誠拉麵 (已結業)

黃埔呢個food court好多嘢食，最近呢間拉麵店仲係新開嘅，就即管試下！豚骨味噌拉麵 $76(+$22 套餐 有3隻餃子、汽水)豚骨湯底加上味噌，味道不會過鹹過油，剛剛好。拉麵有兩塊叉燒，叉燒有用火機燒過，外皮脆肉嫩。碗內有半隻溏心蛋，蛋煮得恰到好處，蛋黃依然溏心，少少入味，好味！晚市時段加22蚊就可以升至套餐，可以選擇叉燒丼或餃子3隻，連汽水一罐。餃子底煎到脆卜卜，裡面應該係白菜豬肉，點埋少少餃子醋食，正啊！

喺黃埔行完Aeon，打算順便係Food Court今埋晚餐想番屋企，就發現左呢度新開左間拉麵店叫誠拉麵。佢一共有四款湯底可以選擇，分別係原味，黑蒜油，辣湯，以及味噌。當日並無提供沾麵，有啲可惜。最後我就揀咗黑蒜有豚骨拉麵🍜唔使十分鐘，店員已經送上熱騰騰既拉麵。湯底未見驚喜之處，口感較稀身，但係食落唔會覺得好油好膩，味道唔會太濃烈。當中我最愛溏心蛋，金黃色嘅蛋黃，生熟度岩岩好，亦有經過調味。一咬落去，整個口腔都溢滿蛋黃香，令人回味。叉燒經炙燒過，更香口，但不夠入味。麵條掛湯力不錯。非常推薦呢度嘅餃子🥟香氣逼人，皮薄多汁，我想嗌多一碟黎食🥳

Aeon超市好多唔同野食，但最近去左呢間拉麵店，地方位置不多，有d似係日本食嘅拉麵舖咁。當然，誠拉麵係Food court入面算多人食。餐牌上主要有4款拉麵加一個沾麵，本身想叫一個沾麵，但咁岩賣哂，唯有下次。 叫左個特黑蒜蒜豚骨拉麵，黑蒜油都幾多同埋幾香口，而且d麵配埋個湯，幾夾。麵質方面偏硬身，幾岩我口味。溏心蛋亦都整得好好食。本身叫左個特豚骨味噌拉麵，但點知原來落錯單，俾左個赤特豚骨拉麵。唔緊要就試下辣味。好彩，食落唔係太辣，唔會話辣到食唔到。豚肉方面有3塊，肉味都濃郁，軟硬適中。每碗都有3片紫菜添。跟餐+$22可以配埋煎餃子，煎到外皮好香脆，唔錯嘅。加麵只需$15。跟餐就包一罐汽水。用餐後就要自己清理。

唔好以為food court就一定冇好野食，今日同完媽媽行街見呢間新開既拉麵店好多人食，怕執輸既我地緊係要黎食埋一份喇~因為行完街濕平完真係好餓，所以我地決定一人一個餐<3先俾大家睇睇有咩食~佢地既拉麵配料有紫菜、木耳絲、蔥花、半熟玉子同叉燒 ，而我地今次叫既呢兩個湯，湯底用豬骨熬，仲要係無味精，口感唔算好稠，味道就岩岩好唔會好咸。而且佢地既麵夠哂彈牙。另外叉燒可以再厚身D就好喇，但我媽中意佢夠哂軟腍，仲要燒過黎，所以會有D焦脆。配埋隻半熟流心蛋。掂呀~白(特)豚骨拉麵跟餐叫埋既叉燒丼，大大碗呀!!呢個餃子一D都唔熱氣，所以我媽都好中意，又唔會太厚PI，餡料都唔小，食到呢到都飽飽地~~辛(特)豚骨拉麵湯底加咗自家整既辛辣醬。豬骨湯帶D辛辣味，但又唔會好辣，怕食辣既人可以一試~而且店員都好好服務，落力為我地介紹，又有耐性(因為我媽真係好多問題問)哈哈，最緊要既係，open kitchen睇住佢地點樣用心整好D野食，真係食得開心又好味

咁岩經過黃埔AEON，發現自己好耐冇食拉麵食拉麵，所以就決定揀左呢間誠拉麵試下。首先睇下有咩揀，最基本既拉麵都有齊晒，所以決定同女朋友試下食白豚骨拉麵，黑豚骨拉麵。白豚骨拉麵係豬骨湯底，而黑豚骨拉麵就係黑蒜味，另外我地兩個都選擇左簡套餐，因為加22蚊就有餃子或者叉燒飯，再加汽水，對比出邊拉面店單叫，算係扺食啦！另外其實我地可以完全望晒員工點樣煮拉麵，因為煮麵嘅位置都好開陽，以我自己所觀察，佢地都好小心處理拉面，再慢慢煮個湯底。另外衛生環境亦都好乾淨👍🏻值得一讚！首先講左白豚骨拉麵先，佢嘅湯底都算濃郁，唔會好油膩，試完一啖都忍唔住再食一啖！感覺上冇味精味，佢一叉燒係我自己鍾意既，唔太肥唔太瘦，口感啱啱好。不過最值得一讚都係流心蛋！蛋味濃郁，真係流心架👍🏻另外黑豚骨拉麵，一上枱就覺得好香，好濃味，黑蒜味好香，但係冇掩蓋晒成個拉麵香味！呢兩個拉麵都建議大家可以食下！餃子同樣亦不過不失，不過真係食到入邊好足料！同埋皮唔會太厚！叉燒飯好香，熱辣辣，叉燒切到好細粒，容易入口，另外叉燒嘅邊脆脆地，好香口好配飯！呢間拉麵店位置都算方便！下次都會再黎✌🏻

