影片
今次第二次帮衬，主要帮屋企人买糖水，今次叫左皇太后芒果西米露，佢既西米系我最钟意嘅其中一个地方，因为真系好有咬口，而且又大粒，啲芒果好甜唔会酸，但佢个种甜又唔系个种甜到会好漏个种，所以成个甜水既甜度都系唔错，连平时唔太食糖水既皇太后都赞不绝口，后尾先发现佢原来买满200可以送上水区，不过佢自取就有9折，我觉得如果渣开车入黎买的确系几抵既！最后要赞下佢地既Service，有个后生仔话食完如果有咩意见欢迎同佢地讲，等佢地可以改进，整体几有礼貌，出货时间都快既，唔洗等好耐。
继续阅读
整体唔错，落左单5分钟后就装好糖水出黎，好快手！叫左2碗糖水，2碗都唔系好甜，几好味！芋圆味都好出，如果可以多多几粒芋圆就好了😋希望将来都可以keep住个水准！
继续阅读
今次又去左帮衬，上次去到竟然卖哂芒果西米露，劲失望今次突登早啲去，当然又系食反我favourite芒果比上次更足料，个椰汁底劲香啲劲弹牙劲有口感既西米，食完真系好满足
继续阅读
芒果西米露好好食！芒果够晒甜 一啲都唔酸！🥭而且有好多芒果椰汁好香 食落都好有椰汁味唔会好似出面铺头沟左水咁无味西米煲得刚刚好 有咬口外卖盒很贴心 不是发泡胶不会倒泻到周围都系价钱实惠 份量非常足料👍🏻十分推荐！会经常帮衬😍👍🏻
继续阅读
上水好少甜品选择，呢度既甜品真系唔错，因为我个人比较钟意食芋圆，所以食左几次都系叫芋圆西米露，芋圆烟韧弹牙，比好多之前食过既台式甜品仲好食，好有惊喜，西米露落左椰奶香甜又唔漏，仲有仙草好滑好似豆腐花咁，甜品即叫即整，用料新鲜，仲有几款小食都系即叫即炸，例如炸鸡奕同炸鸡扒都系我既首选，香口得黎又唔会炸过火，食左几次都保持住好好既质素，而且价钱相宜，如果外卖自取仲会有九折优惠，真系为上水揾食既人带黎口福
继续阅读