西記粥店 (已結業) 查看

2023年9月27日 晚上6點42分於太子西記粥店使用圖中$10硬幣購買價值$9的油炸鬼當時帶眼鏡的女店員表示不收我的$10硬幣 🤷🏻‍♀️ 本人不明白查問是否硬幣有咩問題？ 硬幣是否假的？ 我剛剛係對街藥房找續番黎。女店員態度極之惡劣咁話我地唔賣，人地找俾你 你可以唔收，正如你俾我都可以唔要。 首先，店鋪沒有標示唔收取$10硬幣，亦表示我的$10硬幣冇問題，其後我再追收因咩原因唔收？另一位女店員幫口就話佢地找唔番出去，我完全唔明白點解會找唔番出去？ 如果大家知點解麻煩解釋下如果唔收係店鋪張貼告示話唔再收$10硬幣，唔需要咁既態度對d客 我買條油炸鬼得罪左佢？利申：本人最終使用另一張$50紙購買 到找續既時候女店員仲要態度好差咁話你唔駛咁激動既 📍 幫襯左佢十幾廿年 佢其他屋企俾都冇咁樣既態度 亦從來都未試過幫襯得咁激氣 📍麻煩大家幫手睇下$10硬幣係咪有咩問題？ 📍大家日後去幫襯記得唔好俾$10 以免受無理惡劣對待

今晚食自己，回家途中平平地買碗粥食又一餐～今次叫阻粟米豬紅粥，$26,配料份量都ok ,粟米係罐頭粟米唔夠甜，豬紅口感屬煙un 不太滑，粥底唔太多米粒有麵粉粥feel, 平價粥黎講都係忠記好食好多～（唔記得走蔥）

呢排因為食串燒同打邊爐得多，好熱氣個肚又滯住咁，就諗住早餐食下d粥清清腸胃行過呢間係太子既粥店，見早餐款式都多，價錢合理就去試吓坐低叫左一碗皮蛋瘦肉粥加腸粉($32)，食咗一啖都唔錯喎d粥幾綿滑，瘦肉同皮蛋都多幾足料大大碗幾抵食腸粉就不過不失，比較普通，但都幾大份32蚊都食到好飽

南方的人吃粥北方的人吃稀飯稀飯和粥有什麼區別 ... 稀飯通俗來說就是更稀一些，它是利用少米多水煮出來的，而且煮的材料相對簡單。 有點類似泡飯的感覺。就是飯加水加熱。粥的講究很多，火候、時間、種類，做法很多，煮出來比稀飯更加濃稠，食材也比稀飯更加豐富，煮的時間也比稀飯長。就是米加水加熱。這正是這種粥店的吸引之處綿密，順滑。個人最愛及第粥內臟的鮮甜完全爆發出來加點胡椒點綴不得了然後牛利酥都很推薦有那種說不出的甜配粥一流

今朝要去太子果頭整D野，整之前就係附近食早餐～原本諗住食連鎖快餐店但太多人，所以去左一條馬路之隔既呢間粥粉麵店～呢度早餐同下午茶用同一個menu，都幾多野揀（除左粥仲有粉麵，我都係落完單後聽到其他人叫豬雜河先發現🙈）我叫左艇仔粥配炒米粉（＄３２）艇仔粥幾足料，牛肉碎俾得唔吝嗇，仲有一般艇仔粥會有既魷魚同豬皮，呢兩樣都爽口👍粥底幾綿，不過幾重味（似味精味）面頭花生都係脆既👍炒米粉超級彈牙！！彈牙到有D誇張😅味道正常（都係有少少咸香味精感覺），配料得幾條勁幼既紅蘿蔔絲～整體以呢個地區呢個價錢黎講還可以，起碼食得飽，服務亦好好

住喺港島區我因為上堂嘅關係經常要你太子上堂前後都會嚟呢間餐廳 食個麵 佢真係有家的味道 我每次都會食佢嘅自選兩 餸菜 湯麵 佢仲有我最愛既勝瓜 佢另外可以自選送嘅湯飯 豬雜麵都好好食 另外仲有煎堆腸粉生滾粥咁 真係我嘅comfort food 食嘅係人情味呀嗰兩個侍應呢成日都會講啲好好笑嘅嘢㗎大家都會避免講啲政治嘢輕鬆下咁囉都好有人情味仲有部電視睇所以好似返咗屋企咁

平時又雞煲又放題，間唔中都想食下粥調節腸胃。而我最中意食既就係西記粥店，除左因為多分店之外，粥品都唔會馬虎，落足料。推介生滾魚腩粥，魚腩好滑嫩，粥底都夠綿，唔會偏稀，粥份量亦夠飽肚。

叫了豬潤粥，不夠新鮮，超咸，腸粉沒滑口，太林...吃不出誠意，不會再光顧了！朋友吃了艇仔粥同樣地非常咸，吃不了一半，要喝多水........請改善，疫情下也不應該這樣子啊。

