蟲二

营业中

休息中

穩左好耐先穩到閒舖，因爲係天臺，閒舖都幾大下，有分室内外，一般去新鋪食野都慣左叫招牌菜，定向思維挂，招牌都整得唔好食既話就唔洗霖其他了。一汁三蔡便當，一二分別係前菜、生鷄蛋，三菜可以選擇，六選一，我選坐漬燒鯖魚，另外搭配既茶可以補錢轉其他，我中意飲茶既，米飯係真係好Q彈，但是唔會覺得硬，同之前去日本食既飯一樣好好食，燒鯖魚醬汁好正，我終於食柴柴肉質d野，所以燒鯖魚好符合我要求既，set餐食得非常之飽，本身想再試埋班戟都食唔落了。下次再黎！！

同朋友行開旺角，試試這間在頂樓的樓上舖。先來肉桂朱古力蟲二西多，西多士上淋上滿瀉的朱古力醬及朱古力粉，非常邪惡，再配上雲呢拿雪糕及香蕉，減肥計劃告吹。後上海苔炸薯條/番薯條，薯條夾雜着番薯條，味道兩重奏，有不同享受。最後叫了櫻花忌廉草莓泡泡啤。其實也不清楚櫻花是什麼味道，不過滿滿的泡泡cream加上士多啤梨糖漿，甜甜的，感覺清新。

黎得蟲二緊係要食佢哋嘅signature 一汁三菜便當！會有定期轉換嘅是日副菜、慢煮蛋同鰹魚昆布茶高湯撈飯食我哋叫咗醬油清酒醬燒鰻魚，清酒味唔會好濃，鰻魚都幾大條肉質唔會好妹，調味啱啱好幾好食！見到佢哋出咗新嘢就試下佢哋嘅小食雞軟骨棒棒飲子～個名好qq haha🤣上到黎好似大阪燒嘅調味，食落好香口幾好食好多汁，不過其實唔係好食到雞軟骨桂花麻薯もち傳統班戟同之前比多咗奶蓋！更加多配搭同口味！感覺冇咁膩！有進步！好欣賞吖！

之前黎過呢度食午餐，我同幾個朋友都對呢間餐廳讚不絕口，今日晚餐同媽媽唔知食乜好，我就提議帶佢黎呢度享受下😎😎平日晚餐黎都好多人，好彩我地有訂位，唔洗等太耐🥳 晚餐都有午餐的一汁三菜套餐，今日就有六款選擇🤗我同媽媽每人各叫一客一汁三菜，再叫多個甜品🤓主食我地叫咗一個烤芝士漢堡扒伴海苔肉鬆和一個櫻花蝦豆乳味噌豚肉高麗菜卷配高野豆腐及年糕福袋再互相分享🤩烤芝士漢堡扒伴海苔肉鬆櫻花蝦豆乳味噌豚肉高麗菜卷配高野豆腐及年糕福袋肉桂朱古力蟲二西多葡萄綠茶（熱）櫻花忌廉草莓泡泡啤（無酒精）（凍）今次呢餐媽媽都大讚好味！仲多謝我介紹多一個地方俾佢同佢班老友聚餐🤩🤩蟲二 (旺角)旺角上海街618號頂樓

於2024年4月1日午餐蟲二意思是風月無邊，能夠在喧鬧的都市中抬頭看到明月。的確能在喘氣的步伐下，欣賞清月也是不容易。餐廳位於天台上，不知道晚上時間，能否在月色下享受美食。在香港最近小店倒閉的熱潮下，能夠屹立不倒的餐廳愈來愈少。蟲二是我幾年前曾到訪過的，在旺角上海街618號頂樓， 一個政府保肓的建築物下，更寄望這種高質的小店能被牢牢保護著。主食-一汁三菜便當🍱餐廳主打日本飲食文化當中的「一汁三菜」及招牌班戟。我點了便當，主食為西京箱漬燒鯖魚為主食，套餐包括了日本杞子醬油炊飯﹑鰹魚昆布高湯和一個以蔬菜造成的大白糕﹑雞蛋﹑一個飲品。精緻的賣相，豐富的午餐。根據教學，先吃一口飯。飯素和杞子，為清淡加加添色彩及風味。之後高湯倒入飯中，變為茶漬飯。高湯清香，淡淡的魚味，拌飯一流。另外，餐廳採用日本生食級雞蛋，製成忌廉狀的蛋黃，再加入蟲二蛋醬油，口感順滑。鯖魚表面烤得香脆可口，肉質嫩滑，骨頭也很少，少許的鮮檸檬汁令魚香更鮮，更誘人。大白糕很精美，伴了點高湯入口，味道層次更多。飲品 柚肉檸檬蜜梳打🍋在炎炎的30度夏日下，坐在室外的位置，真需要一杯凍飲。套餐本包了一杯熱茶，但都可以用半價選正價的飲品。

