誠聚坊

成班人打完波附近揾嘢食去到二陂坊附近见到有一间个招牌幻彩咏香江咁，新开嘅店入边个收银又几靓女（目测00后🫢）咁就入去试一试！叫咗个姜葱鸡煲，真系值得一试！仲有个肉碎蒸水蛋送饭一流！仲有仲有个鱼香茄子煲真系又系好出色！仲有个圣子同蚬都系新鲜嘅冇腥味同雪藏味！虾加米粉底𠮶个就正常发挥啦！人均先百零蚊食10几个菜，真系抵到喊！大家见冇咩做经开嘅可以一试真心推介！成班人打完波附近揾嘢食去到二陂坊附近见到有一间个招牌幻彩咏香江咁，入边个收银又几靓女咁就入去试一试！…查看更多

新开张大排档，冇花巧装修，但食物质素搭够！全部即叫即炒，镬气十足，价钱亲民。虽然忙到腾腾转，但笑容好好👍鲍鱼好新鲜，虽然豉油就偏淡，但果皮都带出鲍鱼鲜味。蒜香鸡翼炸到卜卜脆好味。姜葱蚝煲大大粒超鲜味。…查看更多

新开张，楼下系卡位，楼上又有围枱，𩠌菜款式都算够多啦，食咗几样，样样都够镬气，又够大份；整咗几支啤酒，食得好开心。因为有细路哥，厨师特登煮得清清地又够鲜味。其他𠮶啲酸嘅够酸，辣嘅够辣，今次帮衬完之后会再去。第一味蒸咗条石斑，够晒新鲜，豉油另上，啱细路哥。第二味系牛柳粒，青椒够新鲜，牛柳粒份量够晒多，炒起上嚟好开胃。第三味鱼香茄子，茄子好新鲜，一啲都冇腍晒；鱼香就咸淡适中，送饭一流。仲整咗只乳鸽，不过冇影相，因为太好食，食晒先记起。最后口痕，整多碟蛏子，啲圣子肥到抽筋，非常新鲜，冇得弹。望到隔篱枱整咗只鹅，好鬼大碟，半份够五六个人食，冇得顶，下次要试吓。…查看更多

经过见到新开一间茶餐厅大排档，问咗老细咩系招牌菜佢极力推荐客家碌鹅，嗌咗嚟试，几入味！其他小炒野食够味，有镬气！😋不过冇水吧，得汽水啰暂时🤨始终系新开嘅，暂时环境卫生干净！👍🏻👍🏻👍🏻…查看更多