135
4
0
所有分店 (4)
电话号码
28119181
营业时间
今日营业
10:00 - 16:00
18:00 - 23:00
星期一至日
10:00 - 16:00
18:00 - 23:00
付款方式
Visa Master 现金
食记 (140)
等级4 2020-07-09
678 浏览
平时约朋友食饭多数都系食西餐或东南亚菜,今次一於打破以往惯例约友人食一餐丰富嘅中菜!☺️誉宴星海系热门婚礼宴会场地,中午有做茶市点心,夜晚有多款晚市小菜同埋海鲜。有别於一般传统酒楼,呢度瑰丽嘅装潢同气派令人感觉尤如置身於五星级酒店,多咗一份奢华及高贵。而且酒楼嘅楼底非常高,地方又够大,非常适合作为宴会场地。前菜系芥末麻油黑白木耳,黑木耳就食得多,白色嘅木耳真系好少见!经理话呢个黑蒜螺头炖鸡汤($68) 系酒楼招牌之一,一定要试!汤嘅黑蒜味好香浓,听讲仲有增强抵抗力同埋抗炎嘅功效,又养生又强身!👍🏻由於我地好肚饿嘅关系,今晚一次过点左四个小菜,最後当然系食唔哂打包返屋企🤣!首先有粟米龙趸斑块($168)值得一赞嘅系龙趸同埋粟米汁系分开上嘅,食嗰时啲汁就唔会浸到个皮软哂,每一啖食落口都外脆内嫩滑!😍龙趸分量十足每件都大大嚿,而且非常新鲜。士多啤梨大虾球($148)大虾肉质爽口弹牙,同样系非常新鲜。甜甜地嘅士多啤梨酱汁同新鲜爽弹嘅虾球味道好夹,食落几开胃。黑蒜安格斯牛柳粒($168)牛柳粒经蒜片爆香後香味四溢,牛柳爆炒後外皮带轻微焦脆,肉质几嫩而且牛味香浓,一粒接一粒食到我地停唔到口。金银蛋浸菜心($108) 菜同埋咸蛋及皮蛋嘅份量超多,菜心爽脆嫩口食落完全冇渣,配埋清甜嘅上汤味道一流。燕窝3.6奶冻($48) 燕窝份量毫不吝啬,奶冻牛奶味好浓口感香滑,同燕窝一齐食口感同味道都系绝配!叫到成枱野食最後食唔哂要打包😂 每一款小菜都好有水准,绝对值得带屋企人朋友黎试! 继续阅读
(以上食记乃用户个人意见 , 并不代表OpenRice之观点。)
等级4 2020-07-06
232 浏览
其实除了和家人做节和饮宴, 基本上我已很少到酒楼食中菜, 今晚友人提议到誉宴食晚饭, 佢话呢度嘅 咕噜肉好好食, 好食嘅咕噜肉好难搵到, 我当然要去试吓啦!这间誉宴地方非常宽敞, 装修瑰丽堂皇, 座位非常舒适, 店员招呼亦非常殷勤,其实去年的中秋节和家人做节也拣了这里, 当时已觉得颇有水准。今晚我和友人拣了3餸一汤, 有鱼有肉也有菜, 好开心。餐前小食$20~ 猫耳朵木耳酸酸的, 又清爽又开胃。黑蒜鸡汤$136(2人)~ 材料有排骨, 鸡肉、螺头和黑蒜, 黑蒜味好浓郁, 好清甜,好香。 黑蒜已炖到好腍, 入口即溶 , 好好味。啫啫马友虾乾芥兰$128~铁板上, 一上桌除了听到啫啫声, 还闻到很香的咸香和酒香味, 芥兰本身很爽甜,新鲜无渣, 配料有大大只的虾乾,马友、 肉碎、红椒、洋葱和葱, 配合起来非常惹味。