言居酒屋 (已結業)

我好鍾意黎言居酒屋呢度好有日式居酒屋嘅感覺，唔限時，雖然得老闆一個負責煮，上菜同埋埋單，服務就冇高級餐廳咁好，但係就係鍾意老闆呢一種率性，對於食材嘅理解同埋清酒嘅認識，都可以係佢時間許可嘅時候同佢地講解，每次我都食得好盡興。今日叫咗帆立貝刺身，好新鮮，好爽口，好大隻全消都OK，食得出係自家醃製，即燒，都幾乾身，唔油，不過我食重口味就可能要自己加啲鹽，唔係出邊嗰啲勁重味精，然後要叫勁多你嘢飲嘅串燒飽肚之選梗係口燒玉子同埋燒飯團，玉子燒好後，口感非常之好，非常嫩滑，燒飯團都有飯焦嘅口感

睇過食評見到好多人話上菜速度慢，無服務，所以都只求食物質素ok 成間舖得一個師傅兼老細加一位女士執頭執尾叫老細落單叫咗好多次都無完無反應以為佢忙緊聽唔到所以諗住轉頭先再order 點知佢做完啲嘢就問要啲咩，即係聽到啦，其實應一句，或者講聲等陣係咪咁難呢？之後問老細今日個刺身拼盤有咩刺身，佢話:random 架無得揀Errr其實我唔係想揀，只係想知有無唔食嘅野姐食物方面串燒普通，全程係咁見到佢用微波爐解凍刺身就仲未解凍，咬到有冰最好食係個玉子燒上菜速度係慢，不過廚房得一個人可以體諒仲有一份串燒等咗好耐都未到，問老細佢話無落到，但係明明我落單個陣每講一樣野都聽到佢重覆讀一次再寫落張紙但係佢話無就無啦埋單想睇下有無計到個份無落單嘅串燒諗住check 單，手寫單，一隻字都睇唔明，咁佢話幾錢就幾錢啦走咗之後自己睇返個menu 發覺佢計多咗幾十蚊想傾下計飲杯酒食少少野，唔介意上菜慢無服務可以黎試下嘅，幾闊落無限時坐得幾舒服嘅

情人節仲禁緊晚巿堂食，咁咪食午巿囉，仲要早兩日食又有乜所謂啫。訂左枱12點半，去到時餐廳一個客人都無。坐底慢慢揀野食，老公話要揀啲唔飽既野食，唯一飽肚既係煎飯團。落左order 飲緊生啤時，就不停有客人入尼自己坐好，眼見熟客較多，有三、四枱walk in 都無位，只收左一枱walk in。無計啦，四人枱都只係可以坐兩個人，咪無位囉。老細話刺身啱啱返左靚貨，咁梗係要叫一份二人前刺身併盤啦。有吞拿魚、帶子、尢魚、油甘魚（好似係）及唔記得係咩魚。試過响舖頭自己買舊吞拿魚刺身，但有好多筋唔太好食，而尼一舊吞拿魚係完全無筋，同自己買果舊真係差好遠；帶子好有鮮味，而且個質地係我响北海道食既新鮮帶子既質地，同其他餐廳既刺身帶子質地係唔係既，可惜我詞貧我真係唔識得形容尼個質地...之後仲有燒雞脾菇，菇上面放左好多木魚調味不錯；燒多春魚，啲魚春係脆卜卜既；清酒燒廣島蠔，清酒既煮法有少少苦；燒雞皮，雞皮燒到好脆好好味；燒飯團（味增味），飯團底面都燒到變左脆皮，附有紫菜及味增，一啖飯一啖味增咁好好味。見到佢仲有個經濟啲既午餐menu，蔥碎吞拿魚魚生飲都係百零蚊，好抵食。餐廳係用openkitchen，吧枱位

第一次來哩間店，一入去個環境好似去左日本，感覺好舒服，叫左蔥碎拖羅魚生飯，出乎意料，超級好味，價錢亦唔算特別貴，午餐$100。午餐時段只有一位員工要處理晒成間店鋪工作，但佢都應付得到。成個感覺都好好，推介！

食物上，點咗好多嘢食........大部分略為普通.......有部分略鹹............服務上，可以好一啲........而且疑似有部分係熟客，感覺上都不太友善。呢個價錢，其實可以會有更好更好嘅選擇，完。

等待食物很漫長，差不多45分鐘都未有🥱我差點就餓暈在餐廳裏如果可以，下次都不會再選擇餐廳肚餓嘅朋友記得唔好揀如果好空閒可以試吓選擇呢間餐廳人手不足，只有一人。

係附近有野搞🙄就係附近搵食認真我係比佢吧枱上既酒樽嚟引左入去既首先先講到明。。你要食服務呢度一定唔啱你因為我一個人既啫。。。。但佢就幾健談。。。都知佢辛苦😆睇下有咩食先啦見佢咁都係一次過叫哂d酒先食刺身串燒必備帆立貝~堅厚鮮甜赤貝~做左食比我。有心機啦我都無叫佢咁做。味道正常野蟹子沙律~爽呀但蟹柳仲係冰😵燒厚豆腐~好多汁好香噴好送酒牛舌~無特別大板風雞肉棒~正常野好食雞皮~夠脆身啦。又係送酒野雞腎~呢個唔錯😏鹽香夠又爽彈呢陣600蚊個頭啦貴唔貴就好個人冇服務但有招呼人情味香港無咩嫁啦老闆好似都幾鍾意飲酒可以吹下