逢親星期三係Aeon 超市優惠日喺超市掃完貨之後就去咗隔離嘅canteen簡野食 平時最鍾意食鯖魚套餐 今日見到新開左間拉麵🍜 唔使周圍同人搵位搶位鋪頭自己有枱坐 就比個機會佢啦 😏 見到個選項同天王拉麵好似都係分白 赤 黑 大家見到每款下便有兩個價錢分別就係特選嘅話有多啲材料例如糖心蛋會有完整嘅一隻 紫菜會有三大塊大家可以選擇加錢追加或者轉做套餐有嘢飲同埋一個小食 係叉燒丼同埋餃子入面 我揀咗三隻餃子 🥟 冇煎穿窿 不過不失追加左$20嘅兩塊叉燒 我幾鍾意佢嘅叉燒肥瘦非常之均勻 有事我最唔鍾意就係一塊裏面脂肪同埋瘦肉分得好開 搞到我成日忍唔住直接唔要肥嗰部份 浪費左一塊好食嘅叉燒豚骨味增拉麵（特） $89 首先個湯底濃厚適中 飲湯唔算太肥膩 我鍾意佢唔算鹹 相對叫做唔係行重味風格 配料唔算話好豐富 但有我最鍾意食嘅竹筍 我數過我個會有七條😂 個面量都算多 我身為女仔啲面唔係太食得晒 男性朋友就覺得份量啱啱好 大家唔使怕食唔飽黑豚骨拉麵🍜$76我覺得豚骨味嘅湯底味比較濃 黑蒜油嘅味道係配角 大家唔使怕食完之後成口黑蒜蓉味 我諗因為呢間拉麵譜唔係行濃味手嘅風格 所以好啱平時大家屋企唔想煮

嚟Aeon超市買嘢買到肚餓，發現之前嘅別天神轉咗做呢間誠拉麵，即刻坐底試下佢幾有誠先！店入面得兩個店員好忙咁，但都好快手咁幫我整好咗個麵揀咗赤拉麵同埋黑拉麵，個人嚟講覺得黑蒜油味道出啲，反而赤拉麵較為淡口，但都好，可以飲晒碗湯！拉麵麵質都爽口彈牙，塊叉燒都燒得軟硬適中，最重要嘅係佢啲溏心蛋真係好味！好味到追加多隻嚟食另外叫咗個套餐送叉燒飯，啲飯好軟糯，入口好香，如果可以多啲叉燒汁嘅話就perfect池啦！

今日阿肥喺黃埔收工,作為一百分胖友嘅我,當然準時接佢收工加同區覓食,諗住食啲唔太貴嘅嘢所以就同佢去咗隻船下面嘅food court打圈搜尋,見到呢間"誠拉麵"新開張,又未聽過喎~鍾意食拉麵嘅我哋即刻就想試吓啦!由於位置喺food court範圍,所以都係一個開放式嘅空間,座位亦都以吧枱型式圍繞住個廚房,師傅烹煮嘅過程清淅可見,其實咁樣都好有日本嘅氣息。餐牌只有一張紙,主打四款系列,白湯/黑湯/赤湯/味噌湯底,另外仲有一隻豚骨魚介沾麵可供選擇。好快我哋已經可以作出決定,點餐等食一向嗜辣嘅我,嗌咗碗赤豚骨拉麵($76蚊),包括紫菜兩片+木耳絲+蔥+半熟玉子半隻+叉燒兩片,普通size已經好夠我食,大胃王嘅朋友就可以俾多小小錢嗌(特)size喇~等咗大約七至八分鐘,感應器震動示意取餐,有得食喇呢度嘅辛辣口味並唔係獨立調湯,而係同其他唔辣嘅味用同一隻豬骨湯底,然後煮好之後附帶一球辣味調味球於拉麵之中。就係因為咁所以我可以首先盛起豬骨湯先嚐一口味道,湯底幾有驚喜,豬骨味非常濃厚,好味程度令我飲咗幾羹先至將舊辣波同啲湯攪勻再食。呢度係用同一蘭有九成相似嘅幼身拉麵,煮嘅時間調得剛好,麵身腍口係我杯茶

