街角甜品

营业中

休息中

我最近到了一家新開的餐廳，叫「街角甜品」。呢間舖頭已經轉咗好多手，估唔到開咗間甜品舖。我地4個人食，不約而同大家都係點了芒果小丸子。每一碗都有半個新鮮芒果，入邊係沙冰加芒果汁，味道好濃郁，甜度適中👍🏻👍🏻👍🏻 小丸子好有咬口，但又吾會硬，煙韌程度適中👍🏻，極力推薦👍🏻👍🏻👍🏻👍🏻之後我哋仲叫咗燒賣，一份有12粒，原來係一個炸燒賣來。燒賣比較硬，如果喜歡吃比較硬嘅燒賣可以叫🤣🤣🤣🤣最後，我地重叫左酥炸墨魚丸，反而呢個好好食，外脆內軟，外邊嘅脆皮係好脆👍🏻，同燒賣好大對比總的來說，呢間係聯和墟最好食嘅糖水舖，同埋環境都比較乾淨，可能因為新開張。小食嘅話大家可以再試下✔️✔️✔️(最高5個💋）價💋💋💋景 💋💋💋味💋💋💋💋

咁多年黎住喺粉嶺，都覺得聯和墟冇好食嘅甜品。呢間甜品舖之前開喺上水，未有機會一試。估唔到佢竟然開喺聯和墟！聽啲人講佢嘅芒果小丸子非常好味，買咗佢嘅外賣，另外加咗一碗紫薯芋圓西米露。先講嗰碗西米露，個西米露係紫色嘅連埋啲西米都係紫色嘅。味道好好，不過啲芋圓一啲都唔煙韌，呢個真係要改善。至於個芒果小丸子係好好食嘅，芒果又香又甜而且落足料。令人諗翻起以前許留山嘅感覺，不過小丸子就冇味道，可能同西米會襯啲。

以前由坑頭舖個時已經開始幫襯佢，佢啲糖水真係好高質，芒果香甜足料，西米勁有咬口，小丸子煙韌好食，仲有芋圓真材實料，真係食到芋頭，番薯粒。誠意推介👍👍👍👍👍👍不過題外話，佢除咗糖水好食之外，佢啲小食都好正，好似南乳雞翼，香辣雞翼尖，用呢啲小食黎送酒做消夜簡直一流😋😋😋😋佢而家仲要搬到咁方便，我諗我應該隔日就去幫襯，想唔變肥都好難🤦‍♀️🤦‍♀️🤦‍♀️🤦‍♀️如果住附近嘅朋友仔建議試一試，因為真係近年來喺北區好出色嘅糖水舖，希望可以繼續做落去同埋保持水準💪