影片
食家推介
叫要椰汁仙草冰，因口喝好快就饮完椰汁，剩余仙草在杯底，老板见到即时问我，是否需要添饮椰汁，老板实在太好人，很感动啊！另外，杂果豆腐花很好吃，豆腐花新鲜制作，很滑又够新鲜，加上雪糕球绝配。
继续阅读
同朋友喺联和墟食饭，食到大半饱，但系朋友话未够喉，唞一唞要去食甜品。最后佢选咗呢一间，我话有冇刨冰食，佢话唔觉有。坐低睇餐牌真系冇，有少少拣唔落手。但系突然间喺隔篱枱见到一碗劲大嘅刨冰，即刻问侍应𠮶个咩嚟嘅，原来系佢哋新推出嘅香芒雪山。系未印得切所以Menu冇。咁就嗌嚟试试啦，不过就将个芒果雪糕转咗其他味道，今次就拣咗水蜜桃味。望落去啲刨冰真系好似雪咁样样几靓，食落去惊喜爆灯，原来佢个冰底系用咗椰汁去整超浓嘅椰香味。重点嘅系入口即化，真系好有心思嘅冰底。因为呢个太出色，朋友连佢个糖水都食唔晒反而进攻我呢个香芒雪沙。可能个椰子冰底太出色个水蜜桃雪糕就轻咗少少下次要试其他味道嘅雪糕。
继续阅读
以粉岭上水黎讲呢个算高质素，甜品款式多又甜度刚刚好，讲个腐竹流心蛋只蛋都有蛋味，紫米系列加丸子简直一绝又足料，价钱又唔太贵，个外卖兜好实净可以重用款外卖坐车都唔怕倒泻，好食过元朗果间老字号多多声，我好小赞人，希望可以长做落去，员工又有礼貌,终于有返D好野食吓，加油99分啦
继续阅读
今日系上水做完运动，见天气咁热就想睇下附近有咩甜品店，结果上网一search就揾到呢间街角甜品。真系冇改错名，真系系街角xD..初头见到个营业时间系5点，我地黎到差少少先到5点，本身谂紧会唔会太早或者人地未开之类，后尾店员又比我地入去，坐低左无耐又比左两杯冻水比我地，话出面好热，态度都十分之好，抵赞!!我地叫左一个西瓜仙草同埋芒果小丸子捞，份量好大同埋都好好食，感觉比出面D甜品店性价比高好多!!西瓜好清甜，芒果都唔差，而且份量多到差D食唔晒，夏天黎食简直系正，又解暑又爽。食食下个店主就过黎话今日系七夕，递左个IPAD转转盘比我地，话情侣可以试下抽下，睇下中咩奖，当中有送仙草、送xxx、同埋最好既免费送一碗! 于是我地就抽，竟然转中左free一碗!! 店主佢地应该系一家人黎，佢地话琴晚不断转都转唔中，我地一转就转中，实在太好运!!我都觉得自己今日运气好好，店主仲不断恭喜我地，有呢d卓头野搞下真系几好，而且服务态度都好好，亦都睇得出舖头都好落本去经营，就连外卖d盒都系唔同出面既，见到系特制防漏型既设计，亦都见到几个黎叫外卖，店主仲话营业时间会再提早d，姐系话下次可以再早d，值得下次再黎帮衬~ 我觉得绝对系北区稀有既惊喜甜品舖。 (p.s. 店主个仔好得意haha~)
继续阅读
我系元朗慕名而来，都听过身边好多朋友推荐呢一间餐厅，食完之后，觉得食物好有水准，服务态度极好，价钱正🫶🏻🫶🏻👍🏻👍🏻系一间有良心既餐厅，中意❤️❤️下次会再黎🥰🥰夜晚同朋友食甜品不但开心，仲同餐厅既员工好好吹，上次过嚟嘅时候，餐厅好多客人，但都保持住很好嘅态度，感觉好似有家既感觉，希望可以早日开分店😊😊如果近屋企嘅话，都想日日都可以食到，而家好少餐厅会有呢种感觉，❤️❤️❤️绝对值得去
继续阅读