呢度嘅環境好舒服，唔會一食完就即刻趕住埋單👍🏻好啱同朋友傾住計咁食！夜晚露天位置會開著柔和光嘅燈串，寧舍愜意。一汁三菜#清酒醬燒鰻魚鰻魚燒得啱啱好，肉質肥美飽滿，配上清酒醬汁鹹鹹甜甜嘅風味，正👍🏻#烤芝士漢堡扒伴海苔肉鬆平時食開嘅漢堡扒都係牛mix豬呢度就有埋雞肉！望落夠飽滿，食落有肉汁。加埋用火槍微燒過嘅芝士+醬汁😋肉鬆原來痴喺漢堡扒底部，加埋海苔，好豐富、滿足！食呢個一汁三菜呢度好有技巧😆員工會俾最佳食用嘅步驟板，跟佢嘅指示會食到唔同嘅風格&味道認真唔錯！值得一讚就算加入高湯，米飯都唔易爛，唔會變粥嘅口感👍🏻另外，欣賞呢個顏色非常吸引嘅蔬菜果凍！雖然有好多西蘭花、甘筍條、粟米芯…但完全冇食蔬菜嘅感覺好似氹小朋友食咁😆絕對係心機之作！#桂花麻糬もち傳統班戟呢個口感實在，飽肚感滿滿。內層仲有唔少嘅麻薯😋表面煮過嘅桂花醬真係份外清甜，連埋雪糕一齊食好夾！而且仲有唔少嘅水果，好開胃。呢度全部都係拼配茶，我就試咗其中嘅綠茶伯爵茶，伯爵茶會中和綠茶嘅澀味，唔錯！另外仲嗌咗呢杯蟲二調製飲品-百里香檸檬梳打消暑一流！最岩呢排悶熱嘅天氣。

終於嚟到蟲二呢間天台餐廳啦(´∀`)有室內同室外座位～見天氣幾好 揀左坐𝘰𝘶𝘵𝘥𝘰𝘰𝘳 感覺都幾悠閒 假日幾乎滿座啊✿ 一汁三菜便當 $①⑤⓪♡ 烤芝士漢堡扒伴海苔肉鬆♡ 日本穀米杞子醬油炊飯 配 鰹魚昆布茶高湯本身衝住麻糬班戟到訪 但發現主食更出色´･ᴗ･`漢堡扒厚身軟熟 有手打嘅感覺 唔會好重口味杞子飯養身又好吃 加入高湯同溫泉蛋後更有口感.✿ 伯爵茶麻糬傳統班戟 $①⓪⑧似加厚版熱香餅！唔算好鬆軟 但配埋中間嚿巨型麻糬口感幾得意麻糬係有拉扯感嗰種煙韌 同時帶點軟糯班戟有淡淡伯爵茶香 配上雪糕同海鹽芝士醬 甜度可接受 但開心𝘴𝘩𝘢𝘳𝘦會無咁膩呢

💡鬧市天台花園Cafe旺角人多車多，又點估到上海街復修唐樓天台會收埋間咁高質嘅Cafe？有花園之餘，全層都係自己食客，唔會比行街shopping嘅人流騷擾。食物同環境都非常唔錯。🍽️半湯烤五花腩片蕎麥麵🐖非常清新好食！火灸叉燒皮爽肉香。選擇蕎麥麵係最驚喜，麵質爽彈，喺醬油入面拖一拖，入口清爽滑溜，搭配涼拌抽葵、芝蔴油、芥末、同日本忌簾溫泉蛋，可以有五六種唔同口味配搭。個人建議一定要加芥末，清涼感覺非常啱呢個濕濕luplup天氣食呀！🍽️酒鬼朱古力麻薯班戟班戟配上雪糕，本以為係冰火兩重天，入裡仲有煙韌嘅麻薯，女仔食呢份點品最好就叫埋閨蜜或者男朋友一齊share，咁先可以試多啲cafe嘅其他食物呀🍽️蟲二酒釀桂花啡🍸聞落有桂花香，飲落有啡味，但如果將飲筒探落低，就可以啜埋香甜糯口嘅酒釀，配埋本身無甜嘅咖啡，當堂再醒一醒神！唔怕咖啡因嘅朋友仔，夜晚飲都仲得呀！🍽️櫻花忌廉草苺泡泡啤（無酒精）🍸上舖花碎，中層係打碎嘅新鮮士多啤梨，入口甜身編密，帶少少有氣泡感，推薦比女孩子飲！

