西環大叔 (已結業)

上月趁車爸爸一連4天假期便一同往牙醫表弟處為牙齒洗白白，之前在附近找吃午餐到了想幫襯已久的小店大叔！ 未到過大叔但看著食評總有份街坊的人情味，令我很想很想去幫襯它，終於在9月最後的這一天如願以償！ 餐廳內以十分原始的水泥牆配數張壁畫作裝飾，簡單又舒適坐得很自在。 而且很貼心的備有USB叉電位而且連同叉電線供應呢！當然亦有Wi-Fi供應好方便我這些經常不夠數據的貧苦人家！！ 我們各選一份午餐來分享，每份午餐也送上勝瓜肉碎蛋花湯一碗，味道清清香的喝不到一點師傅很有住家味道。 馬蹄蒸肉餅＄45肉地鬆軟調味恰好，佐飯吃真的是世紀絕配。 另一客柚子蜜雞中翼＄45就麻麻哋，雞翼經炸過再燴上柚子蜜不是即製的關係雞皮變得糊口，而且味道偏甜不是我杯茶呢！ 但最驚喜的是附上砵仔蒸白飯，白飯粒粒戙企爽身非常，口感軟熟非常出色。 只須另加＄5便可點上冷熱凍飲，不過質素都係住家Feel囉哈哈哈..........但我還是吃得舒心又滿足

有別於一般茶餐廳、快餐店風味，有點住家煮法的感覺，味道適中，不太濃不太咸。裝修簇新企理。與家人試過，也覺可再次光顧。位置其實很方便，在西營盤地鐵站B3出口，不到5分鐘路程，只是位置不太起眼，如指示或美食招牌大一點會更好。$50一個套餐，一餸一湯一飯（砵仔飯）加$5配冷熱飲品，價格合理。

西環新開嘅小店，喺小巷入面自成一角，帶點寧靜，細細間裝修骨緻，又夠晒地道。聽老細講，呢度好多嘢都係街坊街里同朋友幫手整，好似啲餐牌、告示牌、卡片呀咁，處處都係人情味。餐廳主打家庭式小菜，講明全部都唔會落味精，就算夜晚去食都係50蚊，除咗有一飯一餸，仲送一碗湯同埋一小碟炒菜，加5蚊仲有冷熱飲品添，晚餐嚟講真係超抵！我因為唔太餓，所以叫咗幾樣小食，而家逐一講下啦。蒜炒西蘭花點解西蘭花都要介紹？因為真係食過就會掛住！蒜味唔會一味得個咸字，啲菜又夠爽口，最緊要係唔會食到一陣菜青味同埋油還油、水還水嗰陣味（好似好難明但真係好多餐廳都係咁），我一個人食晒一大碗哈哈，如果我屋企位主婦都炒到呢個質素，相信我會食多好多菜！蒜香雞翼鍾意食香口嘢嘅必食！炸嘢要做到入口唔油但又juicy，難度可以話係極高，因為油溫同時間都一定要控制得好好先做到。不過不過，呢碟就完全做到喇！！蒜味勁香、外皮勁脆，一咬落去，肉汁飛晒出嚟，勁鍾意，正呀～炸素魷魚、素腐皮雞膇平時都有食開素食，餐廳老細知道之後特別整咗呢碟畀我試下。如果啱啱開始食素而食唔慣出面普遍素食餐廳偏淡嘅味道，呢度會係一個好選擇，不過呢度未必分開肉食同素食用具，

新開店，朋友介紹，約埋4個大叔一齊試一試，店舖標榜無味精，價錢街坊價，想食乜開聲，做到都做，唔會額外收費，真係窩心！全晚寫菜單，5餸1湯1生果，砵仔白飯任食.....每人$130，飽到上心口！

同幾個朋友在西營盤找晚餐，因為我食素比較難找，見一間新開睇落比茶餐廳高級，入去才知餐牌都未太準備好，問老細有咩食，佢話主打健康餐廳，無味精無鬆肉粉，有唔少素食，奶茶係餐廳招牌飲品。我問佢有無炒飯，佢有個炒飯由肉轉素雞胸，好味。朋友食牛脷飯，味道淡少少，還有牛油蒜香雞翼，外脆內軟。個例湯係菇紫菜豆腐，好足料，清甜。飲完唔頸渴，每人都係五十幾。重抵過自己買餸。個老細幾nice，佢話原來可以好似私房菜自定餸菜及價錢，如$100~300一位。我食素就多一個選擇。可能唔太合口味濃朋友，不過食完感覺幾健康。如果純素者唔食蛋奶記得早講。