468
10
16
| 餐厅: | 蟹仙海鲜蒸气锅 (龙岗道) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
开饭介绍
主打蒸气火锅，配以各种新鲜的海鲜，当中以「刁钻海鲜套餐」最为吸引，包括东星斑、龙虾、鲍鱼、贵妃蚌等，十分豪华。
继续阅读
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
-
网上订座服务暂停
招牌菜
食家推介
蟹仙有好多套餐选择, 比较自己嘅喜好同价钱, 我地四个人一致决定拣:尊贵海鲜套餐$419(每款海鲜系按人数上的)先提提, 蟹仙每一款嘅海鲜都唔会落任何嘅调味品, 亦会有专人帮忙蒸煮, 我地只顾食, 食, 食...澳洲龙虾(半只), 有膏的, 颇大只, 爽口弹牙太平洋馒头蟹(半只), 蟹肉不多但鲜甜无比大肉蟹(半只), 膏香, 多肉, 大快朵颐台湾鲍鱼, 同一般的鲍鱼无样, 都系好有𡁻头日本大赤虾, 系好大只, 手掌般大, 新鲜, 甜美大西洋野生青口, 肉厚绵密刀贝蚌, 比一般蚬肉大只, 不过, 份量好似少咗DD, 得6只咋日本大元贝,真系靓到不得了, 之前系街市见过大概要卖$50, 不过真系巧正, 粒元贝超大呀韩国斧山蚝, 比日本蚝大只, 较爽口, 口感一流最後有一大篮有机什菜, 正好均衡食材本打算埋单去附近食甜品, 点知店员问上得甜品未?!仲要系非一般甜品:椰汁雪燕服务好, 食材又正, 锺意食海鲜嘅我, 一定会再访。
继续阅读
作为海鲜迷嘅我，每隔一排就会想食海鲜，前排又去左蟹仙食$419道海鲜！😍店员讲解时话老板系做海鲜的，所以会将最好嘅海鲜供去3间铺，唔怪得每次都食到好鲜味😋而且呢到系店员亲自帮你蒸+夹海鲜，真系好尊贵服务！1️⃣贝壳类海鲜- 先上嘅系贝壳类海鲜，有时蚌新鲜到仲会伸出来。✨1.日本野生大赤虾- 真系都几大只，而且个人好锺意食熟日本虾！肉质有种独有嘅鲜甜，而且入面虾膏好香✨2. 台湾九孔鲍鱼- 鲍鱼满满海水味慢慢渗出，食落去肉质弹口，店员控制得啱啱好时间 😋✨3. 日本大元贝- 好厚肉，味道鲜甜，唔驶点酱汁都好好食✨4. 纽西兰刀贝蚌- 超鲜甜大大粒，食落去满口海水同甜味，好想encore😆✨5.大西洋野生青口- 肉质肥美，都几鲜甜。✨6. 纽西兰月亮贝- 虽然比较细size，但原来系海水味最重。 一食落去非常浓海水味，咸咸地更能突出鲜甜味。2️⃣龙虾、蟹类✨7. 太平洋馒头蟹- 唔算好大只，主要系吸蟹膏嘅鲜甜味✨8. 澳洲青年龙虾🦞- 系我最期待嘅海鲜之一！龙虾肉质鲜甜且弹口，食过後口中仲有鲜甜味，好正😋😋😋✨9.罕有藻食绿膏蟹- 呢嘅🦀️都系我最期待的，啱晒锺意食膏又锺意食肉嘅人！膏好香口，好有蛋黄香，而蟹身同钳都好甜多肉，肉质有咬口😋- 最後仲有吸晒海鲜鲜甜味嘅粥底，连排骨都甜😆呢到真系难得地一次过食咁多款海鲜，保证新鲜得来，服务又好嘅地方😍
继续阅读
之前一直book mark左呢间海鲜蒸锅好耐出名，出名抵食又新鲜，今次终於有机会试到！餐厅入面既位置都算阔落，周围仲有啲鱼虹，可以见到啲海鲜好新鲜咁游紧水，不过又唔会闻到鱼腥味。每台都有一个电蒸炉，上面有个竹盖，非常特别！我哋拣咗最多人叫既$419套餐，有成十样野食，超级丰富！餐厅会跟返时节，拣合适既时令海鲜比大家，所以唔同时间黎都可以试到唔同既海鲜～✨日本喜知次喜知次系深海鱼黎，产量极少，所以相当名贵。岂知次本身自带咸味，油脂丰富，所以就咁食都非常鲜味。✨贝类：青口、鲍鱼、螺、月亮贝、珍珠蚝贝类最惊蒸到过熟，呢到既店员会帮你计时开盖，全程唔洗自己郁手。贝类全部都好新鲜，鲍鱼同螺都好弹牙，而且有小工具帮助拆肉，食得好轻松。青口、珍珠蚝非常鲜甜，月亮贝带海水咸味，唔点豉油都好好食。✨大赤虾、膏仔蟹、龙虾见到呢三样海鲜真系心心眼，三样都份量充足，超大只，而且爆哂膏。大赤虾鲜甜弹牙，味道甜美。膏仔蟹超级肥美，而且肉多膏多，多膏之余啖啖肉，蟹膏味浓、鲜甜。龙虾肉雪白吸引，肉质紧致弹牙，头部仲有虾膏，味道比蟹既更香，超级好食！✨蔬菜拼盘+海鲜粥最後仲有蔬菜拼盘，有粟米、娃娃菜同生菜菜，粟米超级甜！海鲜粥就吸收哂之前海鲜既精华，非常鲜甜，加埋菜甫同葱花就更惹味～最後仲有椰汁雪燕作为完结，非常之满足！