想起太耐冇食過舊式中式粥和粉麵店，行街經過太子就睇吓附近有冇呢d舊式店鋪先，見到對面街有就入去坐低回味一番先睇餐牌有齊粥、粉、麵、飯、小食和飲品。你可以散叫、套餐或自選配料。今次我哋叫左以下幾樣睇吓得唔得皮蛋瘦肉粥：好足料，好多皮蛋同瘦肉，可能唔係選生滾粥，食唔返以前嘅感覺，而且食完感覺味精感好重雲吞麵：有四隻雲吞，食落唔夠爽囗彈牙，好大碗麵，麵質入囗好彈牙，冇鹼水味，但個湯唔係大地魚湯，飲左有d囗渴爽滑炸腸：皮薄嫩滑，但炸両唔脆牛肉腸粉：腸粉大大碟，好飽肚，冇乜牛肉，而且係免治碎，豉油冇味熱豆漿：係跟雲吞麵免費，香濃黃豆味，飲落肚好暖好舒服呢間真係做唔返我以前食到好好食嘅味道

店舖位于太子地鐵站 C2 出口的对面，只是 1-2 分鐘钟路程店舖面積不大，只有 20 多 30个座位，没有豪裝，但流程快，准..... 這已经是足够了。 因为靠近地铁站，除了做街坊生意外，也不少內地客人拿著大包細包也來光顧。有一座客人是已经移居外地，回港探朋友，也不忘来這店重拾回忆，可見這店出品的地位。进来的客人大部分都是点粥，我就反傳統，点了牛腩湯面走青😝😝我吃了什么？「爽滑牛利肠」： 我在加拿大多伦多吃过，特别 + 難忘。 这里竟然有，豪不犹豫点了。 牛利酥带一点甜味，腸粉加醬油，甜+咸 ～ 绝配 👍👍「鹹肉粽」 糯米很香，粽子的大细適中，如果再加多一点绿豆，味道和口感更好 👍-牛腩麵，麵很彈牙，湯頭香，很濃牛腩味。牛腩帶肥，很有口感。 👍👍「豆浆」 這是跟牛腩麵的。 👍-甜点 熱紅豆沙。紅豆滿滿一碗，甜味適中，对我來説最重要是 “熱” 👍 不过不失，有問必答，這对我來說已經足夠了 👍雖然不是什么山珍海錯，但出品、味道、服務態度已經 “贏” 了 😃

今日去太子行街，諗唔到食咩好，仔仔話食碗麵啦！咁就去左西記食，仔仔睇完餐牌就好快速下單。魚旦加墨魚丸麵 $35 凍檸茶加 $3豬什麵 $44 凍檸茶 加 $3另加$10 蠔油生菜問仔仔魚旦好食定墨魚丸好食，佢話兩款都好咪，因為魚旦都彈牙，但墨魚丸就大大粒，小朋友的答案真係好搞笑。而我碗豬什麵都ok 每樣有dd ，豬肝呀腸呀果d ，加d 辣椒油和醋點來食都唔錯嘅。碟生菜份量都好多，都爽脆。兩杯凍檸茶，不過不失。下次要叫炸兩先，因見好多人食。

今日無胃口，來到太子西記，聽聞腸粉好滑，專登來試試，兩人叫了粥、腸粉、套飯「金牌及弟粥」粥得綿，不是水汪汪，多料，也沒有味噌，因食完不口乾，不錯「叉燒腸」廚師推介，腸粉真是很滑，叉燒也很多「梅菜蒸鯇魚」套飯配蓮藕粟米湯，低食

夜晚係附近行完街,深夜總是覺得特別肚餓，於是，就係附近搵到間食糖水的西記粥店。 我點左個海帶綠豆糖水,唔知係咪太耐無食過的關係，有小小熟悉的味道，糖水都多料，食到好飽,好滿足

其實點解成日話「呢排熱氣/生痱之/作病，不如清清地去食粥」？因為老娘食粥總係要叫一碟粉米粉/豉油王粉麵！心情好仲會叫咪油炸鬼或牛脷酥，計下計下，仲熱氣過平時啲Lunch~今日又因為「生痱之」而想食清啲，而走左去食粥。老娘只愛吃艇仔粥，至於水魷、豬皮、碎肉既比例⋯我覺得係因人而異⋯我會比較留意到呢間既粥底唔可以話好綿，但食到尾個幾啖唔會變得愈食愈咸炒米粉都有好多紅蘿蔔🥕絲同芽菜，清清地自己落甜醬麻醬豉油～送粥之選！話明我生痱之，炸兩係友人點的，油炸得唔夠脆，但腸粉皮唔算厚，不過不失⋯可能知個附近多西客？（間野都叫呀西）所以為左迎合三心二意既客人，呢間粥店仲有粉麵，更有加分位「即叫即蒸」蒸飯仔！友人叫左個咸蛋肉餅飯，唔算好咸好濃，肉質鮮美多汁，加分！

我比較鍾意食湯飯，而我覺得湯飯最緊要個湯要夠熱，啲料夠正，呢間都算唔錯選擇。呢間係同事推介，而我一星期都會去幫襯一至兩次，湯飯配料選擇多，而我最鍾意揀豆腐，豬潤，冬瓜，魚肉。好記得第一次去食果陣，佢啲豆腐大大舊，對於我呢個豆腐愛好者嚟講，已經好鍾意😅