裕記牛什魚蛋粉麵

位於旺角❣︎裕記牛什魚蛋粉麵❣︎主打食港式粉麵，裝修企理舒服，款式選擇多，價錢親民。❣︎鮮蝦韮菜餃麵❣︎$32幼麵麵質彈牙爽口😋👍🏻韮菜餃皮薄餡多超大隻😍鮮蝦彈牙，韮菜鮮味，好好食。❣︎崩沙牛腩河❣︎$58崩沙腩軟腍味香😋肥瘦適中，河粉幼滑👍🏻加啲醋同少少🤏🏻辣椒🌶️油來食，真係人間美味。❣︎菜心❣︎$13菜心脆綠清甜😋👍🏻非常新鮮。❣︎凍奶茶❣︎跟餐加$8茶香醇厚，香滑順口。❣︎熱菜蜜❣︎跟餐加$8菜蜜甘甜，夠晒滋潤。…查看更多

朋友仔又要ot，大家都番工番到攰，係附近搵野快快食完就回家休息，見到裕記牛什，食個粉麵都好喎！好，坐低睇吓有咩好食先。金牌牛三寶河，有牛腩、牛筋、牛肚三款。牛筋粗身食落爽口，滿滿骨膠原感覺。牛肚最好味有咬勁之餘，有牛味，好食！牛腩煮得夠腍，牛肉質感幾好。鮮蝦雲吞河，大大粒雲吞，皮薄裡面多蝦多肉。河粉食落軟硬適中。加13蚊有腐乳通菜，通菜新鮮，腐乳汁份量都多，每條菜都點到，正！飲品就叫左朱古力和凍檸茶。…查看更多

最近諗唔到食咩，又去咗食我嘅Comfort food😋😋呢間牛什魚蛋粉麵好抵食，一碗粉麵加個菜再有埋嘢飲埋單都唔洗60蚊，性價比高！😋⋆🐮原汁牛腩米線 $38牛腩份量都好多，肥瘦適中，每件牛腩都好軟腍，好入味，陣陣香濃牛香味，食落口感好嫩滑😍 湯底清澈又唔油膩，飲落有陣陣濃郁牛腩香味，真係成碗湯都可以飲得晒，唔怪得咁多人幫襯👍🏻⋆🥬灼芥蘭 $13芥蘭灼得剛好夠晒翠綠，完全冇苦澀味👍🏻⋆🥤凍奶茶 跟餐加$8 奶茶真係好好飲！茶底好香濃，飲落都好滑溜❤️…查看更多

今日出咗旺角，行過呢間粉麵店，就決定入去醫肚。一碗粉麵，跟餐加$8蚊有埋嘢飲，凍熱飲品都係同一個價錢；油菜都係$13蚊，好鬼抵，所以座無虛席！南乳豬手河粉$38：豬手好大舊，咬落軟腍腍，有夠入味，幼身河粉掛湯食夠爽滑，份量又夠多，真係好抵食。雙丸河粉$38：湯底濃，每啖河粉入口都散發住蔥香。手打牛丸肉味香，好有咬口感；自製魚蛋彈牙，仲有胡椒香，幾特色風味。蠔油菜心：份量都多，菜心新鮮色澤靚，點蠔油食一流。腐乳通菜：葉同菜“框”都好翠綠, 腐乳醬汁亦多，一啲都唔孤寒，性價比高。食物質素好，價錢又親民，喺旺角粉麵店嘅好選擇！…查看更多

【旺角裕記牛雜魚蛋粉麵】 地鐵站旁呢間小店真係抵食之選！$28就有碗粉麵，加碟菜同飲品都唔使$60，份量足味道好，絕對係窮人恩物～ 魚蛋米魚蛋彈牙有魚香，湯底清甜唔會過鹹，米粉吸湯又爽滑。性價比超高！ 腐乳通菜通菜新鮮翠綠，腐乳醬濃郁惹味，拌得均勻又唔會太鹹。雖然係小碟但份量唔少，爽口解膩，配粉麵一流。 熱奶茶茶味濃滑，奶香平衡，入口順喉冇苦澀味。以街坊小店來說沖得相當有水準，熱飲風味更突出。 總結：環境雖然普通，但食物質素對得住價錢，上菜速度快，趕時間或想慳錢食飽肚絕對值得試！ #旺角美食 #魚蛋粉 #平民飯堂 #窮人恩物 #街坊小店…查看更多