被喻為「澳牛版居酒屋」嘅「言居酒屋」同樣係佐敦😛，門面細細一間，入面木系裝潢陳設好似去咗舊日本風格嘅居酒屋，供應刺身、壽司、燒物、主食等。當晚walk in去到咁啱仲有位，安排坐係Bar檯位置🍶。老闆放低餐單就入返廚房做嘢，茶水就需要去自助吧拎。網上有好多食評批評服務差，Apple Daily都有訪問過老闆，指佢哋注重食物質素，盡力提供最好食物比客人。其實全晚都淨係見到兩個人負責所有廚師同樓面工作🤭，分身不暇同無服務都明白嘅。落單要等一段較長時間先有得食，呢個時候坐Bar檯好處就發揮啦，就係可以睇住廚師烹調。不過呢到無時限唔洗趕住埋單，想坐耐啲傾計食嘢都OK🆗，算係一間有性格嘅小店，都有唔少熟客，光顧與否就要自己考量一下啦~————————————————👅季節海膽壽司 ($150)👍🏻 一片海膽就足以覆蓋一件壽司就知有幾大片，海膽呈蛋黃般鮮黃色，鮮味濃郁冇腥味，口感入口即化👅三文魚壽司 ($40/2)👍🏻三文魚刺身比平時大件，大到遮住咗壽司飯，三文魚紋理清晰且色澤鮮明，味道亦都唔錯👅牡丹蝦壽司 ($140)👍🏻 見到蝦眼圓潤閃亮就知新鮮，上埋蝦頭證明係原隻刺身，蝦肉鮮美綿滑，的確幾令

在佐敦長樂街的深深處，有一間小小的居酒屋。門面非常不起眼，行過了兩次才找到。 拉開趟門，木板裝潢加上這個吧枱，像進入了隨意門，來到日本的酒居屋似的。餐廳枱不多，只有數張枱，建議先book枱。我倆没book位，幸好來得早，才趕及最後一張walk-in。因没有時限，不能保證要等多久。其後進來的walk-in客，老闆也只能婉拒。 除了燒物，還有刺身、飯麵等。但不是每樣都天天供應，落單時要問清楚。由左至右：紫蘇梅醬免治雞肉串 $60燒豬面肉柚子胡椒風 $60 / 雞皮串 $38見到老闆默默燒，當然自選串燒～與一般的紫蘇葉串燒不同，這裏選擇燒好後才放上鮮紫蘇葉，讓紫蘇味更新鮮更突出。豬面肉外脆內嫩，配上柚子胡椒更惹味。左：清酒燒廣島蠔 $75雞中翼串 $68廣島蠔的清酒味超香濃，一上枱便聞到清酒香氣。 廣島蠔脹卜卜的、很新鮮，配上清酒燒，鮮味更出色。年糕豚肉卷串 $60年糕燒得焦香、煙韌，一點也不黏牙。薄薄的豚肉夠香口，兩者配合得天衣無縫。看到不少食評批評服務態度不周，我在此也畀畀意見吧。小店只得老闆一個一腳踢，跟友人order不多，以喝酒談天為主，没有被埋單的壓力。老闆態度雖Cool了點，但跟

今晚6：30左右同女友兩個人去食晚飯，但係一餐非常勞氣嘅晚餐。問題有以下：1. 坐低之後，張張枱都有碟，係我地呢張得 筷子同紙巾。 水又要自助但又唔事先講，要我哋自己睇隔離枱先知。2. 店員事先冇提示， 但落單嘅時候先講咩都冇， 冇飯、 冇玉子、 拉麵得一款。 但明明只係晚市啱啱開始。 唔好意思都唔講聲，就話呢樣冇嗰樣冇。3. 全程態度好差兼黑面，全間舖得一個人， 咩服務都冇。4. 我哋叫咗串燒牛舌， 每串有兩塊， 但之後發現openrice早兩個星期啲post，每串有三塊， 唔知係佢今晚牛舌唔夠定加咗價。5. 收錢時冇單，要對番個menu先知收幾多錢。6. 雖然佢得一個人，但今晚入到去只有三枱坐左係到，只係得七個人。 樓面唔夠人，你做到踢曬腳，係你嘅選擇唔請多d人，但你冇理由將情緒，發洩喺客人身上。奉勸其他以後想去嘅朋友，如果你想好谷氣嘅就無任歡迎。我地就絕對冇下次！服務業最緊要係態度同品質， 無論你幾黃都好，都唔應該支持；客人畀錢唔係大曬，但冇理由要客人畀錢買難受。

