誠記小籠包拉麵

营业中

休息中

以呢個價錢呢個質素，好難明白有咁多笑臉。我好少寫食評，通常都係啲鋪頭過譽左先「逼」到我寫。一黎碗擔擔麵就正正常常，唔稱得上好食但如果用上自己鋪頭名嘅招牌麵就其實話俾人聽間鋪啲野食都係咁上下。小籠包一睇就以為自己係啲平價酒樓食咁款。個皮有啲霉，唔夠甚至係冇湯汁（可能漏哂）。重有叫左個醉雞全翼冇影相，不過不失，係略嫌唔夠入味。鍋貼還好，味道可以。不過呢個價錢（$45蚊3隻未計加一）黎講，我好期望佢係爆汁，可惜冇發生到。銀絲卷就勁喇，初初上枱見佢外皮炸得靚仔都心諗有番樣野係掂！點知一夾起就知衰左！油到一個點！

於2023年9月3日和好友和共享晚餐 。有一班愛食的朋友到底有幾幸福？一個負責找餐廳，一個擔起訂座責任，一個負責帶酒，一個做拍攝，其餘負責食。我們這羣愛吃的，這次來到西營盤巴丙頓道的隱世上海菜餐館。花雕醉雞🐓雞肉嫩滑，花雕味偏重，好香酒味。廚師選用是雞脾肉，啖啖肉，是一道滿意的前菜。雲吞雞🐓雞被切了上脾做醉雞，可能其餘的肉身都在這碗鮮雞湯了。不是那種很濃很假的雞湯，配上鹹香的金華火腿，滿滿菜肉餡料的餃子，份量十足，足夠我們六人每人碗一碗再添。蟹粉小籠包🦀即吃即蒸，皮薄餡靚。蟹粉有蟹膏香味，味到恰到好處。酸辣湯🍜 這個真是十分之意想不到，因為我平愛不愛喝酸辣湯。不像其他的，它不是很渴撻撻，而真是一碗足料的湯水，酸酸辣辣，開胃又惹味。蟹粉撈麵🍝 滿滿一碗蟹黃蟹肉蟹膏鋪碗，誰可以抗拒？拌勻後，每根麵條都掛滿金黃色，每口都是吃一個滿足。蟹汁濃郁，絲豪不膩口，愈吃愈滋味。-地方不算大，去前緊記先訂座

早兩日中午去試咗小籠包素菜包同擔擔面，雖然價格偏貴，但係值得一試，後來買多個鱔糊菜飯拎走做下午茶，因為當時埋單冇睇清楚外賣收咗加一，第二日諗起就打返去餐廳退返收多咗嘅錢，店員就話因為之前有人買外賣照坐係餐廳食唔走，所以後來規定堂食追加外賣全部要加一，除非你淨係買外賣企喺門口等或者打電話叫外賣，就算外賣唔喺餐廳食都要收返錢，可能餐廳以後同客人講聲先或者喺餐牌上面打多句溫馨提示會好啲，以免日後再次發生誤會。

環境乾淨清幽，坐得都幾舒服，職員服務都周到 入座後即時俾左杯凍水，仲飲到小小檸檬味。當日星期日，1點半左右入座都吾洗排隊。 蟹粉小籠包：超級好食一定要嗌，入口好鮮味，係d肉中間夾住蟹膏，建議吾洗點醬，食反原個鮮味，點醬會有小小搶左個味。 豬肉小籠包：鮮甜皮薄，個肉好滑 完全食吾到一DD筋，應該係自己手打嘅豬肉餡。 雞絲粉皮：冰冰涼涼 花生醬同麻醬嘅味道，個味道香得黎係薄嘅，所以吾會太膩。 大排擔擔麵：個炸豬排超級好食，佢外面個脆漿用左蛋黃 好香脆，上面淋左小小糖漿，個味都好特別。擔擔麵個湯好濃好傑，好似食緊花生醬感。本身叫左吾辣，後尾另外拎左佢地嘅辣油加落去，超香 即刻冇感膩。佢地個辣油偏香吾太辣嘅，落多左都吾怕。一定要叫有辣嘅，好食好多

