蟠龍粉麵茶餐廳

無花巧典型港式茶餐廳。舖頭唔算大，但選擇多 。蒸飯、 燒味、 碟頭飯、 粉麵 、腸粉燒賣咩都有。全部$3x-4x 就有交易， 今時今日向上環中心地段 ，簡直良心價。👍🏻餐廳雖然細但擺位唔算好密，就算中午坐滿都唔會好迫。職員廚房落單上菜「好好好好快手」， 幾分鐘有得食，流水作業，唔會堆曬d 人向度，好岩趕時間嘅打工仔。 推介牛腩河，份量夠飽， 湯底同佢嘅自製辣椒油都好好食。可惜疫情之後無開晚市，唔係會成日黎食！！！😋…查看更多

好想食常餐 公仔麵 就係公司附近就試吓佢😳有驚喜 餐蛋面加熱飲 $28炸 餐肉好厚😂要求公仔面生啲 爽啲 都做到俾我！好少茶記會理生定淋 會多多支持 值得唔洗加一 坐幾耐都得 附近好少呢類餐廳…查看更多

聖誕節假期早上，上環少有開的茶餐廳，入面竟然大多是韓國遊客，搞笑。雖然是小店形式但食的種類也不少 有 粥麵 有港式早餐更有腸粉魚蛋燒賣香港地道的早餐都應有盡有地供應了32元吉列魚柳早餐， 沒有炸得過頭， 也沒有很油膩。 但這個配公仔麵顯得比較奇怪。見有十元燒賣話好抵食立即再叫，。這個價錢絕對冇要求了這些街坊平民小店我們更著重視態度與基本環境衛生， 他們雖然都挺忙但也沒有黑面很多遊客 比較 麻煩的問東文西店員都盡量用英文回答。總結來講， 日常上班上學時入去醫肚絕對可以接受水平的。 加上都算豐富選擇和極之親民的價錢，可以捧場！…查看更多

【中西區】【蟠龍粉麵茶餐廳】聖誕嗰排去酒經嘅聖誕市集，位置係喺香港第一條街道「水坑口街」，可以話係別具意義。不過呢個景點我都去過幾次，講完又講就略嫌長氣。不如講吓點解我喺附近食嘢吖，話說我係約咗經理哥喺酒經聖誕市集附近等嘅。之但係經理哥同我未能喺同一個時間到達相應嘅地點，咁我就當然就唔會話經理哥遲到啦，經理哥係唔會遲到嘅，我早到咗啫。咁我就喺附近食啲嘢先，等經理哥嚟到就啱啱好喇。見到餐廳唔多，好似都係得呢間適合，就食啦。叫個 $36 嘅「常餐」，呢個價錢就咁望落去已經覺得係頗抵食嘅。所以主食「沙嗲牛肉麵」唔算好突出，只屬正常水準嚟講，我對佢哋印象都唔錯。配菜「西煎雙蛋」同「牛油多士」水準都 okay，絕對對得住呢個價錢有餘。嘢飲我揀「熱奶茶」，出奇地佢茶味唔澀，奶味夠香濃，竟然有極大嘅驚喜。飲完之後呢幾星期，我都有間中回味吓呢杯嘢嘅香味，好堅！由於經理哥仲未到，叫多碟 $10 嘅「燒賣」七粒，味道都可以。埋單 $46，個人幾中意。。。（地址：上環皇后大道中367-375號地下2-3號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #上環 #蟠龍粉麵茶餐廳 #茶餐廳 #常餐 #沙嗲牛肉麵 #西煎雙蛋 #牛油多士 #熱奶茶 #燒賣 #1am1246 #1ambackup…查看更多

早餐時段叫左1️⃣鴛鴦雲吞伊麵（$29，轉伊麵另加$5）鴛鴦雲吞即係菜肉同蝦雲吞，兩款口味味道尚可，比一般超市急凍貨好食，皮薄肉質唔梅，收貨。但個湯底過咸，伊面又好索湯，咸到食唔哂2️⃣凍奶茶（+$8）個奶茶甜度剛好，味道正常最後埋單$42，由於個湯底實在太咸，唔多值…查看更多

燒賣同混醬腸粉係其中一樣小編最中意既小食之一！😋最近有讀者向小編報料，上環有間茶餐廳可以外賣辣油超mm7既燒賣，小編2話不說第即刻狗衝去試試！燒賣只賣$10蚊有7大粒、腸粉$12蚊有4條！放埋一齊一大盒見到已覺超級飽肚！😋😋😛味道唔錯，加上勁大份抵食，回頭指數肯定高！！✨😆同場加映$16炒麵無咩特別，肚痛者醫肚就一流，否則可試其他食品。分數：（10分滿分）味道：7.5價錢：8環境：N/A服務：7…查看更多

一個星期7日.返工已經佔左5日.日日都要諗下lunch食咩都幾頭痕.好快應該就可以試哂附近既食肆😆今日吾想食咁飽.見到哩間茶餐廳好多人排隊.所以決定買外賣返公司食!牛腩粗麵加凍檸茶牛腩份量都算多.大大舊.都算幾淋唔鞋口.但就唔入味.個麵加左腩汁但個麵都無咩牛腩味.但個麵都ok彈牙既.我食得辣.所以落哂成包佢比既辣椒油.但都唔覺辣.而且佢哋係冇醋提供.要醋嘅話要直接落喺碗麵入面.而個辣椒油我見到餐廳寫係自制但完全唔辣既🥲總結：以哩個價錢係上環食個lunch就真係性價比高既.牛腩麵先係$28.食雲吞麵嗰啲都係$26.飲品加$3.外賣加$1.總數先係$32!真係好平.而且份量都唔會好細.夠食既.味道就一般唔會難食但唔係好好食.如果喺上環返工唔知食咩都可以試下.餐廳仲有咖喱豬扒飯.碟頭飯嗰啲都係唔過$50…查看更多

