西贡金鸡海南鸡

营业中

休息中

有日7:15pm去到有个呀姐问我地要咩我就系门口叫入去要一只鸡跟住另一个呀姐就话无呀 卖晒我心念下 7:15咋哦另一个姐即刻话有哦 点解无 就叫反佢坐低食饭再叫我哋走我地已经条气唔顺 唯有去附近买嘢食拎完外卖再返返去呢间舖门口见到好多人等外卖原来头先7:15你食饭 你食饭出唔到餐咪问我可唔可以等阵罗 话你食紧饭罗 一个呀问我要咩另一个扎马尾呀婶就格格衰衰咁唔做生意叫个客走真系超嬲仲要反转头见到原来仲有鸡卖😡啲服务可以再差啲

西贡有条泰国街，入面有好多小店，价廉物美，如果黎西贡想食平啲，绝对可以入嚟搵嘢食。门口有黄秋生同老细合照，应该都唔差得去边。入去去，地方好细，冇装修，五张枱，一眼睇哂，因为防疫条件，感觉好逼。叫左两个饭，一个小食海南鸡饭完全冇其他配菜，简单海南鸡加一碗饭，青瓜片都冇，但不得不赞，鸡好滑好嫩，我成碟食哂。猪蹄饭猪蹄味好浓郁，个汁好好味，配饭一流，同样地又系食晒成个饭。冇乜特别添加，就系简单主题加饭。鱼饼冇乜特别，好细块，多油，最好食系个汁。後记，其实全场五张枱，3点几入座，都全班爆面。另外，好多西贡人黎门口叫外卖，可见西贡坨地人最爱，绝对有佢价值。好味的海南滑鸡🐔

落单确认左都错 要白饭比油饭 要冻饮比热饮 d猪颈肉油浸宿味 海南鸡卖相差到 d鸡又薄 d杯又污糟 d卫生差到不得了 d手指插晒落碗饭度唔建议大家食呢一间海南鸡 价钱仲要唔平。。。

假期星期六来西贡午餐，之前已经到过九龙城店，放假来西贡晒下太阳，就顺便来试下。点了4人餐（一只海南鸡，一只猪手，一碟菜，四碗汤、四碗鸡油饭，四杯饮品）。味道几好，份量也多，唯一便是小店太细，九龙城店坐得比较舒服点。

买两三次都有个汤 会再加野饮叫左麻辣鸡 问佢攞个甜酱油（佢本身无配）个姐姐话要收我额外$5 我攞走，汤又无比 汽水要额外收我钱打去问先知 原来一系送汤 一系送野饮 但佢地野饮又要+收我$6 又无比汤我 再者又话个汤系free 叫我返去攞 lunch时间系得咁多 我就无返去攞返个汤 收费不明不白 无啦啦酱要收$5 坐低食要酱就唔洗钱 唔知佢乜野做法 我之前买要酱就唔洗钱嘅 净系要个甜酱油 都系唔洗嘅 但个姐姐就话麻辣鸡 唔可以比其他酱我 所以收钱 但系我就之前系一直都可以 同埋坐低食就唔收钱 唔明佢要收外卖酱油钱嘅道理系边态度差🥲

西贡名物了印象中应该有其他分店不过唔知点解总有一个想法总店往往会比较好味唔知大家有冇类似想法同朋友叫咗个2人set200有找半只鸡（去骨），猪俾，菜&两杯嘢饮都叫好低食海南鸡好滑鸡肉与鸡皮中间不乏夹着一层jelly猜测是油脂与肉汁的结合物吧好有趣的口感滑嫩有鸡味三色酱一人一碟自己就最爱最爱黑酱油甜咸甜咸，不得了猪脚的话可能自己啱运动完觉得有一点点的过於肥腻但骨胶原十足呢总的来说抵食又稳阵，唔多人排队嘅话绝对可以试试

