西樹泡芙 (已結業)

今日(11-3-2013 Mon)男友休假過o黎我屋企食飯,佢又o係o度買泡芙食,今次佢買o既三件,有兩件同上次一樣,就係$16.00o既濃朱古力曲奇泡芙,同$18.00o既宇治抺茶泡芙,最後o個件係$19.00o既意大利芝士泡芙.今次我畀濃朱古力曲奇泡芙爸爸食,不過,我都係切少少畀自己食,同上次一樣依然咁好食.另外o個兩個係我同男友share食,我先食意大利芝士泡芙,呢個味道對版,OK o既.而宇治抺茶泡芙呢,抺茶味道甘甘地,又幾好食.其實所有泡芙o既忌廉都好滑,而且唔太甜,夠凍就好好食.不過濃朱古力曲奇泡芙同意大利芝士泡芙o既外表都幾核突,而宇治抺茶泡芙o既抺茶忌廉成日唧晒出o黎,整到好污糟.

今日(9-3-2013 Sat)男友早返工早放工,咁o岩我又出去尖沙咀join到佢收工,咁一齊返屋企食飯啦.我o地搭地鐵返到o黎,經過地鐵站呢條食街,嗅到朱古力香,男友就睇睇,原來呢間係賣泡芙,而我又想食啲甜品,咁…就買呢啲啦.我揀o左$18.00o既北海道牛奶泡芙,為爸爸揀$18.00o既宇治抺茶泡芙,男友就揀$16.00o既黑朱古力泡芙.返到屋企食完飯,男友即刻話要食,我吩咐佢先影好晒相至食.影好後,果然佢係即食佢o個個,我都只係黐到兩啖o黎食,原來佢o個個裡面都有吉士忌廉,不過味道唔重,反而外層o既朱古力搶晒,而且泡芙好脆,好味.之後我拎爸爸o個件宇治抺茶泡芙出o黎,影完後都咬一啖o黎食,泡芙同樣係脆,至於芙宇治抺茶,可能我食得唔多,所以食唔到味道.我整好晒o野後食北海道牛奶泡芙喇,呢個泡芙竟然唔脆,而北海道牛奶味道濃郁,而且好多,重凍到變o左果凍.

今次的開年聚會，去到了元朗，是甜魔媽媽的家。一如以往，大家都帶點東西上去，湊起來肯定是極豐富，尤以甜品為甚，一般人看到可能也會被嚇親。食物太多，不能盡錄，其中孫博士帶上來，是Choux Crème的芭芙，原味的。大大件的出品，面頭灑了點糖霜，頗為吸引。只搣了半隻來吃，外層鬆脆，吉士忌廉軟滑香甜，尚算不錯。還有很多東西，要另文介紹。