位於西營盤的這家上海菜，在山腰的位置，地圖上看似很遠較隱蔽，但實際距離地鐵站只是5分鐘的路程。店鋪雖小，但光亮整潔，設備擺設感覺很有品味，連供應的水都是檸檬水。雖然家庭式經營的感覺，但驚喜的是用餐30分鐘內...下雨天之下...人流不斷....✤ 招牌小籠包 $48餡料新鮮，湯頭充沛鮮甜，皮子厚薄適中.✤ 蟹粉小籠包 $75初次到訪盡量多試點食物，招牌小籠包已經令人滿足，蟹粉小籠包更是驚艷。除了以上說過的優點，更重要是有鮮蟹肉及蟹黃，湯中帶少許鮮蟹油，非常出色的小籠包。.✤ 紅油抄手 $58外皮厚薄同樣適中，餡料滿滿，面層佈滿蒜蓉醬汁，較重口味。辣度適中且香而不太油，強調這點因為普遍外面常吃到的都是披上一層令人肚子不舒適的紅油。.✤ 花雕醉雞(例牌) $98醉雞夠醉、夠入味、夠凍，花雕味調得不錯帶點甜，雞件頗滑。.✤ 大排擔擔麵 $88擔擔麵和炸排骨會分碟上。擔擔麵最重要的湯底煮得香濃，但不會太杰，湯底帶微辣調味。炸豬排炸粉不會太厚，但肉質還好，沒有像想像中的嫩，不過整體還是很滿足！.總括而言整餐都頗有驚喜，因為有很多細節位，不愧好評多說是高質上海菜，至少我體驗到的是 ！

話時話間舖頭呢都幾隱蔽啊，喺條橫街仔上面。冇訂位嘅通常都要等一陣，因為裏面呢得六張枱嘅啫。咁我哋叫咗兩碗擔擔麵，而其中一碗就有叫埋呢個炸豬扒嘅。炸豬扒賣相非常之好，係金黃色嘅，由於豬扒唔係好厚，所以都幾容易入口嘅。仲叫咗一份小籠包同埋一份蟹粉嘅小籠包，小龍蝦個皮好薄，我覺得小籠包肉汁都好夠，但都係鐘意蟹黃小籠包呢，咬落去啖啖蟹黃肉非常好。呢度地方好骨子，服務亦都好好，侍應哥哥呢不停斟水。呢度價錢當然唔可以同上海嘅小籠包價錢比，呢度價錢係香港算適中！

小店隱藏於住宅大廈嘅地舖，夾在兩間補習社嘅中間。附近食店唔多而且以民居為主，我覺得絕對唔係一個搵食嘅好地方😂😂地點雖距離地鐵站不遠，不過要行條斜路上去先到食店呢。店舖好細，只有5張枱，但環境尚算唔錯，比起其他提供麵食嘅舖頭嚟講確實係有啲高人一等嘅感覺。除咗有小籠包、麵食及小食外，仲有多款上海菜式提供。由午市到晚市只有一款餐牌，小店冇提供堂食套餐。▫️誠記擔擔麵 (HKD65) - 收得呢個價錢份量都有番咁上下，真係好多麵，反而肉碎就好少。鮮色湯底散發著花生味，質感不算太濃郁。雖然餐牌上寫住有一隻🌶️，我自己覺得味道一啲都唔辣啊。▫️招牌小籠包 (HKD48) - 新鮮出爐嘅小籠包外型漲卜卜，咬落爆汁。外皮比較厚，如果可以薄少少嘅話口感更佳。

誠記小籠包拉麵 .⭐️Favourites:🥟 招牌小籠包 Xiao Long Bao HKD 48🍜 酸辣湯麵 Hot and sour soup noodles HKD 68🥟 紅油抄手 Wonton in red oil HKD 48🥢 五香牛展 Beef shank HKD 75.💭Thoughts: So impressed by how delicious everything was! .The xiao long bao was so juicy with super thin skin. The wontons also had the perfect veggie to pork ratio and their noodles had the perfect texture and thickness! .Would definitely revisit 😍😋Recommend? ✅ 👩🏻‍🍳Food rating: 4/5👩🏻‍⚖️Overall experience rating: 3/5 .📍 誠記小籠包拉麵 Shing Kee Restaurant 👣西環巴丙頓

初三赤口不宜拜年，決定在港大附近尋找美食，結果找到一家環境舒適的上海菜店。😆🔺 招牌小籠包 ($68)小籠包香味撲鼻，外皮口感煙靭，內層鎖住鮮甜的肉汁，整體做得不錯。如果外皮能做得更薄、更通透的話，相信會更完美。回頭率：🌕🌕🌕🌕🌗🔺 瑤柱賽螃蟹 + 菜飯 ($198 + $38)以海鮮、蛋白炒出蟹肉的鮮嫩爽滑口感，加入蛋黃模仿蟹黃，健康而不油膩。伴以「蟹醋」同吃，酸酸甜甜，像糖醋排骨的味道，有助提香，讓賽螃蟹更有鮮味。回頭率：🌕🌕🌕🌕🌗除了店員態度友善，餐廳也十分整潔，餐具和碗碟均使用烘乾收納機存放，使用時倍感衛生和放心。

