影片
电话号码
66831903
开饭介绍
主要提供私房菜, 提供新鲜食材, 即日买即日做
继续阅读
营业时间
今日营业
11:00 - 21:00
星期一
全日休息
星期二至日
11:00 - 21:00
以上资料只供参考，请与餐厅确认详情
食记 (9)
喺繁忙嘅都市生活中，揾一间可以享受到地道家常菜嘅地方，实在唔易。不过，位于锦田嘅诚乐厨房真系值得一试！呢度唔单止有独特嘅菜式，仲可以俾食客享受到无味精、无油腻感嘅家常小菜。最近，我同家人（总共15位）到呢间小店品尝佢哋嘅特色菜，真系有唔错嘅体验。喺2025年1月1日，家人喺旧同学嘅推荐下在诚乐厨房预订咗一围菜。诚乐厨房就喺锦田街市附近，我哋用餐前还顺道逛逛锦上路附近嘅小市集。餐厅唔大，多做街坊熟客生意，冇咩特别嘅装修，典型村屋地舖食肆。店内有两位员工，一位阿姨、一位青年，服务态度唔错，都好有礼貌，而且仲有位亲切热情频频扑扑嘅小胖老板，听讲佢以前系做教育工作，十多年前转投自己喜爱的饮食业….当日嘅酒席菜色包括金装佛跳墙、姜葱龙虾伊面、椒盐炸鲜鱿、西兰花带子、鲜茄烩牛腩、清蒸海鲜（当天系牛屎𫚭）、玫瑰茶熏鸡、虾米煮时菜、元朗特色糕点、椰香蛋白露、水果等等。因为呢啲小店要预早准备食材，所以家人同老板提前沟通菜色同价钱，老板仲会考虑当日街市有咩新鲜食材可作选用。我想特别讲下金装佛跳墙。佛跳墙作为广东菜经典之一，听到呢度有得食，真系好惊讶。呢度嘅食材绝对冇偷工减料，鲍鱼、海参、翅肚、鹅掌、元贝、花菇、支竹等珍贵食材交织成一起，汤底嘅鲜香浓郁，令人回味无穷。每一口都有丰富嘅口感层次，令人回味。另外，姜葱龙虾伊面都令我惊喜。佢哋唔用波士顿龙虾，而系用本地龙虾，因为波士顿龙虾钳大冇肉，本地龙虾嘅虾肉鲜嫩多汁，姜葱煮出嚟嘅香气扑鼻，伊面吸收咗龙虾嘅精华，味道浓郁又唔油腻，真系一口接一口停唔落嚟。再讲讲椒盐炸鲜鱿，色泽金黄，外脆内嫩，每一口都能感受到鱿鱼嘅新鲜同弹性。椒盐调味恰到好处，唔会抢走鱿鱼本身嘅鲜味，食起来十分过瘾。我担心热气上火，没有多食。西兰花带子摆盘简单，颜色配搭简洁，西兰花翠绿鲜美，带子新鲜，甜美多汁。呢道菜调味清淡，保持咗食材本身嘅味道。至于鲜茄烩牛腩，牛腩炖得软腍入味，番茄的酸甜同牛腩嘅浓郁味道绝配，汤汁醇厚，好有新鲜感。清蒸鸭牛屎𫚭，肉质鲜嫩，清蒸保持咗鱼嘅原汁原味，老板话当日有货新鲜买嚟，但觉摆盘有啲凌乱，可能因为鱼大碟细，不过食材新鲜，清蒸无得输。玫瑰茶熏鸡系我哋用餐嘅另一个亮点。鸡肉熏制后散发淡淡茶香，肉质鲜嫩又唔油腻，每一口都好诱人。最后再讲吓椰香蛋白露，呢道甜品唔算难整，椰香清新，蛋白露甜而不腻，为整个晚餐画上完美句号。整体而言，诚乐厨房冇太多花样嘅菜色，主打健康烹调，为我哋新一年带来咗一场难忘嘅美食体验，价钱实惠，人均消费$200-300，每道菜都展现咗厨房对食材嘅重视同对味道嘅要求，好难想像香港有呢啲隐世小店，最重要系，呢度嘅菜色完全感觉唔到味精，又唔多油，感受到私房菜嘅感觉。诚乐厨房老板话佢哋嘅羊腩煲味道都好正…….我期待下次嚟试下。
继续阅读
此店在锦田街市对面，门前有巴士站，由锦田站乘的士才5分钟车程，交通十分方便。此店布置雅致有特色，甚有家的温馨感觉。刘老板及员工待客态度亲切，有求必应。而且特别聘用兼职的学生，见他谆谆善诱，耐心教导，给年青人另一种学以致用的实习机会。我们每次来必食的元朗乌头，用日式芥末酱伴食，另有一番新滋味。另一款必食的是豉油鸡，肉质嫩滑多汁，鸡胸肉并不嚡口，令人回味之至。此店逢星期一休息，可预早订位及拟定欲享用的美食，以便店家及早选购合时令的材料，是真正切合食客需要的私房菜店舖。
继续阅读
朋友约行山，有老马识途人仕介绍咗呢间餐厅，话超抵吃，每个餐只是46蚊，白饭，例汤任装任饮，不额外收费，如果人多，早啲book好D，而且可以变成围餐，咁就可以试多几样𩠌。3月1号呢日来到，试过几ok㗎。
继续阅读
今晚同Daddy来锦田买耶买完经过见到入面人较多 装修又几靓喔⋯⋯就入左去吃晚饭😘😘我地叫左个火腿津白一个五香烟熏鸡仲有汤送😘😘😘😘野食都好快到个鸡好滑好惹味个津白好鲜甜最好嘅系服务态度一流
继续阅读
今日去元朗探朋友, 顺便叫佢介绍个地方一齐食饭🍚去了这间菜馆，小菜做得非常好，价钱合理，值得大力推荐👍我们今晚点了他们推荐的茶薰鸡🐔椒盐鲜鱿，西柠鸡，金华火腿浸津白，豉油皇中虾🦐梅菜扣肉，带子蒸豆腐和蒸桂花鱼🐟, 大家开开心心😉连汽水白饭，一千蚊有找, 唔钟意食中菜嘅我，也觉得这间饭馆好好味
继续阅读