影片
今日一行三人经朋友介绍下黎到大角咀试下一间小店，由于平日放工时间，所以人流唔算多，正因为咁所以唔使等就有位。一入到店里，面积真系唔大，一眼睇晒就只有16个位，果真系一间名乎其实既小店。坐低睇下Menu，发觉野食选择唔算多，但系都可以满足我地3个唔同口味既人既需要。最后，我地叫左一个汉堡包、一个意大利饭、一份猪肋骨，三样野都系跟餐，所以有沙律、薯条仲有野饮，另外亦都再叫左4只鸡翼。首先黎既系薯条，本身谂住呢D跟餐既配菜多数都系同个主食摆埋一齐送埋黎，但系点知佢一黎到佢既卖相已经好吸引，佢一个器皿已经可以装到薯条同埋两款酱，真系好方便! 一放到我已经引唔住即刻拎一条黎试下，真系好新鲜，薯条系内脆外软，而佢比既两款酱，除左茄酱之外，另一款就好似沙酱咁，同薯条又估唔到咁夹㖞!之后再黎就系沙律，细细杯咁但系份量并无想像中咁细，配埋佢比既醋，真系好好味，好醒胃!之后鸡翼亦都送上，佢既卖相正正常常，无咩特别花巧，但一食之下估唔到好入味，烤得恰到好处，食完一只已经引唔住想再食多一只。最后终于到主食啦，先讲汉堡包，卖相无咩特别，同出面食既都系好接近。一咬之下发觉面包较正常硬，谂住唔系整衰左麻，再问一问原来个面包系麦包黎，所以会较正常面包硬，但系相对就会健康D，咁样都几好可以减低一下我既罪疚感。继续食落去，最主要既牛肉质感嫩滑，又有肉汁，加上佢中间有芝士不断流出，真系好Juicy好正。之后睇番原来佢个牛肉系连埋燕麦一齐打，咁样又再健康D，真系越食越少罪疚感，哈哈!到个意大利饭，送到上黎感觉好细碟，对于一个大男孩一睇就觉得唔会食得饱。不过唔紧要，始于都系味道行先，先试D饭，好味! 好岩自己，因为平时D意大利饭成日都整得好硬，但呢度就相对软绵D，较易入口，而配上茄汁亦非常配。而主角大啡菇绝对系喜出望外之选，放入口竟然有种溶化既感觉，真系好鬼正，下次黎一定要encore。其实食到呢度都已经开始有D饱，最后黎埋个猪肋骨，真系有D顶唔住，不过都尽力食左几条骨。呢款猪肋骨配以香橙黎烤，有别于平时食既味道，充满新鲜感，但系可能就会唔系好食得惯，但系份量就十足，绝对系一个正常男人都食饱有余!另外，饮品叫左一杯冰果菜，原来佢将几款生果放埋一齐然后将佢地制成冰，然后放入杯茶度，慢慢等D冰溶生果味就会涌出黎，饮落都几Fresh，算系又靓又好饮!
