影片
平时同男朋友都系喺铜锣湾饮饮食食多，食到闷闷地谂住去大坑睇吓有乜食，之后上网揾到呢间日本居酒屋，环境好似唔错，仲有好多好评，所以就专登去试一试，点知⋯⋯⋯真系10万个失望⋯令我地第一次咁有恒心，一定要开个account 写劣评。希望大家唔好再中伏。晚上7点左右，正值晚饭繁忙时间，我们一到达门口，见到环境确实几似日本居酒屋，1秒都冇考虑就入去坐低。餐厅内只有一枱食客2个人，可见非常清幽！总共有三个职员，两个在厨房内，一个女侍应。首先服务员不能说的服务态度差，因为他们跟本没有提供任何服务。坐下就自己照顾自己，餐牌上其实食物选择不算多，如果晚餐来的话，一定要order 大白饭。我们order 了三文鱼、帆立贝刺生，海鳗、虾天妇罗，龙虾沙律，芥末烧蚝，牛之锅加2杯生啤。帆立贝刺生可见职员刀法高明，感觉有点像一粒开4片，三文鱼就不是很薄，但感觉不太新鲜，天妇罗以炸粉为主，口感很差，龙虾沙律的份量，真的奇少，牛之锅汤底极咸，芥末烧蚝是全晚觉得味道不错的唯一。结帐总数七百蚊左右。成个晚饭时间不足45分钟，我哋就速速离开，出到门口男朋友就主动建议去食多碗云吞面或鱼蛋粉。因为这一餐味道一般而份量更极为少。总结几句，环境不错，没有服务态度，食物味道不佳，份量少！真心觉得浪费左餐厅的环境，希望老板多多改善，不过我俩都决定永久不会再光顾！
继续阅读
早几日入咗大坑入面揾食行下行下见到有一间好隐蔽嘅日本餐厅我地两个人见入面冇乜人，就行咗入去试下！ 𠮶阵我地都仲未知原来呢一间餐厅叫做角打屋台入到去睇餐牌嘅时候，我哋叫咗一个角切鱼生饭，同埋一个鳗鱼饭 跟餐仲包前菜，面豉汤，同埋一包韩式料理饮品！ 系有啲奇怪嘅😂😂😂日本料理餐厅饮韩式料理饮品？不过饮落都唔错呀！呢度上菜嘅时候，系成个餐甘上既！所以你个主菜上嘅时候，会连汤，前菜同埋饮品一齐上 前菜方面呢，茄子就咸咗D,莲藕okay 几脆几爽！个人认为鳗鱼饭咸左D原因系佢到倒得太多鳗鱼汁落去！建议大家如果下次想食鳗鱼饭嘅时候，不妨叫店员将鳗鱼汁另上,咁样就唔会令个饭太咸，以致食到最尾嘅时候唔想食啦！而个鱼生饭，就系普通鱼生饭😅😅😅鱼生唔可以话特别好食特别新鲜中中等等既质素！但系如果想喺午餐嘅时候，平平哋食个鱼生饭，呢个都系一个好选择黎嘅😀返到屋企打食评嘅时候，我就想openrice睇下呢间餐厅嘅资料！但系见到大家写嘅食评全部都系晚餐， 所以就写左呢一篇午餐嘅食评比大家参考下啦😉 总括嚟讲呢间餐厅都可以去试下嘅价钱唔贵，而且午市嘅时候无咩人！所以想同朋友好好地咁倾下计，呢度都系一个几好嘅选择嚟嘅
继续阅读
香港食店难做，铺租贵，人工又贵，键盘战士写个食评，比个劣，更雪上加霜。所以冇咩必要，最多比ok，唔忍心比劣，因为可能就系你比一个劣，搅到人执粒但每一碟都咁难食，我又好难再鼓励更多人去中伏。唔明点解，装修有气氛，服务又有礼貌的小店，可以整到每碟都below average虽然未至于要食左落口要吐返出黎，免强都吞到入口嘅刺身直头系差过元绿嘅质素，我食三款刺身，海胆，火炙左口鱼，吞拿鱼他他，三款都系侍应推介话系即日返的，最新鲜的，但3款都中哂伏，最怕浪费食物的我，都真系食唔哂咁侍应话佢地最出名系天妇罗，食完刺身，谂住可能真系间餐厅主力做天妇罗，所以刺身咁差。都信下侍应，再叫天妇罗啦！唉，d油究竟几耐冇换呀？希望店主睇到可以真正谂下点样改善啦！
继续阅读
有个旧同事介绍食呢间日本野，佢话几抵同唔算太多人，坐得几舒服。于是放工就一于同个friend去试下! 间铺系大坑一个都几入嘅位置...都揾左阵...不过一见到间铺，系真系几有feel，几有日本个d居酒屋嘅感觉入面嘅装潢都好正，挂哂d日文食物牌系度，又有d 日本装饰，灯笼啊...真系好有日本feel张餐纸都系手写再影印，虽然冇食物图，但我真心觉得好有style，i like it 佢地仲有extra既餐牌，不过就要直接同职员落单。一黎点番个刺身食下先~点左个三样刺身都好鲜，好味之后就到呢个关东煮，食左两旧先记得影相haha 我觉得呢个真系好味，好入味，正泡菜豚肉锅，冇谂过泡菜同豚肉可以咁夹，最后所有泡菜，豚肉连汤都清晒wa呢个角打炸鸡真系正，佢d炸粉啱啱好，件鸡劲有肉，一咬个下d肉汁出晒黎! 一定要趁热食最后到呢个烧牛柳同杂菇，烧左两转牛，第一转系因为自己烧耐左，所以干干地。第二转就烧左短d时间，有番多少少肉汁。其实个牛柳还好，但d肉唔算好嫩滑。不过如果我下次再黎，会试个牛肋肉，闻到隔离枱好似几香其实大坑都真系几多好野食，等我以后都多d黎大坑食先
继续阅读
早几天经过时得知Mr. Wally会在星期日晚于餐厅表演。曾在旺角见过他表演觉得很有活力，所以都心思思想去。与男朋友商量后，把原本的计划一改，将晚上腾出便立即订位！场内座无虚席，幸好有订位！首先要赞赞服务，虽然侍应们忙得不可开交，但仍然保持速度准确度及笑容，好难得！食物本身已不错，加上欢乐的歌声，整个氛围变得和谐温暖。因为太投入歌声中，不是每样食物都有拍照。。。首轮叫了枝豆、松叶蟹爪及啤酒。枝豆一碗18元，价位很好。松叶蟹爪甜。两款小食加上味道较淡的冲绳生啤，很配。次轮点了间八刺身，一板海胆及烧薄豚。间八即𫠒红鱼，较为淡味的鱼，不过不失。海胆亦算中上，甜但没有惊喜。烧薄豚超值，味道很好，没记错的话都只是88元，有9-10块，下次再来会encore！烧肉时火燄很猛，试过喷到4、5寸高，大家小心点啊！尾轮是关东煮及天妇罗乌冬锅！因为关东煮是我十级想食的，当侍应告知我售罄时，真的眼泪都要掉下。过了一会儿后，侍应竟然盘上一碗关东煮！！！原来是厨房特别做出来的，当即很感动啊！不过事后想了一想，还是算吧，开心就好！ 味道不错。有时食关东煮并不是因为它的味道而是那一份感觉。忘了为天妇罗锅拍照。。。有特别教学提示食物下锅的先后次序，不过我们都是乱来一通，仍然非常美味！食物加上歌者的音乐及与食客的互动，给了我们非常难忘的一晚！可以的话，我会给10个美味样！
继续阅读