影片
港铁油麻地站 A2 出口, 步行约5分钟
继续阅读
开饭介绍
环境整洁，以车仔面作主打，口味和价钱大众化，很受客人欢迎。
继续阅读
营业时间
星期一至日
10:30 - 23:30
以上资料只供参考，请与餐厅确认详情
招牌菜
今晚旺角作客镖赛，约埋班队友系旺角那那声食少少野就去比赛，路过见依间车仔面唔洗等位，是但啦﹗依度地方都几宽敞，感觉都几干净，光光猛猛。发现全部职员都系操非纯正广东话㖞，谂住主攻自由行生意同声同气有著数？队友一个都未到，第 1 次黎帮衬视察下环境，顺便睇正有咩好野食先。依间车仔面无得划飞仔啊，要亲自出去排队 order，眼见选择都十分之多㖞。烟鸭胸、豆腐卜、鱼皮饺、肠仔、鱼蛋、菜芯、猪红、墨鱼丸、芝士肠、牛腩、牛肚、萝卜、猪皮、猪肠、等等。猪红萝卜牛腩鸳鸯走葱多辣，有菜芯送噃，多谢。眼花撩乱选择多，求其普通算喇啦。猪红萝卜牛腩鸳鸯走葱多辣，见到猪肠系深啡色㖞，一心谂住系因为腌得好入味，点知又苦又涩又腍劈劈，劣﹗萝卜无味又硬又有渣，劣！牛腩肥多瘦少味道又浊，麻麻地。免费菜芯不甜，幸好够爽又多水，合格。猪红萝卜牛腩菜芯鸳鸯走葱多辣，我叫粉面鸳鸯，厨师阿姐烚到河粉碎溶左半，用筷子都夹唔到呀，又要用羹食！粉面系要先后分开烚架，一齐烚一系河粉溶、一系面太生，无 heart！汤底淡如水，就算加左辣汁都救唔翻。再问侍应叔叔比多一碗仔辣汁倒晒落去捞，只微辣不香，失望！搞到我突然好挂住挂住西贡松记呢！食开红磡发记、红磡民裕、大埔万利都好食过佢何止百倍！
继续阅读
路经旺角，看到这整洁的小舖，正好可以休息一下，入口是贩卖区，先奌选食物，付款，坐下，即有店员送上热腾腾的食物。车仔面的𩠌莱选择多，様様都好吸引，叫了三𩠌面(菜心，冬菇，鱼旦)才三十元，抵食，最难得佢D新鲜菜心又大条又翠绿，冬菇够味，鱼旦弹牙，下次经过一定再encore。佢个清洁呀姐，身手敏捷，我一放下筷子，人到声到，收左碗，枱都抹干净……！
继续阅读
师生球赛后，人既倦困之余又饥肠辘辘。走在大街上，开始抱持着"不理好丑，但求就手"的态度，随随便便走进一间车仔面小店内，快快趣食碗面就嗱嗱临乘车回家大觉睡....例牌要了我最爱的油面，另加猪皮、猪肠、萝白及牛腩作面码。没有其他古灵精怪的配料或汤底，吃的正是一碗地地道道，你我从小就吃大的嗱喳面....汤是意料之内的一大碗味精水，当然不喝为妙。但反而后加的一小匙辣酱却是够晒刺激，配上一众面码来吃，甚是滋味....牛腩不算很淰，而且大部份是碎湿湿的；萝白不很清甜但还算不硬实而且冇乜渣；猪皮厚身又爽口有咬头，应成为主角份子；猪肠虽有点膻味但胜在肠内仍存不少白色脂膏，食起来仍带有丁点丰腴之味....虽不是十分有水平，但嬴在既抵食也很饱肚....在此刻，仍能苛求甚么 ?
继续阅读
喜欢食车仔面既原因好简单,就算一个人都可以一次过叫好多款不同既糇菜一次过满足自己既口福.今次叫左冬姑, 韭菜, 萝卜,猪肠, 鸡翼尖配河粉.此店既食物都唔错, 样样食物都腌得够味又唔会过咸, 特别喜欢佢地既鸡翼尖有阵阵既卤水味道冬姑本身大只又厚身加上炆得淋身同样一流.反而最唔喜欢就系萝卜又有渣又唔甜, 猪肠就算一般不过最起码够干净已经算合格.
继续阅读
行完旺角刚好经过, 好在有位坐o者.即刻叫左个车仔面, 幼面加尤鱼,鱼蛋, 同可乐.一杯冰冻既可乐最o岩降温呀!!!个面真系几好食, 最好食系串尤鱼, d鱼蛋都几弹牙, 好味道!
继续阅读