影片
以上资料只供参考，请与餐厅确认详情
相关文章
平时呢条街都有好多嘢食嘅但系今次第一次上到嚟呢个商场本身以为楼下街店舖嘅嘢食好平呀唔知楼上嘅商场即系呢一个小商场入面多餐厅不特止仲要嘢食都好抵食点左个海南文昌鸡饭好正呀真系好友屋企人喺海南岛拎返嚟嘅文昌鸡嘅味道佢哋仲要有埋一个西洋菜汤而且饮落去一啲味精味都冇系最鲜甜最健康嘅汤呢个海南文昌鸡饭先至$45而且佢哋嘅油饭都炒得好香佢哋嘅份量都令我食到好饱同埋佢哋啲鸡骨头唔系好多酸酸甜甜嘅酱汁令到海南鸡好惹味
继续阅读
好耐冇喺荃湾觅食了~ 呢晚约左朋友去做Gym, 做Gym前要先食野~ 然后畀我见到地皇广场有个food court,就上去睇下~虽然我知道佢都开左好耐下, 但我第一次来咋呢个food court.. 我谂大概有7-8间餐吧?选择唔算话好多~ 最后我地拣左食呢间 - 说一不二。呢间野, 佢主打菜好似系鸡饭, 但我同朋友都冇叫我见到佢有串串香~ 自助式的~d𩠌放晒入雪柜, 客人自己去拣, 拣完畀$~因为近来兴串串香吧? 所以佢D肉类都系一串串咁串好晒~菜类($6), 肉类/其他($8)~ 酸辣粉就($25)~佢仲有一盒4件的响铃($10)~因为我系酸辣粉怪, 所以我叫左酸辣粉($25), 再加生菜($6), 响铃($10), 同一串丸($8),合共$49。 肉类我就冇叫喇..因为一串真系得好少..我觉得唔抵食~ 丸有3粒, 我觉得都ok~ 如果叫酸辣粉, 加𩠌菜叫满3串就送汽水~朋友就系紫菜怪, 所以叫左紫菜五宝丸汤($28)~仲叫多个泰式酸辣凤爪($28)~ 上:紫菜五宝丸汤($28) + 泰式酸辣凤爪($28)~下:酸辣粉($25), 再加生菜($6), 响铃($10), 同一串丸($8)泰式酸辣凤爪 ($28)冻食的~ 几开胃~ 味道唔错~底下有d酸罗白~紫菜五宝丸汤($28)呢个我觉得抵食~ 紫菜汤大大碗~入面有5款丸~ 每款5粒~ 合共10粒~味道都ok~生菜($6), 响铃($10), 同一串丸($8)佢呢度𩠌系另上的~ 唔会加埋落个粉度~味道可以, 但佢碟底系豉油来, 如果吸得耐, 会有d咸~酸辣粉 ($25)有几粒豆卜, 粗薯粉来, 味道可以, 但完全唔够辣~不过佢冇问我要几辣, 我去加左一匙辣油, 但都觉得唔够辣呢个系叫酸辣粉再加3串𩠌送的~ 有忌廉沟鲜奶~~ 我要左香蕉味~~都几好饮~
继续阅读
心瘾起突然想食麻辣火锅，但得一条友点打姐好彩比我揾到抵食食堂—地皇food court入面有间麻辣烫，仲有重庆酸辣粉，一次过满足晒姐的两个欲望！自助形式选麻辣烫啦有个雪柜摆好晒麻辣串，自己打开慢慢选就得喇，买五送一好抵食，款式都算多，今次我选左鸡心、牛柏叶、杂丸肠仔、芽菜、油麦菜，当然仲有幼身既酸辣粉啦可以慢慢选无人催你架，岩晒我呢d眼阔肚窄，有选择困难既烦人啦。选完后，就拎比姐姐计数，姐姐会问你会唔会全部都要麻辣，定部分要清汤，因本人十分喜欢食辣，但又受辣能力有限，决定串串全部麻辣，而菜类就用清汤，配合埋酸辣粉就刚刚好喇～加$5可以配汽水一罐，食辣饮汽水绝配也！
继续阅读
睇到网上好多人介绍同塲的另一间面店，话d四川粉有几好食，几正宗。点知我就响𠮶度食咗个全地球最难吃的酸辣粉忍唔住俾𠮶个面店一个劣评。我好苦恼对住𠮶碗劲难食/幼薯粉硬过块地的酸辣粉，食咗几啖好想喊。好唔想嘥食物但又食唔到。当我好痛苦望住碗垃圾，坐对面的食客竟然响呢间买左碗酸辣粉食得好开心佢仲要平过我几蚊。我一直闻到对面碗酸辣粉有酸辣味，我忍唔住要立即响呢间买碗嚟食。个样至少似酸辣粉，都够辣，有酸味有麻味，再多少少麻会更好，再多少少花生同芫荽就会更更更好。薯粉好少，其实唔算好好食。但呢个安慰的酸辣粉，立即化身成美食。至少佢合格吖。简直系打救左专诚走去荃湾试酸辣粉的我！
继续阅读
话说同老公二人出去荃湾路德围行下食下野，听讲地皇广场有一层改左做food court，咁梗系腰去朝圣下，的确有好多食店但我被麻辣烫吸引左，本身我人好中意食麻辣烫所以就二话不说拣左呢间食。我地先叫左碗酸辣粉，再叫左木耳，豆卜，牛栢叶，猪润，同鸡肾。先讲个酸辣粉，闻落去好香但食落去又麻麻唔叫酸又唔够辣。麻辣烫就仲衰，一d都唔麻辣，只系似辣辣油加水烚熟d料咁......虽然见到有香料但唔知点解就冇味，有点失望....
继续阅读