影片
以上资料只供参考，请与餐厅确认详情
近排发现屋企附近开咗间外卖西餐，好奇心驱使下试左几次，觉得味道唔错，而且性价比极高，所以决定写食评赞下佢。今日叫左是日晚餐罗勒蕃茄天使面伴活蚬同焗黑椒猪扒饭，我系预早半个钟WhatsApp向老板落单，因为呢间个老板系即叫即做，去到攞嘅时候见到老板仲炒紧我果兜意粉，好够镬气！热辣辣上碟，攞到番屋企就岩岩好。😋个天使面调味调得好好，最劲系啲蚬一粒沙都无，而且好鲜甜，食得出系新鲜嘅蚬。焗猪扒饭都好好食，个饭系炒底，猪扒虽然落过松肉粉，但胜在唔会落过龙，都仲食到阵肉味，而且食落松软，非常好食。😋是日晚餐两样野加埋先$115，仲要包埋野饮，呢个价钱有呢个质素真系好抵玩，我最推荐嘅仲有泰国冬荫公大虾意粉，水牛城鸡翼同埋芝麻蜜烤鸡髀配胡麻青沙律菜。
继续阅读
晚饭外卖自取-蒜蓉汁够味不会死咸，西冷软熟，薯条冻了，餐汤系洋葱汤可以。$60咁嘅价钱去边度揾，性价比高！叫的小食无了，改牛肉丸番茄汁。个汁好正，唔只得番茄仲有洋葱碎红椒等煮到好香，再加上有淡淡芝士味。配埋个牛肉丸食，无得输！下午茶餐卖到8点都有，你仲想点？？？！？无影相因为无想过会写食评，但食完觉得系值得推介俾大家！支持下小店，行远少少都值得
继续阅读
我第一次写食评 食左几个月忍不住俾个好评因为系餐厅楼上番工佢开左之后我地几个同事基本上每星期起码食三次希望老板长做长有🥰减肥既日子都可以食佢个鸡脾配沙律真系好好食面餐26蚊 荔枝角真系无好食 价钱佛心 推介♥️
继续阅读
如果经过荔枝角，又唔想煮饭，可以试一试这里的一家外卖店——西餐佬！位于荔枝角的这家餐厅，有著丰富多样的菜式和快速的上菜速度，叫外卖都只是几分钟。泰国冬荫公大虾意粉，$60。这道意粉不仅面条Q弹有嚼劲，虾子的鲜美也让人惊艳。大大粒大虾再加上泰式特有的香辣口感，入口爽脆弹牙，让您的味蕾受到冲击，喜欢吃辣的话可以试一试。美式酱烧猪仔骨饭配烧汁，$55。这道猪肉口感非常嫩滑，两大只烧猪仔骨！肉质嫩滑，加上烧汁的香气和醇厚口感，绝对能让您的味蕾享受到不一样的美味滋味。配饭吃一流！推荐特选纽西兰西冷牛扒饭，价格只需$56。这道牛排的肉质非常细嫩，每一口都能感受到肉汁的爆发，再加上丰富的配料，让您的味蕾得到了充分的满足。份量也很充足，一个发两个女士吃也可以。总体而言，西餐佬是非常值得一试的外卖店。他们的菜式非常丰富，而且食材质量非常高，不想煮饭的话，这里是你的不二之选。西餐佬 (荔枝角)荔枝角长沙湾道883号亿利工业中心地下1C号舖#西餐佬 #荔枝角 #食评 #食物摄影 #美食 #foodie #foodporn #foodphotography #foodstagram #foodblogger #foodlover #foodgasm #foodpics #foodgram #instafood #foodblog #yummy #delicious #hkfoodie #hkfoodblogger #hkfoodporn #hkfoodlover #hkfoodstagram #hkfoodpics #hkfoodgram #foodreview #hkrestaurant
继续阅读
呢间西餐佬睇间店外表真系唔吸引，但当试过一次之后真心觉得佢系良心小店，我自己已经帮衬过几次，次次都交出左比佢价钱之上既水准，猪牛鸡同虾既主菜水准都差唔多，视乎你钟意食咩，从来未试过open rice出po，今次真系要大力支持下，老板一个又煮又收钱但野食仍然keep到水准，咁既价钱咁既水准香港真系买弓小见小，希望大家都可以帮衬下佢，包你唔会失望，我自己比较推介佢既大虾意粉，牛扒同猪仔髀，真心想佢长做长有！
继续阅读