誠記

营业中

休息中

西環必食推介✨ 如果你嚟到堅尼地城，可以試下呢間熟食中心嘅傳統滋味！😍食物：🍜 沙爹牛肉面 ($31) (8.5/10) 沙爹湯底超濃！超惹味！牛肉片厚薄適中，食落嫩滑不韌，沙爹香氣同出前一丁麵完美融合，啖啖濃香，朝早嚟一碗即刻醒神！ 🍞 西多士 ($21) (8/10) 炸得金黃香脆，外脆內軟，牛油同煉奶淋面超邪惡～每一啖都甜到心入面，最啱同朋友share，打卡一流！📸 環境：(6/10) 熟食中心feel，簡單實在，最重要有冷氣！💁🏻 服務：(7.5/10) 阿姐好快手，落單送餐都好有效率。👛 性價比：(9/10) 兩樣加埋都只係$52，份量足，平靚正，食完滿足又唔傷荷包，CP值真係爆燈！🌟 總評： 誠記係西環熟食中心經典老店，價錢親民，味道有驚喜，特別推介沙爹牛肉面，湯底一流！西多士香口甜美，食完仲想再encore！地點方便，堅尼地城地鐵站行過去好快，早餐、下午茶都夠晒正！下次經過西環，一定要入嚟歎返個地道港式茶餐！❤️

堅尼地城 巿政街巿 #誠記，夾住#陳奕迅推薦 之名都幾多人去食，最有名係佢地沙嗲牛肉同西多士‼️我地除左叫二大名物都有叫下其他試下！🌟西多士 坊間少有既版本，二片麵包中間是牛油，並沒有花生醬，麵包沾滿蛋漿，蛋香味不錯，上面放的是牛油及練奶，我自己比較喜歡這個版本❣️🌟沙嗲牛肉蛋麵 招牌沙嗲牛肉味道濃郁，牛肉份量不算很多，只算中規中矩❗️🌟雪菜肉絲米粉自己炒的雪菜肉絲比較香，唔會好咸！肉絲粗身有咬口，米粉有彈力，是一個不錯的選擇❗️🌟凍檸茶-茶底帶苦澀味，麻麻地，不推薦❕🌟凍咖啡-偏淡而且帶酸，飲了三分一就放棄了❕* 總結：招牌菜式值得一試，其他的就可能好壞參半🔥

呢間茶餐廳抵食夾大件！好多老街坊都會經常嚟食，阿姐落單快手又熱情👩‍🍳！​沙爹牛肉麵濃濃嘅沙爹香，湯底濃到沙爹味嗆得夠過癮😋，牛肉片份量唔少，仲好嫩滑唔韌。麵條掛滿湯汁。​牛油西多士切開時，麵包煎得脆卜卜，夾住半融嘅牛油，鹹甜交雜🧡！炸雞翅必須加碼推薦！外層炸漿薄脆咬開雞皮陣陣油脂香，雞肉嫩到出汁調味鹹香適中，完全唔會油膩。凍奶茶茶味濃郁，奶味唔會太甜冰塊夠多❄️，飲到最後都唔會淡。食完油膩嘅西多士再飲佢啱啱好！​最抵讚係CP 值超高！

呢間係陳奕迅推薦嘅，一直都好像嚟食，今日同朋友休息日終於嚟咗啦☺️🌟必點推薦🌟​🥪法式吐司吐司上枱就聞到陣陣蛋香同奶香，切開個吐司底下鋪滿嘅煉奶直接爆漿流出🥛咬落去外層煎得金黃酥脆，入面卻軟綿綿甜度啱啱好～我本身超討厭花生醬，但完全食唔出花生味🥜，吐司俾煉奶同蛋香蓋過咗🤩凍奶茶茶味濃郁入口絲滑，甜度恰到好處，完全唔會搶走茶嘅香氣🍵同炸物或者甜點搭配都好夾，飲完唔會有滯膩感。🍗炸雞翅 & 🥩炸豬排雞翅炸到外皮金黃酥脆，入面嘅雞肉卻鮮嫩多汁鹹香惹味🤤炸豬排同樣出色，豬肉質感嫩滑外層麵衣薄脆而不膩🍛沙爹牛肉麵試咗一啖第一感覺就係好鹹，沙爹醬味道濃郁牛肉煮得軟爛入味，但鹹度對我嚟講有啲過重，要不停飲水。🍚窩蛋牛肉飯上枱個賣相其實唔錯牛肉鋪得好足，流心蛋黃睇落好吸引🥚但 米飯硬到好似石頭口感好差，牛肉同蛋黃嘅味道都救唔返，食咗兩啖就放棄咗，真心唔推薦...