自從上海街618活化左頂樓有間日式餐廳一直好受歡迎，餐廳有室內同戶外位置，擺左好多植物令人覺得好舒服! 佢地主打日式家庭菜，提供多款便當同一汁三菜套餐今次黎到試左都好有驚喜一汁三菜 $150一主食配上是日副菜、63c 慢煮蛋同鰹魚昆布茶高湯主食揀左豆辦醬箱漬燒鯖魚，大大條外皮脆脆地，同中式既豆辦醬又幾夾可以配上日本穀米杞子醬油炊飯一齊食更滋味蛋黃醬煎魚餅 $55魚餅切條有咬口，配上蛋黃醬更惹味酒鬼朱古力麻薯傳統班戟 $118班戟軟熟，加入麻薯更有咬口，幾鐘意用左威士忌，百利甜酒同朱古力整成既醬，甜而不膩，仲有雪糕有種冰火相融既感覺桂花烏龍 $65用個茶壺裝住好精緻，啖啖桂花香茶味濃，有助解膩惱春風 $90呢杯係餐廳既特色Cocktail，加入冷泡黑莓茶、玫瑰酒同鮮橙汁，甜甜酸酸好開胃

旺角樓上休閒風格cafe，個人最鍾意佢哋嘅甜品班㦸，甜到入心超好味😋。一汁三菜-清酒醬燒鰻魚 $150杞子醬油飯本身味道已經好香口，跟住步驟慢慢加入清甜高湯、蔬菜果凍副菜以及慢煮蛋一齊食層次更豐富，燒鰻魚醬汁味濃郁，十分好味。醬油糯米團子串 $65口感軟綿煙韌，食落充滿醬油香甜味，點埋個千島醬一齊食更美味。華田傳統班㦸 $118蟲二我最愛嘅一道甜品，之前試過朱古力味，今次就試華田口味，整個班㦸都充滿華田醬同碎碎，內層嘅煙韌麻薯大大增強口感，上面仲有大大個雪糕球，鍾意甜品嘅我真係食到停唔到口😋。柚肉檸檬蜜梳打 $58香甜柚肉加上酸酸甜甜嘅檸檬蜜，配埋爽口梳打，飲落好醒神開胃。洛神花水果茶 $65花香味十分濃郁，味道帶微微酸，飲完口腔仲有花香味餘韻。蟲二 (旺角)旺角上海街618號頂樓

由於市區重建的關係，油尖旺區逐漸多了不少新型大廈。過往在歷史中佔一席位的地方，經過重建及翻新後，默默矗立在鬧市其中一角，延續其歷史使命🥸今次到坊的重建大廈位於上海街618號的618上海街🤭現時被評為二級歷史建築，集文創、飲食等特色商店於一身，加上交通方便，成為了文創愛好者的熱點，旺角另一個消閒好去處🏃🏽‍♂️💨618樓上亦有不少特色餐廳，其中一間是位處大廈天台，主打中日家庭料理的cafe🍲精緻的料理、具田園風的環境，令人心情舒暢😆環境🌴餐廳分為室內及戶外部份：室內的裝修簡約，天花板上有燈泡串連接（室內及戶外部份都有）💡晚上開燈，一定非常美觀😍建議大家可以考慮晚上到訪😂戶外則放有不同盆栽🪴，地下的部份也有小園圃，加上木地板和小涼亭等設施，營造田園風的環境。陽光普照的下午，在戶外吸收維他命D，感覺寫意😎食物🍱作為中日家庭料理餐廳，其吸引人的其中一項食物，是「一汁三菜」。即是飯、主菜和副菜，加上高湯作為一個料理套餐；招牌斑㦸亦是另一款受歡迎的甜品，配上煙韌麻糬，口感一定不錯🤤🥞一汁三菜（$150）1. 日式穀米杞子醬油炊飯🍚🔸使用日本穀米煮成的飯，加入杞子及醬油，再在飯面灑上海苔碎、芝麻，使炊

今日朋友生日，預約了這一間文青Coffee Shop。第一次來到這個商場，商場以文青，復古，社旗， 和cafe 為主題，十分好逛，是一個文青認識香港的好地方。餐廳位於這幢商場的最高層，天台的位置，周邊配有花花草草，非常寧靜，且舒服，且休閒的好地方我們三人分別叫了一汁三菜的自家製式美食。擺盤精緻，附上一個小木牌，教導你進食嘅方法。1.清酒蒲燒鰻魚（$150）2.高野豆腐豆乳豚肉野菜卷配櫻花蝦（$150）3.大阪燒風味黑胡椒烤雞塊（$150）4.蟲二酒釀桂花啡（+$32）5.櫻花忌廉草莓泡泡啤（+$32）最後我們還叫了一道甜品，餐廳可以加$25 ，送上一個小生日牌，蠟燭，附上姓名，寫得非常美麗，亦非常貼心。6.桂花麻糬傳統班戟

