影片
本身谂住叫外卖，之后见到有个四眼女伙计好得闲咁同厨房倾紧偈，就走埋去揾佢落单。点知佢叫我等一阵，就走咗去出菜兼帮人落单，最后先返嚟揾我。落单期间喺度黑口黑面，好似唔忧做咁。(唔知系咪老板娘嚟)返到屋企，明明嗌咗小辣，点知好似变咗中辣咁，一路食一路要饮水。下次都系揾返另一个姨姨落单算，或者电话叫外卖算，好过落下单都要俾人黑面米线整体黎讲系OK抵食，只系某啲员工态度差有啲赶客P.S 原来屋企人之前叫外卖都遇到呢个黑面神
继续阅读
上openrice查找屋企附近有边间米线舖未试，就揾到一于去呢处啦。热拌米线，小麻辣，螺旋藻，猪大肠，辣腩肉，配杯冻咖啡少甜少奶。米线份量足够，热热的而且比较干身(碗底不会有太多水)，质地唔会好腍或好硬。配料有肉碎、葱、酸菜，值得一赞系肉碎，有腌制过，而且系9分瘦1分肥，份量都不少呢(好食到唔记得影相)。螺旋藻一块块易入口不韧，反而猪大肠和辣腩肉就切得好薄和幼细，无口感，较为失色。我强烈建议唔好饮咖啡，一点都不似系咖啡，不能形容，可以讲系极难饮。
继续阅读
起左身 之后觉得有啲肚饿 就求其系附近揾间野 填下肚 其实之前都食过两次 只不过都系食米线咁解 😂今次叫左碗净水饺 小辣($24)汤底好浓郁 有劲多酸菜同猪肉碎 个水饺馅系韮菜食完之后都好饱
继续阅读
泽丰花园虽然有一个三层既商场，但基本上系冇咩商户，地下个层见到有间米线就局住帮衬啦。见到餐牌除咗米线仲有饭餐，只系$25，心念咁平就试下啦。叫咗个卤水蛋肉操饭，卖相都唔差，啱哂轻食既我，唔太大份粮，叫埋杯冻柠茶加$2，埋单$27，实在太抵啦。
继续阅读
如果你去过云南，食过云南米线，或者没去过没食过正宗的云南米线，今天在香港，在这里你可以食到正宗的小锅煮食，地道的云南酸菜，够味的高汤加上各种配料组合成正宗地道的云南小锅米线！够云南味道！
继续阅读