美食探店博主口中开在菜市场里的宝藏小店，我是很喜欢这种市井烟火气息，特意来感受下香港地道的沙嗲牛肉面。🪴环境：士美菲路市政大厦熟食中心里生意最好的一家店，热闹，烟火气足。工作日中午去的，生意很好，很多附近上班族在这里就餐。店员非常忙碌，跑前跑后出餐。🍜沙嗲牛肉面：汤底淡淡的沙嗲香，牛肉量足，但品质一般。比较薄，口感柴，不太喜欢这种肉质口感的牛肉片。法兰西多士，中间夹了花生酱，铺上牛油和炼奶，松软香甜，炸得不够焦香，正常出品。热鸳鸯，咖啡香味突出，甜度自配，白砂糖在桌面上自取。饮品能点加大杯，价格实惠。整体价位适中，平民消费，就近可以体验一下。🛎️服务：出餐很快，可使用电子支付，收银的女性态度一般，对待顾客没耐心。📍香港特别行政区中西区西环坚尼地城士美菲路12K号士美菲路市政大厦2楼熟食中心。

以前香港D大排檔宜家都搬上樓且物價愈發誇張，啱好聽人話誠記以前做廚嘅大師傅退咗休，今次經過熟食街市特意去試吓懷舊既味。誠記嘅沙嗲牛一向係比較出名嘅，以前嘅師傅拿手主打餸就係沙爹牛。但講真宜家沙爹牛肉同牛腩牛筋確實冇以前咁好食，食唔翻當年嘅feel。汁底冇以前咁濃，清咗好多，只能話介於合格到良好嘅水準，味唔會差餸嘢食嘅話都係OK嘅。炸雞翼就OK味道唔會輸。咁豉油王炒麵本身就係食佢啖鑊氣，而呢碟炒麵鑊氣依舊十足不輸當年，麵食偏鹹口D仲有一絲蔥薑蒜爆出黎嘅味真係好絕，整體係極具粵味嘅。呢碟嘢都算係挽回誠記作為大排檔嘅鑊氣代表喇。（食得太盡興炒麵唔記得影hhhh）仲有個客飯係同行嘅朋友食，我就未食到唔好評價。

運動完成身臭汗，求其去隔離巿政大廈食個快lunch，誠記係街坊不二之選，不過店員比較忙比較燥底，要忍受到先嚟喇！ 🥢沙嗲牛腩牛筋米 $36⭐️⭐️⭐️沙嗲牛係比較出名，但我嫌牛肉太鞋太有咬口，所以轉食牛腩牛筋米，原本以為湯底會同沙嗲牛一樣濃，但嚟到係清好多，可能醬汁响晒牛肉度啦，不過清啲都幾好味，至於牛腩牛味重唔黐牙有啲咬口，牛筋就滑溜好jelly，兩種餸份量都好多，非常抵食。🥢西多士 $20⭐️⭐️⭐️⭐️每枱必叫嘅食物，即叫即炸夠熱夠脆，西多士蛋味香濃配上牛油同煉奶好香滑吸引，唔係周圍都食到呢個配搭架。🥢凍好立克(加大) $18⭐️⭐️⭐️⭐️如果兩個人嚟，可以叫一杯share，普通size同加大size差好遠架，但價錢只係差$3，我見有人叫加大凍檸茶，檸檬份量應該有一個檸檬咁多，好誇張。二人共消費：$74

誠記📍：西環堅尼地城士美菲路12K號士美菲路市政大廈2樓熟食中心🚗：堅尼地成地鐵B出口 步行2分鐘📞：+852 2817-6931💲：~HKD40-50/head for lunchFood quality✔️：西多士、熱奶茶👌🏼：沙嗲牛肉麵總結：😋熟食中心嘅大熱茶記 價錢非常相宜 路過試一定唔失望👍🏼😋西多士咁大塊只需要$18 仲好細心咁切足八塊 牛油🧈煉奶實在太邪惡 糖漿仲要任落 正😋大熱嘅沙嗲牛肉麵反而顯得有點平庸 不過$29一碗仲要咁多牛肉 所以都係抵食😋奶茶☕️好飲

隔了多年本想尋回昔日味道，但卻換來一肚氣。首先，店員的態度實在讓人難以接受。問佢沙嗲牛肉麵可唔可以轉丁面，即時大叫：“無丁麵呀！”話俾佢知：“咁我唔知，問下咋！”仲要繼續大聲：“講啦！”到店員在落單時又唔寫底，叫雞扒蛋麵，變左剩雞扒麵，同店員反映就話我講錯。最正係沙嗲牛肉豬扒餃麵沒有沙嗲牛肉，係咩玩法？總括來說，這次店員的態度、下單的準確性以及食物的質量，都讓人難以滿意。而且價錢比普通茶餐廳貴，每樣分開計，實在唔會令人仲有下次光顧機會。