最近和朋友一起造訪了這家位於上海街的天台cafe，不論在餐廳的食物及環境上都充滿了驚喜。首先，我們點了兩個「一汁三菜」便當，分別選了烤芝士漢堡扒伴海苔肉鬆和大阪燒風味黑胡椒烤雞塊配牛油椰菜餅。便當還包含了一道副菜、63度慢煮蛋、日本穀米杞子醬油炊飯、鰹魚昆布茶高湯和熱焙茶。烤芝士漢堡扒份量一點也不少，兩大塊厚厚的漢堡扒，每一啖都能吃到滿滿肉汁，而且配上芝士海苔和肉鬆，味道非常可口。而黑胡椒烤雞塊亦同樣出色，除了烤得香口的雞件，底層的牛油椰菜餅更讓人嚐到濃厚的日式風味。至於配菜都展示了餐廳對細節的用心，他們提供了建議食法和次序。63度慢煮蛋的蛋白鮮嫩、蛋黃濃郁。炊飯則是以日本穀米搭配杞子醬油烹煮而成，米粒飽滿而有嚼勁，搭配著杞子醬油的淡淡醇香，讓人回味無窮。鰹魚昆布茶高湯則是清爽又帶有淡淡的魚香，提供了一份清新的口感。最後，熱焙茶是一個完美的結束，它的香氣和濃郁度讓人感到舒適和滿足。除了美食，這間天台cafe的環境也是一大亮點。天台上的燈飾營造了一種溫馨而浪漫的氛圍，讓人感到舒適和放鬆。坐在這裡，我們可以一邊享受美食，一邊欣賞城市的美景，讓人彷彿置身於一個別具特色的小天地。

餐廳位於天台 有室內室外嘅座位 座位舒適主打家庭式料理 仲有自家製pancake我幾鍾意佢哋嘅甜品!!又打卡又好食 -🍚一汁三菜 💰$150一汁-鰹魚昆布高湯 三菜-前菜、慢煮蛋、主食主食有6款 我哋揀咗大阪燒風味黑胡椒烤雞塊 配鐵板牛油炒野菜餅雞扒滑嫩 燒得好香食到一半再加埋隻慢煮蛋 撈飯食好正-🍫肉桂朱古力蟲二西多 💰$118吐司係以肉桂蛋漿長時間浸泡 不過陣肉桂味唔算好濃烈 因為我麻麻地肉桂都覺得幾好食😋食落其實唔似西多士 比較似蛋糕多啲配上邪惡Hershey朱古力 雖然望落好邪惡 但搭上牛奶雪糕就食落一啲都唔膩 -🫖綠茶伯爵茶 💰$65用一個壺裝住 陣味幾特別 同時有綠茶同伯爵茶嘅香氣-🍋柚肉檸檬蜜梳打 💰$58清新之選✨仲有粒粒果肉可以食

蟲二位於旺角上海街618號頂樓，是一間主打中日家庭料理的咖啡店。餐廳提供多款日式定食，這裏分為室外和室內用餐區域，佔據天台的左右亦，室外環境遍布太陽傘，環境清幽，晚上懸掛一顆顆的燈光，更別有一番風味。唐揚炸雞 $78唐揚炸雞外皮酥脆，內裡鮮嫩多汁，搭配蛋黃醬更加開胃美味一汁三菜 清酒醬燒鰻魚$165一汁三菜便當是餐廳招牌菜式，店員也有提供建議使用方法。清酒醬燒的鰻魚香甜可口，佐以高湯、杞子醬油飯和日式慢煮蛋，整體感覺有著仿佛在日本家庭享用的菜餚風格酒鬼朱古力麻薯傳統班戟$118口感香濃細膩的可可味班戟，搭配威士忌、百利甜酒和朱古力調製的醬汁，入口濕潤不過甜，絕對令人回味無窮，確實是大人口味的甜品桂花烏龍 $65桂花烏龍茶以傳統茶壺沖泡，清香怡人，帶來一股醇厚的香氣阿童木 $90 採用南高梅梅酒、宇治抹茶和鹽炙檸檬調製而成的Cocktail，散發出濃厚的抹茶香氣，味道偏酸開胃，讓人驚喜