影片
以上资料只供参考，请与餐厅确认详情
食记 (40)
夜晚9点左右黎食，以往都帮衬过几次，外卖开中式甜品觉得正常。首先，入到店面 呢度好细，冷气完全冇开咁滞，因为冇门 所以feel到热风不断往店内涌入。30度嘅天气我keep住食都出汗。环境差评。试咗一个亮晶晶$43😰都唔平架 以呢啲小店，冇环境冇摆设都几贵。黎到就系云尼拿雪糕上面有啲碎冰，椰汁垫底，三种唔同size嘅小丸子/明珠/西米。以白色为主。可以话系除咗球普通雪糕有d甜，其他完全冇味道😅甜品又唔冻。小丸子冇味但好烟韧。椰汁都系唔甜，好失望。可以话系$40几蚊食垃圾咁，唔明质素咁差嘅甜品店系如何屹立不倒几十年。重点黎啦，食𠮶阵我左手面有只小强系墙面爬行。😱我加紧速度快手食完，只想逃离小强同尽快返屋企凉冷气。俾钱嘅时候，我叫女侍应。系我脚下有只5cm长系街边常见嘅大强。🪳差啲尖叫，女侍应过黎打算踩死佢，咁大强受惊直接往厨房跑去。题外话，食紧嘅15分钟keep住有客人黎，以外卖为主，都有三百几蚊生意。我谂呢度都系靠熟客维持生意。而且女侍应有问客人冷气冻唔冻，客人大声答：「唔冻」应该唔会有下次。总结：又热又多小强，甜品唔好食唔甜唔冻，雪糕系普通雀巢𠮶种，建议快逃！！
继续阅读
冯星期六都一定会买热咋喳，有时会加糖不甩。因为实太好食！冻既有香蕉船，紫米露，西式雪糕甜品每次买，老板娘可能应得我，每次都会送多碗汤水比我！平时都好多人帮衬，就算几多人等，啲人都唔会走，特别系过时过节，一到夜晚就好多人排队。除咗好食之外，更重要嘅系佢哋好有人情味！记得第一次买热咋喳，老板娘出嚟同我讲，一碗热，一碗冻，咋喳一定要食热，叫我返去试吓食热咋喳，保证我以后都会买热咋喳。就系因为佢俾咗选择我，我以后都系咁买热咋喳，唔会再买冻咋喳。虽然我搬走了黄大仙，但每冯星期六都会帮衬！支持小店！♥️♥️♥️♥️♥️😃😃😃😃
继续阅读
人情味糖水舖有传统糖水足料健康十足十足妈妈以前煲糖水亦有新式糖水一家亲，多芒，游船河全部都好食夏天必食老板娘好nice系呢个苦闷嘅生活一碗糖水安慰心灵望住街嘅风景好舒服Foodpanda 左咁耐都系第一次咁认真评论饭后一直都缺乏一杯糖水终结一日嘅好生活有一日揾到呢间亲亲糖水舖价钱合理轮候的地方十分合理老板娘亲切服务态度真系十分好灵芝茶叶蛋十分入味好似有独家秘方烧卖可口成功慰籍左我一晚空虚嘅心灵诚心推荐
继续阅读
黄大仙区冇咩边间糖水舖好食，而「亲亲」算系区内几好食，咁多年都屹立不倒嘅糖水舖，小妹在读书时期成日放学打完波都会同波友一齐黎「亲亲」食糖水～😏毕业好几年之后再返黎食，由短头发留长头发，老板娘竟然仲认得我😂😂，仲记得我食多芒小丸子一定要走明珠。虽然区内大部分都系做街坊生意，不过记得食客嘅店舖真系少之又少，仲要相隔咁多年都仲有印象，感觉好有人情味～☺️花生汤圆（$28）一碗有六粒汤圆，仲会附送一件蕃薯🍠，姜汤好姜！姜得黎唔会好辣，系小妹最欣赏嘅！❤️汤圆即叫即包，即叫即整，保证新鲜！汤圆皮算系几烟韧，花生馅系自家制，都几香口，有啲人会追求流心馅，不过我就觉得唔流心有唔流心好，咁就唔会觉得油。整体来说，「亲亲」嘅价钱都算合理，糖水在区内来说都算有质素，值得一试！😏
继续阅读
放工想食下甜品，就约埋屋企人嚟到呢一间甜品舖食甜品啦，因为都就快食晚餐所以就谂住三个人share。身为芒果控，所以就叫左一两个芒果甜品，但系好失望呀。。。首先芒果甜品食得出系用新鲜嘅芒果，我觉得好似系芒果酱汁+芒果蓉😭😭😭，好浓嘅糖浆味。至于谂住叫呢个由一堆生果既甜品应该都唔伏，但系点知都系中伏。佢嘅生果好唔新鲜，蜜瓜食落口系有心奇怪嘅味道，好似坏咗嘅感觉，价钱仲要唔平㗎，CP值好抵糖不甩系唯一正常嘅甜品。仲要提一提佢嘅用餐环境真系好差，因为佢隔离系一间蔬菜舖，间蔬菜铺长期都开着大喇叭做广播，所以成个甜品舖都系劲嘈
继续阅读