從前香港嘅大排檔冬菇亭都上晒樓，搬晒去市政大樓嘅熟食中心，所以熟食中心內有唔少餐廳臥虎藏龍。今日我繼續尋找好味嘅沙嗲牛肉麵，嚟到堅尼地城士美菲路熟食中心嘅誠記，呢度嘅沙牛麵值得推介。沙嗲牛肉太陽蛋麵最欣賞嘅係加入左沙嗲嘅湯底唔會變得好杰，但沙嗲味仍然濃郁，微甜而帶有淡淡花生香味，不過牛肉份量唔算多亦無乜味。另外，非常欣賞佢嘅湯底夠晒熱，公仔麵軟硬度適中。乾炒豬扒意粉意粉即叫即炒，條條意粉都上晒豉油皇嘅味道，炒得非常乾身有鑊氣。豬扒份量唔少，不過其中兩舊就係連骨嘅豬扒，唔可以啖啖肉喇。凍檸茶要讚一讚佢嘅凍檸茶，檸檬份量夠多，茶味香濃，當食完一碗濃郁嘅沙嗲牛肉麵，飲番一杯凍檸茶，就夠晒解渴啦！

當日係11月中間的午餐唔係太熱 所以環境都ok1 奶茶夠奶味同時保留左茶味 唔駛落糖都夠2 西多士$20老實講就係一份西多士應該有既味炸到金黃 麵包邊炸到脆脆地剛炸好就上檯件牛油融緊再淋上夠多既煉奶要麵包上下兩面都係煉奶溝牛油中間擦番花生醬 香口脆口甜甜地食到中間又會咸番啲3 誠記湯粉麵$47（不包括飲品）有雞肉 火腿 比較少既墨魚 好少既蝦 得2條既蟹柳 同菜 配公仔麵雖然寫係蕃茄湯底但反而蒜味重 蕃茄味唔多份量多4 炒豬扒公仔麵豬扒多麵又多調味都係一般茶記味豬扒唔會好乾身 總結唔會有驚喜 就係一般茶記如果係附近 我會推薦去食但未到要山長水遠特登去食

香港茶餐廳standard service 沙爹牛肉叉燒墨魚頭麵沙爹夠味，調味唔錯，食落去好香口。叉燒份量都幾足，但口感就一般，什至偏梅。墨魚頭就唔夠新鮮，味道有啲失望。衛生方面就一般,明白係喺街市，但覺得可以再改善一下。例如辣椒油個罐好痴笠笠。不過，係街市食風味係好唔錯。講到價錢，呢度有點貴，考慮到食物質素，感覺還好。如果你在附近想隨便食一餐，可以考慮下，無需特別到訪。下次可能會試試同場其他餐廳，增加選擇。

在熟食市場裡,隱藏著一間名叫「茶記」的秘密茶館,吸引了許多當地常客的青睞。 首先,他們的「西多士」絕對是必吃之選。外層金黃酥脆,咬下去後,濃郁的煉奶和牛油香氣立即在口中爆發,令人忍不住「哇」一聲讚嘆。這絕對是一道難以忘懷的美食。另一個必嘗的是他們的冰凍奶茶。茶味濃郁香甜,適當的糖度剛好,清涼消暑,無疑是夏日裡的最佳選擇。整個環境帶有濃厚的懷舊氛圍,彷彿穿梭時光隧道,讓人放鬆心情,沉浸其中。這無疑是一間值得光顧的特色茶館,值得你我一同前往,感受這份難得的用心與魅力。

一直以黎呢度既沙嗲真係我既童年回憶，今日再黎聽到店員話而家由老闆自己煮返，真係普通到唔普通，以前個廚已經無做，特登渣車過黎，轉足8層停車場好灰心，呢度係最似好細個食過既沙嗲味道，其他出面再搵都搵唔返，果d十大沙嗲牛都食唔返😢😢如果大家食過以前誠記既沙嗲又知第二度有，請留言。今次食左奶油多，都好好食醬夠多奶茶好飲

一路都有聽講道嘅朋友介紹呢間喺熟食街市上面的沙嗲牛公仔麵，今日經過附近，特登上嚟試吓，首先上嚟呢度，比想像中多人，人頭湧湧！好辛苦先搵到個吉位，坐低之後，見餐牌有好多不同種類的食物，又有炒嘢又有公仔麵，咁既然係為沙嗲牛公仔麵而過來，就梗係叫碗沙嗲牛公仔麵啦！再加杯凍檸茶，聽夥計介紹佢哋的西多士亦都好出名，即刻叫埋！咗唔夠一陣就上菜，先講牛肉嘅份量都幾多，起碼比出邊茶餐廳多，公仔麵就應該係用大陸嘅面，面身正常，沙嗲湯底都算濃郁，整體都唔錯，只係幾件牛肉有啲筋，咬唔斷！另外杯凍檸茶真係好大杯，飲極都未飲完！都幾正！最後一題，反而最驚喜嘅西多士！炸得好乾身，加上糖漿真係一絕！整體上，沙嗲牛麵正常，未至於好出色，但係西多士就值得一讚，不過價錢都幾相宜！CP值都幾高！