西貢越南真味 (已結業)

今日去炮台山探姨姨，順便去食個lunch，呢區我以前細個成日都去，原來而家已經變咗咁多，多咗好多新嘅食肆，行行吓見到呢間越南小店，都見到有午餐優惠，就入去試下。小店內座位不多，不過位置都算闊落，幾適合喺附近返工人士嚟食飯。午餐餐牌價格便宜，$50左右就可，有飯及麵可選擇，還有數款小吃，外賣午餐只需$35，價格好優惠呢~香茅豬扒撈檬 $55撈檬好大碗好豐富，上面有大量花生碎、蘿蔔絲、青瓜絲、生菜絲及乾蒜。檬粉乾爽有口感，倒入餐廳提供的越南酸汁，拌勻後味道好惹味。香茅豬扒煎得香脆，而且預先切好一件件，方便食用。熱檸水 $2午餐可以優惠價添加飲品。假日休閒吃個午餐，真是一個不錯的選擇。…查看更多

今日同屋企人去咗炮台山食越南嘢。西貢越南真味係一間小型餐廳，所以我哋坐咗喺出面食。我哋叫咗一人火車頭鍋粉、半生熟牛肉湯粉、安格斯牛肉湯粉、越式粉包同埋網紋春卷。一人火車頭鍋粉份量非常多，而且有好多餸菜，例如豬什，白蘿蔔，同埋最出名嘅生牛肉。河粉配合餸菜同埋芫荽一齊食，有芫荽嘅爽脆，生牛肉嘅鮮味，同埋河粉嘅幼滑，令到一啖入面有好多口感同埋味道，幾好食。另外，安格斯牛肉湯粉亦係另一個好推介。同其他半生熟牛肉湯粉唔同，安格斯牛肉有一半肥一半肉，所以食嘅時候口感比其他牛肉嫩滑，有入口即溶嘅感覺。除此之外，安格斯牛肉嘅牛味比其他牛肉重好多，各位鍾意食牛嘅朋友一定要試吓。而半生熟牛肉湯粉比安格斯牛肉湯粉價錢較平，但味道亦唔錯，而且牛肉份量多。喺小食方面，越式粉包好似潮州粉果，入面有花生，肉碎同埋蔥花。但係粉包嘅粉皮比潮州粉果嘅粉皮冇咁煙韌，亦冇咁通透。不過未到方便亦唔差，更加可以配合酸辣魚露醬汁一齊食，味道更佳。網紋春卷味道似酒樓嘅炸蘿蔔卷。外皮非常鬆脆，金黃嘅炸皮賣相誘人。而餡料方面，則有蘿蔔絲同肉碎。春卷皮會索曬啲酸辣魚露醬汁，所以一定要配合醬汁一齊食。整體而言，價錢合理，份量不錯，下次經過北角或者炮台山可以走入內街試吓。…查看更多

今日食lunch好多人, 好彩係出面開到張枱同同事食飯, 但都等左好耐, 但店員都好有禮貌, 唔好意思都講到足。香茅豬頸肉撈檬($55) 先上撈檬後上豬頸肉, 等到頸都長都未有餸.... 個粉質地好林, 個檬汁麻麻地, 豬頸肉就燒得好好食, 但個粉拉低左個分數。…查看更多

自從喺澳洲返左黎香港之後都好少食越南野澳洲嘅越南河粉實在太好味因為全部都係真．越南人烹調喺香港暫時都仲未搵得返嗰種味道但係呢日返娘家路經過見到呢間越南小店勾翻起唔少回憶決定去試吓叫左生牛肉檬粉同一杯青檸梳打係冇期望嘅情況下竟然有驚喜真係有澳洲食越南河嘅感覺味道清甜一啲都唔鹹肉味濃郁而不膩神奇的是食完唔口渴之餘仲忍唔住飲晒碗湯整體感覺好好味道值得一讚而且我覺得最重要的是美食．有時候唔一定要米芝蓮幾多粒星用多珍貴的食材其實就好似食神入邊嘅黯然銷魂飯一樣最好嘅美食其實就係可以勾起你美好回憶霎時感動的彌足珍貴…查看更多

陪老公來炮台山覆診，午飯便順理成章在區內解決。本來提議去木蘭苑「金鑽名軒」飲茶，點知嚟到時發現地下開咗間人氣越南湯河店「Saigon Pho 西貢越南真味」。據知餐廳一直深受不少名人、明星及飲食達人捧場，沒想到原來已經殺出西貢和九龍城，於食肆林立的電氣道開設分店，反正沒吃過，決定即時轉軚。看看門外餐牌，午市套餐價錢非常經濟，$50 起已經有交易，而外賣更只需 $35，非常抵食。 拉開趟門內進，原來店內地方不大，只有七張細圓檯，但環境看起來不錯，佈置簡潔明亮，帶點田園風，令人感覺舒適。午市餐牌很簡單，以湯粉、飯或撈檬類為主，而客人凡惠顧任何上述食品，均可以特惠價錢點選飲品及小食。大家都不約而同地看中了店裡的半生熟牛肉湯粉 ($50)，一於一人一碗，唔使爭。先呷一口湯底試試，據店員稱，湯底是用了大量鮮牛骨來熬製，味道果然不俗，不太濃亦不太淡，既鮮甜又不油膩。牛肉色澤鮮紅，輕輕浸湯後品嚐即吃到濃郁的牛肉味，再伴以少許九層塔吃，簡直是超級大滿足！另外河粉同白蘿蔔亦有水準，河粉薄而滑溜，不會因為浸泡得過久而發脹； 而蘿蔔亦清甜無渣。飲品每人點咗杯薄荷青檸特飲 (+$18)，成品以一個透明玻璃杯盛載，用料十足，望落去滿是冰涼感覺，清甜嘅青檸加埋清新嘅薄荷，倍添清爽！…查看更多