講到旺角啲地道粉麵，裕記真係要畀個like！匿喺亞皆老街個地舖，門面唔起眼，但個陣牛腩香一飄出嚟，就知有料到～招牌牛全寶河粉，簡直係牛嘅盛宴！牛腩焐到軟糯糯，筷子一挑就散；牛筋滑捋捋，咬落仲會彈下彈下；牛肚同牛柏葉爽脆夠味，吸晒濃湯，仲有肥牛新鮮到反光，撈埋幼滑河粉，一口落去成個人都醒神晒！崩沙牛腩河粉都好驚喜，崩沙爽，吸咗湯之後鹹香夠晒，配埋淋到透光嘅牛腩，真係冇得頂～ 食到最後連湯都飲埋先舍得走，下次經過旺角一定再黎！…查看更多

裕記牛什魚蛋粉麵 🍜🐟位於旺角的裕記牛什魚蛋粉麵是一家以牛腩和魚蛋聞名的小店，這裡的粉麵十分受歡迎，每次來都需要排隊，絕對是美食愛好者的必試之地！ 🌟原汁牛腩拼 香滑牛筋米粉 🍲這道原汁牛腩拼的牛腩肉質鮮嫩，湯底濃郁，讓人一口下去就能感受到牛肉的鮮香。米粉滑順，吸收了湯汁的味道，讓整碗面更加美味。牛筋的口感彈牙，與牛腩搭配得天衣無縫🤤鮮蝦雲吞拼 自製魚片麵 🦐🍜鮮蝦雲吞的皮薄餡多，內裡的蝦肉鮮甜可口，口感非常滑嫩。自製魚片也十分新鮮，魚肉的鮮味與湯底的清淡相得益彰。整碗面的口感層次分明，讓人一口接一口🍤✨腐乳通菜 🥬通菜的清脆口感與腐乳的香氣相互交融，讓人感受到一種健康的美味。腐乳的醇厚味道讓這道菜更加開胃，真的是一個不錯的配菜選擇🥗裕記牛什魚蛋粉麵 (旺角)旺角旺角道26號地舖…查看更多

食過好幾次，水準保持到。黎到整碗紫菜牛腩河、腐乳生菜 加 凍飲。賣單都係六十蚊。講左價錢，再講食物！呢個腩汁，夠晒牛味而不太咸。牛腩的肥膏分布…比到你不柴而夠淋。還有，一碗河，切開九件牛腩，件件有厚度不濕碎…腐乳生菜（要求多腐乳）腐乳有酒味，少少辣。不太咸，我鐘意食辣！雖不辣，但個腐乳味道相當好！（食過一次牛筋，不及我另一食評果間好…所以無叫，無比多次機會佢喇…）…查看更多

今日喺旺角掃街意外發現性價比高的粉麵店, 份量足、味道正、價錢仲好親民！打工仔/學生絕對要Bookmark🌟  1️⃣ 🏅 金牌牛三寶麵 牛筋、牛肚、牛腩堆到滿一滿！▫️ 牛筋燜到超軟糯，入口即化仲掛滿濃汁✨ 牛肚爽脆，牛腩半肥瘦鬆化～湯底係靈魂！傳統柱候甜香，飲到底都唔口渴，配幼麵超級夾！  2️⃣ 自製魚蛋河粉魚蛋控注意‼️ 呢度嘅魚蛋妁彈牙，魚味鮮甜～  ▫️ 河粉滑溜吸湯，湯底比牛三寶更清甜 …查看更多

今日落旺角做嘢，拍檔要買龜糧。去完金魚街，到旺角街市對面見到新開一間粉麵店；嗱嗱聲入去試吓。天時暑熱，冷氣最重要。我冇乜胃口，叫咗個淨魚蛋+油菜（+$13）；凍檸茶走甜。拍檔叫咗個崩沙腩粗麵。魚蛋夠晒彈牙，魚片香滑；加埋辣椒油、蔥花；清清地啱晒夏天季節。崩沙腩夠入味，配粗麵夠曬醒神。見到隔籬枱嘅魚皮好吸引；忍唔住叫咗一包試吓；大大包夠晒脆口。食完一包忍唔住又叫多一包；眨眼就K.O.晒。最後又忍唔住叫多個淨牛丸，夠爽口。呢度樣樣都有水準；價錢亦都合宜，性價比高，一定要支持用心小店。…查看更多

旺角旺角道有間新裝修的港式潮州粥粉麵店，見到裝修企企理理，光猛明亮，乾淨衛生，決意大快朵頤。招牌牛全寶河粉：配料好豐腴，有肥牛、牛筋、金錢肚、牛腩、牛栢葉等等，超級足料，牛腩牛味香濃，牛筋有咬口，牛腩夠半肥瘦，肉質夠嫩，完全吾柴，配上秘製香濃腩汁，增加牛湯底味，絕對可以當湯飲都得。肥牛好入味，河粉夠軟焾，排起牛腩汁，有肉味自然香甜。八寶丸粗麵：有魚片頭、墨魚丸，魚蛋、雲吞、貢丸、魚皮餃、豬肉丸，魚片，整體新鮮，粗麵夠彈口、沒有簡水味！配料爭豐富，可加自家辣椒油調味，提升口感。蠔油生菜：生菜爽甜，沒有渣，加上蠔油增加香氣，好爽脆。凍奶茶：茶底香濃，牛奶細滑，入口順滑。…查看更多

