行來發餐廳

2022年在愉景湾staycation, 走去坪州揾食，误打误撞帮衬此店，竟然系质优价廉，老板娘又热情好客。几年来不时到此饭聚，食物都保持水准。事先沟通，老板娘就会找合时鲜活海鲜，以一流厨艺烹制，每次都心满意足。终于觉得不为它作推介，好似对佢唔住。这里的泥鯭一流，可以令你对泥鯭鱼改观。小炒、豆腐、炸子鸡都是必食之选。大家最钟意食椒盐濑尿虾、奄仔蟹。各类海鲜，蒸炒煮炸都未失过拖食到舔舔脷，最紧要早几日订枱叫老板娘发办。…查看更多

🍲沙嗲粉丝肥牛煲上枱时见到个沙煲滚到飞起, 牛肉肉质软嫰, 沙嗲够晒味, 用嚟送饭真系一流呀🤤🥘小炒王小炒王就每一间都有自己特色, 呢度既小炒王够晒镬气, 而且每样配料都炒到好鲜味, 小编下次嚟都会再叫呢个𩠌🦑椒盐鱿鱼今次既椒盐鱿鱼就逊色左少少啦, 椒盐既味道唔够重, 上菜唔够香, 但每一件都大大旧, 用嚟送啤酒都正架😆…查看更多

同老婆去坪州行下，早上乘渡轮出发约三十几分钟便到，行咗半个坪州后见差唔多食晏时间，便随便揾间食肆坐低食午餐兼休息下，由于系平日关系有啲食肆都冇开门，但就见到呢间都有啲本地人食紧晏，于是决定入去试下。呢间食店都应该开咗有一段日子，简单嘅装修，墙上还有啲历史嘅照片，再看看餐牌，价钱都唔贵，炒粉面饭一般都只系五六十元。大热天时行完山都冇乜胃口，于是只叫了碟肉丝炒面加罐冰冻嘅可乐。大约等咗20分钟碟肉丝炒面才到，一上台见到都几大碟下，面系炸过脆卜卜， 铺喺面嘅肉丝同啲银牙都好多下，真材实料冇花假，以咁嘅价钱都算系抵食，味道都几好！…查看更多

Hea行完一轮坪洲的景点, 又到晚饭时间, 想食𠮶间已经客满, 再拣一轮, 最终系呢一间较多客人的行来发餐厅落脚, 由于室内座位爆满, 被安排坐出店外, 好似返咗大陆食饭咁, 颇有风味。煎蚝饼上枱只碟非常震撼! 大得好夸张, 望落唔太油, 食落都算煎得干身,  鸡蛋煎得香口, 可惜的是蚝肉真的太少, 咁大碟加埋唔够十只蚝!白灼鱿鱼望落去好似冇乜特别, 但全晚最好食嘅竟然系呢碟, 很简单的白灼鱿鱼片林上豉油、熟油, 再加上香葱、芫茜及辣椒丝整色整水, 却很美味, 鱿鱼薄薄一片, 入口爽弹鲜甜, 加埋啲香葱丝同埋豉油, 简单美味。生炒骨酸酸甜甜送饭送啤酒皆一流, 味道可以, 略嫌排骨炸浆硬了些, 排骨肉少了些。凉瓜炒鸡相信呢度做街坊生意多, 啲伙记都好随意下, 冇咩服务可以言, 但都唔会黑你憎, 3个人食四𩠌加啤酒汽水每人百零蚊, 比起其他离岛算抵食!…查看更多

难得周末入坪洲住一晚，入黑后可以选择的餐厅唔多，但做生意嘅都相信系做开街坊生意嘅好嘢。七点几先到，多数人已入座或已被订座，老板娘见我地有心想等，就即时开多张台到路边热情招呼，好有人情味两个人食，本来想食个海鲜，原来尼度食海鲜只可以来料加工，后来决定点三个送，以为正常，点知个煎蛋一上我地就知食唔晒了，分量相当足！热茶牙签纸巾都提供，埋单240。…查看更多