街角甜品 (已搬遷) 新店位置

今次第二次幫襯，主要幫屋企人買糖水，今次叫左皇太后芒果西米露，佢既西米係我最鍾意嘅其中一個地方，因為真係好有咬口，而且又大粒，啲芒果好甜唔會酸，但佢個種甜又唔係個種甜到會好漏個種，所以成個甜水既甜度都係唔錯，連平時唔太食糖水既皇太后都讚不絕口，後尾先發現佢原來買滿200可以送上水區，不過佢自取就有9折，我覺得如果渣開車入黎買的確係幾抵既！最後要讚下佢地既Service，有個後生仔話食完如果有咩意見歡迎同佢地講，等佢地可以改進，整體幾有禮貌，出貨時間都快既，唔洗等好耐。

整體唔錯，落左單5分鐘後就裝好糖水出黎，好快手！叫左2碗糖水，2碗都唔係好甜，幾好味！芋圓味都好出，如果可以多多幾粒芋圓就好了😋希望將來都可以keep住個水準！

係上水住左咁耐，來來去去都係食個幾間，有日係社交平台 度見到有人話呢間新開既糖水舖feedback 幾好，所以特登渣車黎試，不過真係幾遠，無車真好少會入黎買。入正題拉，我本身唔太鍾意食芒果，所以無叫到佢哋既招牌芒果糖水，反而叫左個紫薯西米露，佢啲西米比出面既糖水舖大嘅，咬落幾有口感，我個人幾鍾意，紫薯都有薯味既，但我覺得個椰汁底好香，唔係好重奶味，甜度都幾好，如果近市中心啲我諗我會幫襯多啲🤪

今次又去左幫襯，上次去到竟然賣哂芒果西米露，勁失望今次突登早啲去，當然又係食反我favourite芒果比上次更足料，個椰汁底勁香啲勁彈牙勁有口感既西米，食完真係好滿足

芒果西米露好好食！芒果夠曬甜 一啲都唔酸！🥭而且有好多芒果椰汁好香 食落都好有椰汁味唔會好似出面鋪頭溝左水咁無味西米煲得剛剛好 有咬口外賣盒很貼心 不是發泡膠不會倒瀉到周圍都係價錢實惠 份量非常足料👍🏻十分推薦！會經常幫襯😍👍🏻

芒果舊舊都勁甜唔會酸西米露係大粒西米露。非常有咬口！唔似其他鋪用細粒西米露無咩口感椰汁底好濃好香呢個價錢絕對足料絕對抵食北區應該搵唔到第二間同水準既芒果西米露有行開附近一定要去試下價錢未必係最平，但水準一定比其他鋪頭高無意中發現呢間新開張既鋪食過反唔到轉頭

上水好少甜品選擇，呢度既甜品真係唔錯，因為我個人比較鍾意食芋圓，所以食左幾次都係叫芋圓西米露，芋圓煙韌彈牙，比好多之前食過既台式甜品仲好食，好有驚喜，西米露落左椰奶香甜又唔漏，仲有仙草好滑好似豆腐花咁，甜品即叫即整，用料新鮮，仲有幾款小食都係即叫即炸，例如炸雞奕同炸雞扒都係我既首選，香口得黎又唔會炸過火，食左幾次都保持住好好既質素，而且價錢相宜，如果外賣自取仲會有九折優惠，真係為上水搵食既人帶黎口福