裕記牛什魚蛋粉麵香港有咩多？牛什魚蛋粉麵係其中之一，咁要做得好食，先至吸引到人，今日匆匆一餐午餐，食完之後感覺良好，可以分享一下朋友叫了一碗鮮蝦雲吞麵，雲吞大大粒包得靚靚，蝦肉非常彈牙新鮮，雲吞麵個湯底都好緊要，的確係好鮮甜，飲一啖都想飲晒成碗，呢個湯底令到碗麵都爽滑啲聽到隔籬枱食炸魚皮食到索索聲，我哋都即刻叫返一份，原來係包好一包包拎出嚟，自己食幾多倒響個碟度，咁樣既不浪費食物，亦都保持魚皮爽脆，做得好！食落口就知道點解枱枱都叫，爽脆而冇油膱味，就已經夠讚好啦由於我自己戒食飯，但又好鍾意食肉，所以個招牌牛全部就最啱我啦，全部包括牛腩牛筋牛肚牛柏葉同肥牛，真的很牛哈哈！每一樣都咁有咬口入味，而唔會腍冇晒味，特別係牛腩嘅香味好正，鍾意辣嘅加少少辣椒油更加相得益彰，而更加鍾意嘅係牛筋，煮到個煙韌到剛剛好，食咁多肉都要食返碟油菜嘅，叫咗芥蘭，真係好爽口喎，咁當然灼嘅功夫唔少得，拿捏得相當好呢度最好嘅，就係樣樣嘢都自由配搭又有個特價俾你，例如飲品，當中檸檬茶嘅茶底做得唔錯，都想讚吓店員非常有禮貌，又多一個好食處了…查看更多

旺角新開～經過見到裝修企理而且平平哋 就入去食吓～招牌牛全寶飯（送紫菜湯） $78肥牛、牛筋、金錢肚、牛腩、牛柏葉超級足料 牛腩好好好好食肉夠嫩滑 完全唔柴皮 仲食得出牛肉嘅香同肉嘅甜味 正！肥牛同牛筋都好入味～牛全寶河粉$68我覺得料好似比全寶飯少（雖然都多料 但飯仲多抖😂)但個人覺得全寶河比飯食落好食～腐乳通菜 $13啲菜好幼嫩 無渣～炸魚皮 $15份量好多 一大包!食唔晒我都有拎走 拎走都幾方便😆檸檬利賓納/凍奶茶正常影囉～其實普通一碗粉都係三十零蚊如果再想食平啲，都可以選擇其他…查看更多

位於旺角道的「裕記牛什魚蛋粉麵」，顧名思義係一間主打港式牛雜及魚蛋的粉麵店。店內燈光明亮，環境乾淨衛生餐牌上供應各款不同配料的港式粉麵，定價適中親民咖喱魚蛋魚蛋好彈牙，鮮甜味美，配上咖喱汁，別具風味招牌牛全寶飯餐廳招牌牛全寶包括：牛筋、牛肚、牛柏葉、牛腩及肥牛。每款都炆得好入味，牛味濃郁，佐飯一流紫菜湯跟飯會送碗紫菜湯魚片頭河粉湯底都幾清甜，河粉幼滑可口，好掛湯！魚片頭滿有魚鮮味，口感彈牙腐乳通菜通菜新鮮翠綠，口感爽脆，配上微微辣的腐乳醬，更加美味凍檸茶酸酸甜甜的凍檸茶冰凍可口，去脂解膩…查看更多

今天下午，我到旺角的裕記牛什魚蛋粉麵，地址是旺角道26號。一進去，就感受到濃厚的香港地道氣氛，讓人倍感親切。我點了金牌牛全寶河粉，裡面有牛腩、牛筋、牛柏葉、牛肚和肥牛，真是肉食者的天堂！還有崩沙牛腩粗麵，麵條滑溜，牛腩軟嫩，搭配上炸魚皮，口感更上一層樓。為了健康，我還點了一碟腐乳通菜和蠔油生菜，清爽又美味。最後，當然少不了兩杯凍檸茶，調整一下口味，少甜的選擇非常合適，喝起來清新又解渴。整體來說，這次的用餐體驗讓我十分滿意，下次一定會再來！#裕記牛什魚蛋粉麵 #旺角道26號…查看更多