今天跟朋友去北角新開的某大型超市，行完之後去炮台山坐車，在電氣道見到一間店是吃越南粉麵，店鋪座位不算多，只有10多個座位，餐牌有午市套餐，一碗粉麵只是50多元，主餐牌亦有撈檬、飯類、法包等等…..店舖細細但款式都很多。我們點了半生牛肉金邊粉 $50、扎肉金邊粉$50、越式粉包(2件) 跟餐+$18。半生牛肉金邊粉 - 金邊粉十分足料麵質彈牙又滑，生牛肉呈半生熟，湯底夠熱，生牛肉混在湯內數秒轉色，入口嫩滑，無得頂。扎肉金邊粉 – 蘿蔔非常淋，入味，莞茜將湯頭的鮮味帶出，扎肉帶有豬肉的鮮肉味之餘，爽脆彈牙。越式粉包 - 泰越料理中必點的小吃，材料十足，侍應還給我們甜酸醬，與粉包十分之夾。…查看更多

今日經過炮台山所以順便係度食飯，原來可以咁抵食。外賣先$35！不過一場黎到當然係度食埋先，位置只有十個左右，不過好多人都選擇外賣，所以唔會好擁擠。今日揀左個扎肉檬粉，另外前菜揀左粉包，飲品就揀左滴漏咖啡。呢度既湯底比較清，略帶胡椒味，感覺健康。扎肉有四大片，一啖扎肉一啖粉好滋味。粉包入面係啲冬菇同肉碎。個粉包皮比較厚，但拆開一層層之後放落湯中浸開都幾似食河粉咁嫩滑。滴漏咖啡幾特別，有一大座滴漏裝置。一路食檬粉，一路望住咖啡慢慢滴落杯度，滴完就啱啱好飲得。杯入面本身加左煉奶，滴完攪好就得。咖啡幾濃味，加煉奶後個甜味同平時飲既好唔同，好有東南亞風味。…查看更多

今日同朋友經過呢間越南餐廳，舖仔細細，外型幾有特色，朋友住呢度附近，話新開無幾耐，佢都未試過就試試佢！牛肉法包($53)我地叫左個牛肉法包，其實我本身幾怕食法包，因為啲通常都硬過石頭！但呢個法包一啲都唔會，個包烤到外面好脆，入面鬆軟！咬落有小小似脆豬既感覺！！入面有生菜、酸蘿蔔絲、蕃茄、同埋烤牛肉。烤牛肉好香唔乾身，有肉汁，好味！老闆好nice仲問我地好唔好食，話越式法包係佢地招牌，黎到一定要食！半生熟牛肉湯粉($50)食麵其實最緊要個湯底，所以我食麵通常第一件事係飲啖湯先！湯底應該係牛骨湯，好香濃！半生熟牛肉係個湯灼一灼，外面熟入面生，令塊牛肉鬆軟唔會好鞋，牛味都好濃郁！而懞粉軟硬適中！食完碗麵又唔會好頸渴，不錯！…查看更多

平時都唔覺呢度有間越南野，search search下見倒啲野食好似幾吸引咁就行左過黎喇呢度嘅下午茶去到兩點半！兩點都仲有得嗌，而且價錢都係50幾咁上下，好扺食半生熟牛肉湯粉，啲牛肉超級多湯底飲落好鮮甜，牛味都幾濃但湯底睇落依然好清最正係仲有好多舊蘿蔔吸哂啲湯嘅精華套裝可以加錢要越式粉包，面頭有一層好煙韌嘅皮包住，入面有好多蔬菜同肉粒，加埋頂頂嘅炸蒜，真係好野味扎肉法包，食越南野點可以唔食法包喎！法包面頭有好多蔬菜，入面有一層厚切嘅扎肉！啲扎肉同平時響超級市場買果啲好唔同包入面嘅扎肉好爽口而且仲有肉汁流出黎，除止之外，我見佢嘅扎肉仲有小小肥肉，所以食落一啲都唔鞋平時唔鐘意食紅蘿蔔嘅我，今餐默默咁好左好多，感覺好健康…查看更多