终於试咗呢间好多人推介嘅金鸡啦😚整体唔错，海南鸡有骨，但肉质咬口不错，😊但系呢就饭就小小偏油，而价钱小贵温馨提醒：推介比细食既女仔，可以一试食评：⭐️⭐️⭐️⭐️回头👍👍

16/6 叫左个大鸡饭，因为饭到时我见啲鸡有啲少，所以问佢系咪大鸡饭个阿姐态度劲衰应话:大鸡饭咪姐系中鸡饭唔系你想点吖？我应:但个餐牌明明有中鸡饭我话:我叫大鸡饭喎个阿姐应: 我点知吖，我打工，又唔系我改名(态度好衰)我话:你态度唔好喎阿姐:我态度有咩唔好，你想我点应你以後不会再食😡

今日一试,叫了一个孖宝同加一碗鸡油饭，食落同九龙城分店水准都差唔多，鸡都好滑，唯独是个元蹄比九龙城分店细咗一个码有多，价钱适中，海南鸡去骨也很清,不像之前试有些食店去骨都很求其,鸡油饭都很浓鸡味，只昰饭顔色没有九龙城分店咁金黄，元蹄的味道也保持到水准,荃湾分店员工和九龙城也差不多,去买食物时员工都没有额外介绍店里其他食物,都系一问一答,我买的是外卖，包装也得也很稳阵,酱料也齐,冇咩甩漏，不太高要求可以一试。

今天来到朋友介绍的街坊小店{西贡金鸡海南鸡}吃海南鸡饭！先在门外看了看餐牌，这里的菜式选项其实不多，我想来这里堂食的客人大多都是选择它最着名的海南鸡饭或是猪颈肉饭吧，所以我也不例外，只是在选择大鸡饭和中鸡饭之间犹豫了一会，最後还是选择了中鸡饭，以免浪费食物。这里的「招牌去骨海南鸡饭(中)」，套餐价盛惠$44，奉送住家老火汤或咖啡/奶茶。先喝一口自家制南瓜汤，味道咸甜适中，伴随着两三块小南瓜肉和一些南瓜丝，质素尚可，不妨一试。再吃一口油饭，饭粒软硬适中略带油黄，拌着一些些配料所以有微香，整体味道正常也不过份油腻。不过对於吃海南鸡喜欢配姜黄饭的我，这里没有姜黄饭这个选项，实在有点失望。不过我也看见不少客人会选择纯白饭呢！至於重点的海南鸡，有鸡香味，肉质也算嫩滑，没有骨头，鸡皮和少许鸡脂肪也够幼滑而且油份适中，再分别配搭姜葱茸、酸辣酱和甜酱油三种不同的酱料一起吃，各有各风味，整体味道也更香更惹味。份量方面，虽说只是中鸡饭，而且整个套餐对女生来说份量足够，但海南鸡只有六小件，也不是每件都有鸡皮，如果鸡的份量能再多一些的话，CP值定必更高更吸引。总括来说，{西贡金鸡

11月11日order 午餐外卖，转头攞。去攞餐时，递单比一侍应位阿姐攞餐。佢嘅反应无端非常晦气：「喺哂张枱，自己对单自己攞」😳（张枱仲有其他外卖单，任由客户"自助式"对单，乱摷啲餐，一来唔卫生，二来有心人可以搏乱攞人哋啲"大"餐喎？！到时嘅损失谁来负责？！就算店家肯再不收费重提供，又要嘥时间重头等过。。。）。同场加影，有女食客向同一位阿姐落单，话要B 餐，阿姐话唔好同佢讲英文，讲要啲乜嘢就得啦👍，冇得顶，下次甲乙丙海南鸡系好食，但要搞到咁受气，何苦呢，香港人仲受唔够？！

