， 我唔會再幫襯！！！！ 咁簡單嘅落單都可以落到咁！ 媽的一聲！ 其他三哥米線多得你唔少！！！ 罷食三哥米線 行遠d 買第二間無三哥名嘅譚仔米線好過！

每逢到吃飯時間，這家新開張不久的譚仔門外必定站滿等位的人龍今天的晚飯時間都不例外。一向最愛譚仔的辣肉醬，甜甜的少少辣超好味，是我逢到譚仔必點的。墨魚丸很結實彈牙，亦是我的心水推介。食物跟其他分店一樣質素穩定，可是等候食物時間略嫌太長，希望日後能改善。

岩岩食完返黎, 真係一肚氣....一個人等位就唔耐, 坐左係度叫埋野食足足要等40MINS碗野先黎, 期間我已經吹左唔同既阿姐, 第一個就話整緊, 第二個就話D米線要碌林D, 第三個就話出緊.... 到終於黎到, 以為有得食, 點知碗野D米線好似生咁, 硬到死, 又要叫阿姐拎返走, 到返左黎之後, 好似差唔多, 應該係就咁放左係台算, 由得佢慢慢林, ,不過我都支持唔住啦, 求其食埋算啦.如果個個人都等30MINS我認命, 就眼見個個遲過我入黎都食緊, 真係眼火爆, 至於食物既質素都唔想再講落去啦.