继续阅读
走进大全街，原本想试另一小店，但被呢间《黄色小货柜》吸引住。加上谂住品尝饭前小食，非主餐，所以拣了它。店内座位不多，20个以内，木椅木桌，带点古旧风，但椅子颇细小，坐得不太舒服！点了焗肉酱意粉配香烤蜜糖鸡翼，最爱这些迷你餐具，带点户外风～肉酱意粉，味道甜酸洽宜；鸡翼沾上蜜糖烤焗，香味无穷，而且有3只。点了冻柠蜜，解渴也～尚有其他汉堡餐、沙律餐、小食等供应。小窝心推介：呢间小店没有加一服务费，值得支持！
继续阅读
昨天去了一间很好的餐厅，位于大角咀大全街13号大同新邨大有楼地下的CORNER 32(角落三二)。店子小小的，但格局精致，我们近最接近门口的位置，落地玻璃窗看著外面下著大雨，好有情调。我们点了：炸篮（鸡翼，洋葱圈，大啡菇，脆薯条，鱼柳），角落芝心燕麦汉堡配薯条及田园沙津，香烤蜜糖鸡中翼及心太软配雪糕，和百花养生茶及青柠梳打特饮。炸篮（鸡翼，洋葱圈，大啡菇，脆薯条，鱼柳），卖相实在好精致，四个小炸篮，跟四款不同的酱料点食，可以有不同的味觉配搭，可以有很多变化。角落芝心燕麦汉堡配薯条及田园沙津，一座汉堡城堡，好高耸啊，当中还跟了薯条及田园沙律，份量好足料，最好与朋友分享。香烤蜜糖鸡中翼，烤得皮好香脆，有蜜糖香味，内心不禁亨著，烧鸡翼，我钟意食。心太软配雪糕，蛋糕够热，够流心，配雪糕，一冷一热，好正啊百花养生茶好足够，当中有康仙花，金边玫瑰，千日红，红枣，圆肉等，好足料啊总结：CORNER 32是在闹市中，一间有格调的小餐厅，感觉不随波逐流，都几型，而且食物味道亦好，份量足，价钱亦算公道，值推介之选。
继续阅读
偶然系网上见到推介，专程到好少去的大角咀试新野见到好多人试呢两款主菜，所以都跟住试下猪脾仔配蕃茄意大利饭，猪脾仔好够淋，蕃茄意大利饭都好惹味呢款都好食，不过意粉偏辣，要慎选😂座位大概只有10几个，饭市时间可能要预左排队😓
继续阅读
大角咀是一个新旧交集的地区，旧式唐楼旁边却是新型豪宅，既有一群消费能力较高的中产，老区租金比大商场相对便宜，吸引了不少创业者来这里小试牛刀，因此造就了各种不同的小店隐身于这个老区的角落。朋友就介绍我来到于大同新邨附近的角落 三二 Corner 32，以实惠价钱就可享受高质西餐！位置确实有点隐蔽，不太易找，而且店面相当迷你，里面座位不过二十个，真是名副其实的「小」店。面积不大，坐得有点挤拥，不过气氛安静闲适，很适合两口子来撑枱脚。晚餐选择不算很多，不过连晚餐时段都不收加一，收费公道，份量又足，价钱相对贴地。冷泡黑醋原个温室蕃茄 (去皮) $25冰冻酸甜的冷泡温室蕃茄最适合作为清爽开胃的前菜，加上醋香扑鼻的黑醋，食材低脂低卡，营养丰富，将炎热带来的闷气一扫而空。点了两个set dinner 附送两杯餐饮，选了冻柠茶及热柠水。香橙烧汁烤猪肋骨配脆薯条及黑醋沙律 $148平时食猪肋骨大多是配上浓味的烧烤酱，但这次的香橙烧汁味道独特，于惹味香甜的烧汁弥漫著清新微酸的果香。因为应该是煎完再焗的，所以猪肋骨的表面不会过焦，肉质松软，不会过韧。选这个餐还会配上我最爱的脆薯条，厚切薯条连着薯皮炸得金黄，随意点上茄汁或酸忌廉，口感外脆内软，邪恶又美味，完全吃到停不了口！普罗旺斯慢煮猪脾仔配蕃茄酿意大利饭及焗香蒜 $128当日很不幸地这碟漏单了，结果等了好久，不过迟到好过无到...将原个蕃茄包住意大利饭，溢出流心的天然蕃茄汁，risotto 煮得略嫌有点太硬身，入口就不够烟韧。将锡纸卷著猪脾仔的寸骨，即使用手吃也不怕会吃得很狼狈，肉质滑嫩，配合蕃茄汁相当醒胃。流心焦糖朱古力心太软伴云呢拿雪糕 $48心太软向来是我的至爱，即使今次内馅换成本身偏甜的焦糖酱，但甜度尚算适中，不会过腻。切下脆脆的表层就会缓缓地流出香浓的焦糖酱溶浆，不会变成固体，结合微温的朱古力蛋糕，伴雪糕吃，一冷一热，就是最高享受。
继续阅读