呢间海南鸡饭店，位於荃湾的一个小小地铺，你说他显眼吗？又不算是。今次是朋友带我过来的，但就连他来过，也眼大睇过龙搵唔到间铺头呢🙄听说出名的是卤水元蹄！但由於我一心来食海南鸡饭，因此今次没有卤水元蹄，下次先试啦😄😁😆呢间铺人流源源不绝，看得出来大多都是老旧熟客，伙计都系两手多用，落单出菜堆单收钱，万能。好有一种街坊的味道😍也是幸福的味道！🥰《金鸡二人餐$166》🌟抵食之选👍—-＊-＊-＊-＊-＊-＊-＊-＊招牌去骨海南鸡手打咸鱼蓉肉饼卤水汁时菜白饭/油饭x2 住家老火汤x2奉送咖啡或奶茶☕️x2—-＊-＊-＊-＊-＊-＊-＊-＊来了来了！海南鸡饭！一大碟满满的海南鸡，正，够食！😙😙😙海南鸡鲜嫩多汁，肉质嫩滑，鸡油多、仲夹住一层白色胶原蛋白！正呀！😛😛😛系煮得好既鸡先会保留到既白色胶原蛋白层！果然系街坊老店，出色😄配堆油饭食，爽😊食完要下场既话去堆路德围扫街都仲得😚😚不过我今次就好饱啦，下次再战😉#Janejen_荃湾#Janejen_扫街#海南鸡饭

中午放饭Lunch Time ,平平地搵咗间好出名嘅金鸡海南鸡饭餐厅，Very Very Delicious!!! 完全完全出乎意料的好味😋😋😋$49 叫左碗大嘅无骨海南鸡饭鸡肉嫰滑，鸡味浓，鸡皮非常之滑油饭劲夹，唔会太浓味，唔会太油十分之好👍🏻平靓正高质又好味嘅午餐加咗杯热菜蜜，好浓味，好味！讲埋个配料酱先，姜葱味浓，配合埋喺一流个酸辣酱酸酸地辣辣地，好好味三个酱有三种唔同嘅口感，值得一试！ 平时都劲多人去排队，大家去试下！

作为荃湾人，应该会有见过位於路德围嘅呢间西贡金鸡海南鸡。虽然店内装潢比较简陋，但人流亦都唔少，比较多嘅系附近街坊。招牌去骨海南鸡饭嚟到主打海南鸡嘅食店，当然要一试！海南鸡嚟讲份量都算唔错，而且鸡肉都几嫩滑，不过油饭略嫌可以再浓味一啲，如果重少少油香应该会更好。驰名香煎手打鱼蓉饼饭另一个喺餐牌比较吸引眼球嘅有手打鱼蓉饼，喺坊间都比较少见。鱼蓉饼煎出嚟比想像中薄身，不过特别在完全唔油腻，甚至望落有少少太乾身。味道中规中矩，唔太食到有鱼味，反而似好薄身嘅咸鱼煎肉饼。如果作为一个餸会有啲单调，建议可以当小食嗌，弥补不足。整体食店感觉都比较一般，而饮料方面唔知系水吧太轻手定点，实在有点过淡嘅感觉。其实附近路德围亦有好多驰名美食，只能讲试一次就可以了。味道 ⭐️⭐️⭐️服务 ⭐️⭐️⭐️环境 ⭐️⭐️性价比 ⭐️⭐️⭐️

系路德围食lunch 都有好多选择，不过多数就面食多，今日有啲想食海南鸡饭，就拣左呢间金鸡。呢间系西贡都有分店，佢既海南鸡饭最出名，开左咁多年，都算keep到水准，有阵时都会就咁外卖只海南鸡番屋企加餸。.佢个海南鸡饭配油饭，你都可以拣配番白饭。个饭好香，望落个色都好靓。佢啲鸡都好滑，而且无骨，啖啖肉咁都食得几过瘾。个饭会配汤/热饮，佢碗汤都好足料，唔会hea。呢间外卖个包装都做得唔错，唔会倒到周围都系。如果见舖太多人，都可以拣外卖。