影片
营业时间
今日营业
11:15 - 22:15
星期一至日
11:15 - 22:15
以上资料只供参考，请与餐厅确认详情
平日lunch会去食的其中一个选择，午市时间都会见到好多学生光顾，就知道价钱有保证😬而家好少米线舖仲可以做到$5一个𩠌，而且选择都好多，最贵果几样都系$10今次叫咗鸡肉、腐皮同象拔蚌麻辣米线（中辣）你会留意到有客人落order时叫小辣，店员都会remind问下食过未，如果未食过会建议食5小辣🤫因为呢间米线佢嘅辣度都系比较辣，麻辣汤带小麻味，食落去有种火辣辣嘅感觉，回辣几劲，所以未食过可以由小开始，我就唔系第一次食，所以我已有心理准备，通常我都会叫返杯冻柠茶🫣虽然佢价钱平，但系份量一啲都唔少，我叫咗小米线，但嚟到都可以见到系成碗满晒的～鸡肉有小小碎，偏嚡身；象拔蚌系平时食米线会少见啲嘅选择，切到一条条，容易咬有弹性；腐皮我就每次必叫，我钟意佢系偏软身，而且佢比得好大差方，系成叠咗咁比🫣厚过我银包啲钱😂
继续阅读
叫了一个酸辣小锅米线（中辣），来到碗米线是橙色，一吃只有辣无酸，原来酸就是给你几片酸菜？𩠌是白灼一样，无味，冻咖啡少甜同亚姨话可否加多少少冰，因叫了少甜好甜亚姨用一个不愿的眼神无礼貌地收了我杯咖啡，既然甘不想做就回家休息啦！虽然$60不算什么？但不想煮就不要煮到甘难吃？收钱老板可能感觉自己态度无问题，好像来吃饭欠你们全部人一样
继续阅读
讲到好食嘅米线，都几推介呢一间喺长沙湾既裕一品。分店不多，食咗咁多次都keep到水准。每次去到都必食，麻辣鸡翼，猪润，大肠👍🏻佢呢度仲有黑柏叶，墨鱼头，比较少米线舖头有的。汤底多数会叫，酸辣汤底，同谭仔一样都系10小辣开始。但系佢个清汤底都做得几好，食完唔会觉得好口渴🤝另外都好推荐佢哋嘅其他小食：手帕青瓜，蒜泥白肉等。
继续阅读
自从上个礼拜食左次之后念念不忘 食上瘾真系😂上次叫中辣觉得辣左d 今次叫小辣就啱啱好虽然食中辣系爽😂😂照旧叫左生竹 芝心丸 芝士肠 都系一样咁好食下次试下其他𩠌先另外叫埋麻辣鸡翼鸡翼同米线比就逊色好多因为比较细只 无乜肉 又烧得太干 完全唔juicy麻辣米线黎讲我觉得裕一品比谭仔出色但一讲到鸡翼 谭仔就真系赢九条街谭仔鸡翼大只好多又唔会太干下次食裕一品都系专心食返米线算话说原来过左几年疫情裕一品全港得返长沙湾同筲箕湾两间分店有排葵涌返工成日食佢 原来葵涌分店已经执左好耐希望长沙湾呢间长做长有啦因为麻辣汤底真心掂唔洗成日净系得谭仔😂
继续阅读
长沙湾有一间云南米线店叫裕一品，呢度既麻辣汤底，好似谭仔或三哥，但我觉得味道更加多层次，而且相对唔会咁刺激。或者你地以为裕一品系跟随谭仔口味就错了。如果你生活喺深水埗附近，就会知道呢间米线店比谭仔开得早，而且可以话系元祖云南米线店之一。至于𩠌菜，鸡肉相对比较碎，但唔会有雪味同腥味。如果你想试下啲特别嘅𩠌菜，墨鱼头绝对系我推介。首先，米线店相对比较少有墨鱼头，而且只系加7蚊，相当超值。如果你觉得米线唔够饱，裕一品都有售卖烧烤，而且系平靓正。我首推烧猪仔脾，即叫即烧又大份，叫埋麻辣仲惹味。另外，呢间米线店价钱上非常抵，食两𩠌都唔洗40蚊落楼，仲要连埋冻饮，所以你会见到唔少街坊或学生都黎帮衬。如果你钟意食谭仔或三哥米线，就一定唔可以错过裕一品啦！
继续阅读