鲜菠萝脆皮咕噜肉$128~外层非常非常脆口,咬落去卜卜脆,有拔丝的效果 , 而肉质亦非常软腍滑嫩, 酸甜度刚刚好, 以新鲜菠萝伴碟,非常美味,果然十分出色,很惊喜!清蒸沙巴龙趸$198~大约一斤份量2人食啱啱好, 皮层胶质丰富, 肉质嫩滑鲜甜, 个腩位正到呢!最後仲送埋个莲子百合红豆沙俾我哋做甜品, 真系开心又满足。 继续阅读
(以上食记乃用户个人意见 , 并不代表OpenRice之观点。)
等级4 2020-06-28
361 浏览
环境:👍👍👍👍服务:⭐️⭐️⭐️⭐️⭐️味道:😍😍😍😍影相:📸📸📸📸Encore:90%📝进入前要度体温📝晚餐茶芥,每人$15📝餐前小食 $20📝设加一➖➖➖➖➖➖➖➖➖➖➖➖➖➖➖限聚令开始放宽「为食兵团」忍吾住去酒楼啖下茶,食下中餐🙈.🔸鲜菠萝脆片咕噜肉 $128呢个咕噜肉真系好有惊喜👍以鲜菠萝代替罐头菠香甜自然,同罐头菠萝系冇得比🥳咕噜肉味道酸酸甜甜酸与甜配合得恰到好处吾会过酸,甜而不腻入口酥脆独特,糖衣好似玻璃咁薄脆猪肉去哂骨,咬落鲜嫩系我食过最好味嘅咕噜肉💕.🔸得奖金砖脆豆腐 $68将平凡化为金砖,可见呢个豆腐来头不少👍豆腐切成长方形状呈金黄色,骤眼睇真系好似块金砖呀🤣炸衣吾系好薄果种但胜在够酥脆,夹起吾易散🙆‍♀️里面嘅豆腐仍然Keep住水嫩简单洒上胡椒粉,沾上香醋汁已经好正🥰.🔸啫啫马友虾乾芥兰 $128以铁Pan 承载,一上枱就听到「沙沙」声芥兰加入左大虾乾,蒜片,肉碎去炒口感脆嫩,清甜爽脆🥳.🔸黑蒜螺头炖鸡汤 $96吾好睇佢系黑妈妈咁汤清而不多油,汤头劲浓郁螺头嘅鲜味好突出加上黑蒜嘅清淡蒜香同煮到软腍嘅鸡肉一开始饮就停吾到口呀😂 继续阅读
(以上食记乃用户个人意见 , 并不代表OpenRice之观点。)
六月系我嘅生日月🙈,会比较多外出用膳,呢晚放工朋友约咗我去铜锣湾食饭,佢哋竟然带咗我去食中菜😂,无谂过罗...,哈哈。不过原来系去誉宴,食物有信心保证同环境好坐。我哋一行三人叫餸食饭,并问部长有乜推介,除咗苦瓜无叫外,其他都跟佢点菜😆。餐前小食($20)系凉拌木耳,有少少辣,都几开胃!既然小食一定要食,我宁愿佢俾木耳我,好过花生、荞头多多声,咁样俾钱都俾得顺气啲🙈。黑蒜炖鸡汤($68/位),一人整返一碗靓汤先,🐔鸡汤味道好浓郁,虽然系用咗好多黑蒜煲,但其实饮完唔会成口蒜味,而且每粒蒜粒均炖到好淋身,可以食埋。听讲黑蒜好有益的,酒楼仲话系抗疾之选,哈哈。另外,汤料亦有不少鸡件同螺肉。鲜菠萝脆皮咕噜肉($128),本身部长话呢到嘅咕噜肉出名,我心谂推介埋啲咁大路㗎🙄。不过其中一位朋友好锺意食,就一於试下吧。未讲卖相同味道之前,呢碟菜嘅份量已经抵赞,而且最重要系热辣辣炒起,有获气!我敢讲呢碟咕噜肉系我食过最出色嘅😋,必食!