位於西環的一間上海菜小店，有多種上海小點選擇，餃子、雲吞、抄手。有各款小菜同時亦有上海麵餐以及菜飯餐，不得不提的就是它們的小籠包！來到必點之選！——🥟招牌小籠包 HKD$ 48一籠四隻，上菜時間非常快，差不多幾分鐘內就有得食。小籠包皮薄餡靚，夾起並沒有破皮，湯汁非常清甜，甜而不膩，非常出色，一人清一籠絕對沒有問題！差不多每枱都必有一籠！🍜大排擔擔麵 HKD$ 78擔擔麵配上上海排骨，價錢合理。擔擔麵湯底沒有想像中濃烈，吃起上來比較輕鬆，不會有強烈膩感。湯底麻香味較突出，帶有微微的花生香，麵條軟硬剛好，吃上來感覺良好。上海排骨淋上糖漿，微微減去了炸物的膩感，炸皮不厚，微微脆身，豬肉調味剛好，可一試！🐓雞絲粉皮 HKD$ 62值得一讚的是粉皮口感爽身，配上青瓜雞絲，淋上麻醬，調味剛好，正常發揮。——🥟 小籠包有驚喜🍜 湯麵價錢合理🏠 上海小店情懷推介指數：❤️❤️❤️❤️（五個心心為滿分）——地址：西環巴丙頓道2-4號海明苑地下2號舖

好食😋，店雖小，但野食整得好食。叫左小籠包、雞絲粉皮、手拍青瓜、蔥油餅、排骨麵…都有水準，價錢正常。輕食都係唔錯嘅選擇！不過有中場休息時間及休息日，要睇清楚。

之前睇youtube 有介紹，咁岩最近我會去西環，就去左試，點知一試就愛上仲2刷埋，而家睇相又心思思想食啦🤤擔坦麵佢話有d 辣，不過我仔都食到，湯底超香超濃芝麻醬，我由細到大都勁鐘意芝麻醬，佢湯底真係無得輸，加埋掛汁麵，已經成為我心目中既第一， 不過呢，大排我個人就一般，所以2刷個陣我淨嗌擔坦麵加小食。小籠包都整得好食，好多湯汁，我仔自己食哂1籠。而且雖然小店，得5張枱左右，但坐得好舒服，真心推介👍👍👍👍我一定會再去食

對於一個住喺新界以前真是蠻遠，現在有了港鐵的魔力，真是一（卡）在手處處通行，感謝偉大的Google Maps協助。。。大約中午12時到達現場，已經有一、兩枱人就坐，目測餐廳大約有五至六張枱，面積佔地不大，一人入座剛剛好躋身於餐廳的一個，當日隨手叫來兩款餐牌上的食物～第一款是擔擔麵約價HK$65.賣相比坊間一般精巧，看得出廚師的用心,味道上與坊間的別無多樣，自己就覺得性價比一般~⭐️⭐️⭐️另外叫了一個蟹粉小籠包約價HK$75.這一個賣點當然是蟹粉，不過當日的蟹粉給我的味道有輕微的腥，而且餡料較少，這個價位避免將蟹粉看得較重，但比得較輕⭐️⭐️至於點解我雖然不是攀山泄水，都要坐過海？當然少不了偉大的交友網推捧，所以話睇相未為真，自己試過方知何物。★當日只收現金及八達通！★

呢間店舖唔係好大 平日食飯都總會有人不斷喺出面排隊 今次實測之後的確覺得好好食 兩款都會回頭𖤐•➸誠記擔擔麵 | $65 | 9/10擔擔麵好食.ᐟ 覺得佢湯底嘅濃稠程度啱啱好令到每一條細麵都掛汁又唔會好膩湯底係偏向花生醬味+少少甜辣味唔太食得辣嘅朋友都完全ok.ᐟ自己就想再辣少少haha •͈ω•͈(食量唔大嘅話share/叫少麵就啱啱好)•➸蟹粉小籠包(4粒) | $75 | 8.5/10本來真係有4粒嘅點知喺我拎起手機準備影相嘅時候 兩位朋友已經忍唔住各自食咗1粒ʘ̅͜ʘ̅第一次試蟹粉小籠包呢原來蟹粉即係用蟹黃&蟹膏炒香再加入蟹肉提鮮口感有啲似蟹黃當然裏面都會有豬肉餡皮都算簿 有爆汁嘅效果同時又有鮮味 想嚟多1粒´ㅂ`

抱興奮既心態，諗住屋企附近多個食堂嘅選擇。好鍾意食雲吞餃子上海嘢的我，滿心歡喜喺門口等咗30分鐘，諗住終於有得試吓啦！每類食物都叫一份試下，但可能店舖主打係清淡為主，而我想像中上海菜應該較為濃味。所以變相好多菜式都覺得唔夠味。用料唔差，但又未去到有家常菜嘅風味。只係覺得係一間還未成熟嘅小籠包餃子店。麵係不錯，湯底幾好。但呢個價錢應該更加好。可以半年後再試下，希望有改善。環境地方清潔幾好。服務人員好多，不過真係知道自己做咩既得1個。