呢度啲魚生飯好好味！尤其係葱碎呑拿魚腩飯真係比起好多大型嘅日本餐廳好味好多價錢都平好多碗飯有好多好多吞拿魚腩食到好飽🤰同埋啲wasabi 都好味Lunch 個餐有麵豉湯同沙律再加埋個飯，都唔使$100喺言隔離幾逸東food court都有一檔魚生飯，但係我覺得言好味好多可能近排生意少，所以午市只係見到一個哥哥打晒全場，可能有時要等一陣先落到單有啲人就會覺得service 差啲，同埋哥哥係一個直啲嘅人可能有啲人會覺得佢態度唔好但係我食過好多次，其實我又覺得ok 澳牛啲人都成日鬧人啦，啲人又繼續食同埋雖然佢得一個人，但係都唔駛等好耐最後最後，最緊要都係大家都係同路人✋🏻👆🏻

Honestly, the contradiction is huge between service and food. Seems only one waiter (he is also the chef), totally one-man band. He is too busy and not too zealous. They even didn’t serve tea/water, for water, you can pour yourself. No music, a bit quiet and weird. But the food was nice, tuna don and beef udon quite a good portion. The yakitoui was not bad, one order is a pair of two.

歡迎分享轉載版主日日黃店之 - 今天奇遇記話說今日約左位船P識嘅朋友一起食lunch，咁就去左間黃店居酒屋度食啦你老x呢。。。呢餐飯就經典喇‼️用盡我畢生嘅修為才忍住冇x佢/黑面，仲要笑住對佢全皆因為是黃店先咁比面未試過極品同終極脾氣忍受挑戰嘅前線手足可以去試下，唔該唔好拎架餐去，我怕大家想私了佢😠記得啤酒都唔好嗌，爆樽就無謂啦‼️考下大家，以下邊樣服務是一項正面嘅服務😂冇招呼冇安排冇位揀冇笑容冇禮貌冇水飲冇碟仔冇介紹冇覆單冇紙巾冇碌卡冇服務冇加一冇唔該冇多謝比錢都要自己行到店最入面搵佢埋單😂😂😂一絕‼️有下次我切個頭出來當櫈仔坐‼️

辛苦左一個星期，星期六夜晚梗係食好啲同埋玩夜啲啦，去咗呢間都算隱世嘅小店居酒屋。細細間，啱晒同朋友傾計，唔怕太嘈。因為揸車嘅關係，所以冇叫酒嚟飲。醬油湯底叉燒拉麵先飲一啖湯，湯底鮮甜，好香醬油味。叉燒都好好味，入口即溶。而麵嘅質地都好煙韌，軟硬度適中。吉列豬扒日式咖喱飯豬扒炸嘅程度啱啱好，而且豬扒唔會太乾或者太硬，有少少脂肪，所以整體好好味。咖喱都好香濃，入面有好多蘑菇，有少少甜，蘸吉列豬扒一齊食係perfect match。燒墨魚餅塊皮烤到脆脆地，香噴噴。第一舊食覺得好香墨魚味，亦都好彈牙。朋友同我講上面有啲薑蓉，夾埋一齊食會將成個鮮味提升。當我再食嘅時候，就加咗啲薑蓉，味道真係唔同，墨魚嘅鮮味立即大大提升，好有驚喜！年糕豚肉串燒豚肉又係烤到有啲脆脆，薄薄嘅一片豚肉包著煙韌嘅年糕，又係意想不到嘅好味，因為年糕真係特別煙韌，豚肉嘅陪襯令到年糕唔會太膩。海蝦天婦羅天婦羅水準唔錯，炸粉唔會過厚，份量都唔少，啱晒送酒。如果想搵個地方同朋友飲下酒傾吓計，呢度就啱晒啦。

傍晚七點嚟到門口，當時六張卡檯裡面只有兩張檯有客，另外bar檯右邊三張椅有1人同埋左邊五張椅有2人，我地2人行入店裡面，因為拎住個大袋想話搵張卡檯坐，店員立即嗌我地要坐bar檯，話嗰啲卡檯有人留咗，算，咁坐低bar檯啦，店員放低menu，之後就冇理過我地，水都冇杯(有後話)。我地嗌咗一個拉麵一個烏冬一個枝豆，上菜時只係擺低咩都唔講，以日本餐廳嚟講都算冇禮貌。講返食物，拉麵同烏冬都普通，只能話係夠熱係優點咁囉。枝豆算係三樣嘢食裡面最好味。用咗半個鐘頭左右多啲食完，諗住埋單，因為我未提款諗住俾信用卡，入店之前都有check過openrice係可以俾信用卡，點知店員答話只收現金，我明明就睇到部信用卡嚮側邊，佢連解釋老作話壞機都費事係咁黑面，真係態度差到呢。未夠八點就離開餐廳，店員口中所講有人留咗嘅卡檯只係嚟咗兩張，其實係咪真係有人留咗定唔想做生意真係佢自己先知。到埋單時先見到係自助攞水，自助攞水冇問題，我坐低時你可以講聲，同埋上菜時講聲請慢用之類其實好易者，點解連咁基本禮貌都冇，真係超趕客。好後悔冇睇食評就入咗呢間餐廳，希望唔好再有人受氣啦!