新開拉麵@黃埔AEON百貨：誠拉麵！自助式買餐，食完自己將碗碟放返却口，所以要自律啊！有豚骨、黑蒜油、辣味、味噌拉麵，亦有豚骨魚介沾麵。我始終偏好湯拉麵，兩個價錢主要分別在配料嘅份量，例如紫菜、玉子同叉燒會多啲。開放式廚房，一目了然。黑豚骨拉麵（特）（$89）黑蒜油湯底味濃卻唔會太膩，「特」版份量果然足夠，叉燒有燒過，帶微微焦香。豚骨味噌拉麵（特）（$89）味道都夠濃郁，愛好重口味者必吃。跟套餐只需加$22，就有叉燒丼（細）或餃子3隻，再加汽水，如果怕唔夠飽都可以追加。

黃埔新張拉麵，位於AEON超市入面既一間拉麵店。星期一去到黃埔行街買野，行到肚餓，去超市睇下有咩好食。有好幾間日本食店，但比呢間日本拉麵店吸引到，因為價錢適中，本人又好喜歡拉麵，出面又冇見過誠拉麵，所以就決定要試一試。當然結果係不錯啦，睇埋下面既食評。誠拉麵位於AEON入面其中一間食店，好處各有喜好，各自拉食，唔洗被絆手絆腳。價錢適中，比出面其他拉麵店平少少。但款式湯底好似出面多d。叫左兩個麵餐，包括餃子、汽水。下圖係黑豚骨拉麵，極力推介。其實係黑蒜香湯底拉麵，聽個名都知好食。蒜香非常濃郁，湯底起掛，口齒留香。蒜香同拉麵估唔到咁夾，喜歡刺激既朋友一定要試。下圖係豚骨味噌。味道較淡，重口味人士可能要落多d調味料。我就覺得岩岩好，白郁郁既湯底就知店主呢個湯底夠晒時候。麵條彈牙冇得輸，再加上溫存蛋同叉燒，一流! 餃子，肉汁豐富，味道新鮮，如煎燶少少脆口更好。

由元朗岀到紅磡黃埔，當然要搵好嘢食，今次就走進了一個很有外貌特色設計的船(吉之島)內覓食，忽然看見一間拉麵店，覺得門面很有趣，遠望以為是立食拉麵 ，但原來誤會了，所以更加需要進去享用晚餐🥣經過店員的推薦下，我們叫了兩個招牌拉麵，一個是白豚骨拉麵🍜一個是黑豚骨拉麵🍜再追加餃子🥟作小食。白豚骨拉麵🍜湯底比較淡味，絕對適合小朋友和大朋友食用，湯底更加不會過鹹，不會像外邊的湯底一樣，需要一邊飲水一邊食用！而且更不會很油膩，麵質很彈牙又爽，而且還可以自己跟師傅調教拉麵的硬度，叉燒並不是簿切，師傅也沒有特別加了一些調味料放進叉燒內醃製，所以食落肉質十分嫩滑，又不會有味精的感覺，完全可以食得岀清新鮮甜的味道， 適合喜愛吃淡味的人士食用！黑豚骨拉麵🍜湯底加了一點點蒜油，但不會有油膩感，相反感覺還很健康。這碗黑豚拉麵的特別之處，是連豚肉都有略略地燒過，但肉汁仍然鎖住。厚切的豚肉脂肪分布平均。這兩碗拉麵🍜都有一個共通點，就是那個配菜，糖心蛋，師傅是特登跟足日本🇯🇵方法一步一步去處理，所以十分細心，誠意可加👍🏻又可以做到流心的效果，外面是熱的，入面是凍的😋那隻雞旦是在其他店鋪食不到的味道！餃子🥟煎得不油膩，

原舖位自從別天神離開後，誠拉麵接手，比起北角店稍遲開舖，我知這個誠拉麵和誠壽司有沒有關係，看其宣傳牌誠拉麵是來自東京，本店位於東京一心堂，當地目前有六間分店，香港現時有兩間。選擇方面麵食有5款白黑赤噌沾，小食有叉燒丼煎餃子枝豆，有套餐供應，午市麵食加$15附加餃子連汽水，晚巿則要加$22。我選擇了黑豚骨拉麵套餐，附加叉燒丼和可口可樂 ，由於新開店子，顧客都有八至九個，這個舖位以前别天神經營時期總是冷冷清清，其主要原因是給隔鄰幾個檔位，同樣經營日式食品的搶走了客人。我點的東西來了，看下去還像樣。叉燒丼跟套餐是細碗裝，叉燒燒得頗香，青葱及芝麻口感俗，但叉燒較為乾硬亦没有汁液，吃下去較需要咀嚼。至於那個拉麵可以用差劣來形容，首先我點選的是黑豚骨拉麵，但吃完一塊叉燒及溏心蛋，吃了兩啖麵後發覺不對路，那是白豚骨拉麵，原本想發惡要求更換，但自怪自己不專心及夠精專，吃一啖應該要發覺有同，所以繼續吃下去。叉燒算是較為可取的一項，大塊有肥有瘦火炙得亦香，總共有两塊，好吃!溏心蛋較大隻，直徑5.5厘米，蛋黃全呈溏心，可惜一夾即散開，味道一般。其中一個致命失敗的地方是麵條，厨工大多懷疑是新入職的，