继续阅读
谂住食返餐好，所以拣咗嚟食海鲜蒸气锅。呢度出晒名好full，所以要一早book定位。一坐低会见佢地将啲碗碟放入蒸气锅高温消毒，然後就睇吓有咩时令海鲜可以拣。最後拣咗$419尊贵海鲜套餐，会有10款食物。今餐系有专人服侍～ 佢哋会逐样逐样海鲜咁样蒸出黎俾我地食，简直就好似omakase一样。店员会睇住我哋食嘢嘅时间去蒸下一款海鲜，服务一流🌟野生膏仔蟹虽然话系膏仔蟹，但除咗多膏之外，身形都非常之大只，膏味浓，肉又厚实，好味😋🌟太平洋馒头蟹虽然就细只啲，不过非常之鲜甜，冇谂过蟹系可以咁甜，真系食过返寻味🌟澳洲龙虾唔使落调味料，清蒸龙虾🦞以呢个价钱咁新鲜咁大只，真系非常之抵食🌟九孔鲍鱼上枱时候原来已经去除咗内脏，鲍鱼味好鲜，而且肉质够淋易咬，食得好开心🌟日本大赤虾听讲话系用刺身级数，虾头有少少膏而且味道好浓，虾身就非常之甜呀！🌟野生青口平时食海鲜比较少食青口，但呢度嘅青口非常之鲜甜，仲食到少少海水味🌟日本大元贝食海鲜紧系要食元贝，每人足足一大只，冇人同我争，肉够鲜够实，好味🌟珍珠蚝虽然蒸蚝好似有啲浪费，不过又不常系一个食鲜味嘅选择🌟青螺食寿司就见得多，估唔到清蒸黎食都唔错🌟有机蔬菜篮食到差唔多，食返啲蔬菜balance番👍🏻👍🏻🌟粥底全晚压轴嘅就系粥底，头先食过嘅啲海鲜，啲味跌晒落嗰粥底度，加埋芋头粒，猪肉粒，粟米粒，成个粥非常鲜，非常好味。就好似你平时打边炉食净个汤底，会落个公仔面落去煮嚟食一样🤣🤣🌟椰汁炖燕窝结尾有一个非常之多燕窝，加入清清地嘅椰汁糖水～ 整餐都食得好开心，食物又好高质，呢啲咪就系满足罗😆
继续阅读
好想食海鲜，所以今晚来到位於九龙城嘅蟹仙海鲜蒸气锅，听闻店主经营海鲜批货发多年，所以能够搜罗最新鲜最抵嘅时令海鲜。职员先将我哋嘅食具用蒸气锅消毒一次，够晒卫生。然後好耐心咁讲解每个set有咩特点同有边几样时令海鲜。最後我哋拣左$419 啲个套餐，包9样海鲜同一个蔬菜篮，算系中价而又样样都有好丰富。基本上全程有职员侍奉，唔洗自己搞，职员会按着食材嘅味道由浅至浓，续一帮你蒸。因为唔同海鲜有唔同所需嘅时间（非常严谨😆），所以海鲜系续样蒸，等你食完先蒸下一道，感觉好似食紧海鲜版fine dine而啲餐系有12个courses🤣🤣🤣以下系套餐有嘅内容：1. 野生日本大赤虾2. 台湾九孔鲍鱼3. 韩国釜山珍珠蚝4. 日本大元贝5. 大西洋活青口6. 加拿大翡翠螺7. 澳洲青年龙虾8. 太平洋馒头蟹9. 菲律宾大黄奄蟹10. 有机蔬菜篮基本上样样海鲜都咁正，唔单止够新鲜够鲜甜，海鲜都系选用入口靓货而唔系本地平价货。最重要一点系全程由职员监控，蒸嘅时间全部都系啱啱好，将海鲜最完美嘅一面呈现你面前。比起去西贡食海鲜大部分食材都经过烹调，蟹仙俾到你嘅就系「完汁完味」，甚至乎豉油都唔使点，食嘅就系海鲜最原始的味道「鲜味」。食完海鲜个汤底就变成粥。啲个粥底吸收晒所有海鲜嘅精华，鲜甜味爆登，同平时食嘅粥底火锅完全系两回事，真系好味到不得了！最後仲送上椰汁雪燕做甜品，为今餐海鲜盛宴画上完美句号。总结：价钱唔算平，食完个$419 set其实唔系好饱😅，不过啲餐系重质不重量，全部海鲜都系高质货，以啲个价钱有咁多高质海鲜已经系超乎预期👍🏻👍🏻
继续阅读