首先,餐厅系用上新鲜菠萝作材料,并以个果壳盛住啲咕噜肉,🍍新鲜菠萝同罐头菠萝嘅味道明显有分别,新鲜嘅会较酸同无咁多渣。第二,脆皮咕噜肉嘅脆皮真系正到不得了,脆到好似食紧拔丝咁,酱汁完全无整湿个皮,而且系无骨㗎,啖啖肉。最後,佢呢个咕噜汁甜酸度适中🤤,如果太酸我每放入口都要勇气。啫啫马友虾乾芥兰($128),唔食苦瓜嘅我哋转咗食呢味。出到嚟又系劲有惊喜😍,我估唔到芥兰系以铁板盛住,仲要真系渣渣声咁登场。姐姐劲细心,将个获柄拧开一边,等我哋唔洗烫亲👍。芥兰又系好好食,够味得嚟唔会重口味,平日啫啫煮法普偏都会过咸,呢到恰到好处。🦐虾乾好大只,仲有啲肉碎,全部都好香口。芥兰亦够甜、够爽脆,但如果拣菜时可以剥走啲菜花会更佳。清蒸沙巴龙趸($120),有骨嘅鱼我就好少食😅,但身旁两位美女都好喜欢,咁就无计啦。好彩条鱼都几大条,所以易拣骨之余,夹出嚟啲鱼肉不会太碎。鱼肉新鲜,颇鲜味🐟。食完正餐後,店员为我哋送上糖水-马蹄露,糖水甜甜的,马蹄就爽爽的😚,美味。朋友们其实买咗蛋糕俾我,但唔知餐厅切唔切得,所以开头只系托餐厅帮忙雪住,後尾食完饭拎返谂住转场食蛋糕时,点知姐姐劲好问我哋系咪切埋,仲递上叉碟,点解可以好人到咁🙏🏻。食完饭离开时,我哋忍唔住系咁喺门口打卡📸,话哂都系婚宴场地,🌸条花海楼梯好靓靓呀。总括嚟讲,誉宴真系好高质,食物、环境同服务都攞满分💯。价钱其实我又觉得唔算贵喎,屋村酒楼都成$8x-$9x一碟餸啦,我哋今餐人均计$2xx,好合理。晚市茶芥$30就系贵啲。如果一班人聚会想搵个舒服地方食中菜,我一定会推介呢到,仲可以叫一围嗰啲晚餐添! 继续阅读
(以上食记乃用户个人意见 , 并不代表OpenRice之观点。)
等级4 2020-06-14
618 浏览
终於可以和家人一起外出晚饭, 疫情渐渐减退, 大家外出的意欲按耐不住了。 妈妈就最喜欢吃中菜, 而且要凑住个孙, 最适合嘅地方当然系酒楼。 既可以坐得舒舒服服, 食物种类又多。酒楼晚饭时段,有好多唔同嘅配搭, 我哋谂住一阵都未有定案, 好彩有热情经理推介晚饭孖宝, 抵食又好味。晚饭孖宝😀 鲍鱼鸡煲+金银蛋苋菜鲍鱼鸡煲热力十足, 鸡肉软嫩滑香口, 鲍鱼仔入味淋滑, 比想像中的size大只😀😀金银蛋苋菜, 苋菜使用比较嫩嘅部分, 吸收到上汤嘅精华, 皮蛋烟烟靭靭, 加埋咸蛋更加嘢味😋😋😋鲜菠萝咕噜肉咕噜肉脆皮松化, 肉质爽口唔肥腻, 酸甜汁完美地挂在咕噜肉外层, 仲有新鲜甜美的菠萝, 侄仔食到舐舐脷😋😋😋黑蒜鸡汤有益健康嘅汤水, 黑色嘅汤你会谂起啲乜嘢嘢? 出乎意料地非常清甜, 顺喉滋润 ,加上黑蒜健康有益, 妈妈非常喜爱。最後送上香甜芝麻糊, 香浓幼滑, 如果甜度再减低少少就会更加好。😋😋😋 继续阅读
(以上食记乃用户个人意见 , 并不代表OpenRice之观点。)