位於天后某酒店對面既越南菜，有特色越南菜。原來呢度有唔少遊客光顧，呢度既越南菜有著西式風味。餐廳店面不大，岩岩好碰上繁忙時間，我地想坐得寬敞d就去左室外坐。首先點個三文治當早餐加午餐咁食。三放治好脆卜卜，入面有青瓜，醃蘿白絲，肉同生菜。都好大份下，成個味很開胃。雞絲河粉感覺簡單，整潔，冇麥味精。仲有個豬頸肉飯，食落有碳燒既味道，因為好肚餓所以覺得d飯都好正。因為餐廳太忙了，所以我點走左去隔離果汁店啦左個芒果沙冰，勁多芒果根又冇芒果味好難飲。總結： 我係呢度找到越南味道。…查看更多

北角既lunch time 冇觀塘咁繁忙而且餐廳種類比較多元化，同友人選了一間越南餐廳坐低慢慢食。講起越南野當然少不免生牛肉河同埋法包啦。所以我哋揀左午市套餐$50既牛河，加$18試下越式粉包，另加$10有青檸梳打，本身已用雪凍左既泰國梳打水，所以女仔可以叫走冰哦。講一講個牛河先，牛肉切得夠薄但仲保持到口感，份量亦有幾大塊，絕對比平時係觀塘食到既多，湯底偏甜，蘿蔔好入味。越式粉包入面既豬肉粒炒香了，蝦米有炸過所以香上加香，粉包亦幾有口感。我哋另外加多左個牛肉越南法包，值得一提法包做到外脆內軟，入面有酸蘿蔔絲，青瓜片，燒牛肉等，十分豐富，如果有埋芫茜如辣椒就仲似係越南食，不過可能要就番香港人口味，整得general d，作為早餐或午餐食呢個法包都很滿足。下次target 扎肉法包先!…查看更多

星期日的中午快食個湯粉就去行山，行經電氣道見到這間"西貢越南真味"，正想食越南河，啱曬，入去試試先。《半生熟牛肉湯河粉 $50》可選擇河粉/檬粉/金邊粉，份量好足夠大碗，湯底夠深濃，生牛肉亦吸引。《招牌越式法包(扎肉) $75》店員介紹了扎肉，比外面的扎肉不同是加入了大粒黑胡椒，更香更野味，不過扎肉份量就略少，配菜有蘿蔔絲、菜和蕃茄，比較淡口，略欠越式的味道。這價錢來說性價比不高。《越南滴漏咖啡 $38》有越南咖啡的味道，不錯。…查看更多

美好的星期六要睡至中午我們就來到附近的越南餐廳用膳此店主打坊間少見的越南法包我們就不猶豫地點了一客分享云云口味中選擇了牛肉賣相厚實法包烘過脆卜卜餡料有生菜蕃茄青瓜醃蘿蔔等配上大量的牛肉作主角有肉香又有清新感非常美味絕對是近年吃過水準最高的法包半生熟牛肉湯粉是另一主打老闆說清甜牛肉湯是每朝新鮮調制有蘿蔔和特多牛肉作配料越式粉包是地道的越南小食用粉皮包裹木耳豬肉再蒸熟吃吃越南菜當然飲青檸梳打酸酸甜甜是我最愛的味道…查看更多

中午時候來北角辦點事，辦完就當然要醫醫肚子，解解饞。走過西貢越南真味，看到小小舖子門外放著大大的招牌湯粉，小食的Menu, 非常搶眼，立刻進去試試。半生熟牛肉湯粉$50大大一碗半生熟牛肉湯粉，潤滑的河粉配上滑口的生熟牛肉片，白蘿蔔，洋蔥、芽菜、香菜，湯底清透牛骨味濃，牛骨湯更散發出羅勒和薄荷葉的香氣, 吃的時候再加上青檸檬汁，超讚。香茅豬扒撈檬$53雖不是夏天，中午的天氣還是熱，這個香茅豬扒撈檬最適合不過，香茅豬扒多惹味，檬粉配越南撈汁， 酸酸甜甜清清爽爽，很喜歡。…查看更多

今日同男朋友行經北角突然間好想食越南河所以就同男朋友搵左呢一間西貢越南真味因為見到其他分店有好多好評入到去雖然鋪頭有啲細但係都坐得相當舒服我哋就叫咗火車頭牛肉河本身想叫兩碗但係店員提醒我哋其實一碗已經好大 可以share 再叫其他小食就啱啱好碗河粉嚟到見到真係好大碗真係好彩店員嘅提醒入面都好足料 有生牛肉牛肚牛丸同埋牛腩生牛肉要趁佢唔好俾啲湯浸到全熟嘅時候先食 浸少少湯就即刻食真係啱啱好佢個湯湯亦都好飲好清甜牛腩本身睇落以為好乾 點知好軟林勁好食牛丸亦都充滿着牛味小食我哋就叫咗個越式粉包一定要加個酸甜醬 中和返 如果唔係有少少油不過入面都好足料好好食飲品方面我哋就叫咗一杯檸樂同埋香芒椰汁奶個椰汁奶勁好飲 好似去咗食糖水咁…查看更多