今日朋友帶我去呢間於上環嘅蟠龍茶餐廳食早餐，佢哋呢度嘅雲吞好出名，咁我叫咗個魚柳早餐同埋淨雲吞，魚柳食得出係即炸，香脆可口，不過一塊太少了，如果可以多兩塊就好喇😋另外鮮蝦雲吞都好彈牙爽口，每粒雲吞都食到有3隻蝦同埋豬肉，粒粒都比足料👍🏻最重要係價錢真係好抵食，我呢兩樣嘢加埋只係大約$70，果然物超所值！而朋友就叫咗菠蘿油食，佢特別order薄切牛油，因為唔想咁肥😅佢話個菠蘿油唔係空氣麵包👍🏻外層口感酥脆，麵包紮實又柔軟有彈性，讚👍🏻…查看更多

平常大多數都會在這買早餐，味道尚可，但今天的早餐沙嗲牛麵，吃到三份一到，發現有小强，當時真噁心，本來都諗住算，當自己唔好彩，但諗諗下都決定要寫評論，希望餐廳要改善下衛生問題。…查看更多

正在吃早餐的時候，見有個男性員工將碗筷甩入廚房邊的水桶，果不其然被他甩入水桶的髒碗筷濺起的污水，弄到身上。之後他再手拿抹布，四處邊走邊甩。見我剛吃完，已經拿著髒抹布站在我的桌前，也不在乎是否掂到我的東西，還指著小票示意我趕快結帳。我告訴他水桶濺起的污水會弄到別人身上，他一語不發卻惡狠狠的盯著我，毫無歉意。這種人毫無衛生觀念，不適合在餐廳工作，更不適合在疫情期間，處於每天能夠接觸到那麼多人的地方。疫情期間尚且如此，此處以後再也不會再來。…查看更多

店員要求我同不認識的人坐在同一枱及對面， 亦不給我膠片分隔，還很大聲說我不對，說我明知是兩人一枱，態度超差，她負責收銀應該是老闆娘，我話'你要我坐在一起，冇問題，勞煩你先做好本份，間隔好隔板，才叫客人坐進去’。講多少少，因為我們是三個人，佢要求我們兩個人一枱，淨返一個嘅我要坐過去! 呢家可以四個人一枱，但係你又要做唔到1.5米，但你又要將我三個人分開兩枱坐，就你真係冇所謂，但係你都要做好本份，我覺得我對面那位先生，亦都唔好意思出聲，好似俾人擺上枱。現在疫情嘅時候，都是這樣，我覺得佢嘅衛生要求好低，講真，將來就算疫情好番，大眾對衛生意識，一定會加強，同不認識嘅人坐在一起，要求有間板 ，我諗係基本要求囉!…查看更多

依家要喺香港搵一啲餐廳早餐有中式雲吞/水餃/牛腩.......麵唔多，可以話係非常之少呢度裝修設計好一般，但係坐得唔會太逼夾，同埋乾淨就夠啦，對我來講食物先至係最重要仲要係整得好食，街坊經濟實惠嘅價錢，所以呢度一直係約朋友食早餐的老地方水餃嘅蝦肉夠爽又大隻，配埋個麵底冇得頂，每次都一定會加醋同埋辣椒油，夾埋好惹味，有時食完仲會買一打生水餃返屋企打邊爐呢度嘅奶茶，保持港式茶餐廳嘅一貫水準，配搭水餃麵係我至愛水餃麵 $25 凍奶茶 $7 …查看更多

路過見到好多人外賣看著不錯就進去了價格很合理在附近來說性價比也高番茄汁撈飯一流牛肉也不老同同事夾份叫左碟芥蘭，先13蚊奶茶係茶餐廳的味道。很喜歡。上菜十分迅速！…查看更多

疫情期間叫外賣送上家中，我沒有去過這間茶餐廳，食物質素OK喎！皮蛋瘦肉粥非常熱，送遞都應該要15分鐘，我仍然感覺非常燙口，早餐的炸魚柳也非常之趣卜卜，剛巧我order的凍咖啡亦都好飲喎，咖啡味重及甜度適中，抵讚，整體來說我覺得這間茶餐廳可以一試…查看更多

今日無帶飯，咁又要諗下食咩頭痛🤦🏼‍♀️咁就試下呢間蟠龍粉麵茶餐廳啦，佢咩都有得食，真係包羅萬有粥粉麵飯一應俱全叫左個特色炒麵～肉丁煙肉炒麵（$26）咁肉丁就唔使多講，一定係比罐頭野你，果幾塊煙肉都唔錯既，不過就乾左少少😑最正都係個炒麵，係豉油皇炒麵呀夠乾身，唔油，真係無得頂。其實呢個價錢又點可以要求咁多呢😂但有一點差左少少，份量就真係唔太多我食完都仲有餓既感覺😂如果大家想試的話，建議要叫多份燒賣而家餐廳仲做緊外賣自取優惠～送飲品，但凡叫粉麵/飯類都會送一杯飲品(冷熱飲都得架）…查看更多