螺得起螺螄粉 (已結業)

好想食呀，深水埗少了間好好味的螺絲粉:):):)，香港好少螺獅粉的食肆呀，雖然有些人不喜歡這味道，不過我就超愛，深水埗何時還開多一間螺絲粉呢！！這間螺絲粉都好好味，我住深水埗的，以後要食，就要去其他區食了。…查看更多

偶然見到呢間餐廳 而我阿兒又好鍾意食螺絲粉就去咗食 香港有螺絲粉好開心 環境都幾好 服務冇乜特別 個服務員唔係幾講嘢 點咗個奶茶 雖然嗌咗少甜但係都好甜 食物上得好快 有個鍾意嘅炸蛋好開心 個炸蛋有啲乾 但都好好味 豬耳QQ彈彈 有啲酸 好好食 個螺絲粉一啲都唔臭 個湯好好飲 嗌咗小辣覺得唔係幾辣冇深圳嗰啲螺螄粉咁辣 之後加咗個牛柏葉 可能因為螺絲粉味道好濃 所以牛柏葉冇乜味 但係口感都幾好 螺絲粉入邊嘅菜好清爽 好推介大家經過去食 真心推介大家去！…查看更多

Search到這間新的螺螄粉店就去試試，試完覺得真係唔錯。環境乾淨，冷氣夠，坐落幾舒服，離地鐵站都好近，好方便。食物味道好。粉軟硬適中，頗有嚼勁。湯清，食落的確唔口幹，將炸蛋浸入去吃好正筍同酸豆角都幾好食，夠臭。而且分量非常足夠，炸蛋好大好厚，20蚊的通菜都好多，兩個人食都有點多。性價比比某頗有名氣的XX町（you know who，就係探燒旁邊那間）高好多，味道也更好，推薦大家多多幫襯這間用心小店，不太推薦XX町。…查看更多

用餐日期：2024/03/24用餐時段：午餐 用餐費用(每人）：$55餐廳環境：環境整潔乾淨 冷氣足 室內不多座位 檯與檯之間較近 人多時可能要搭檯 服務：服務員服務態度好 點菜上菜都快味道：點了炸蛋螺螄粉+ 螺螄湯生菜1-炸蛋螺螄粉$45*2: 份量足 選了小辣+中辣 配料有炸蛋 酸筍 油炸腐竹 花生 酸豆角 木耳 青菜 螺肉 這次可能因只有1服務員在店內廚房落單一腳踢太忙關係 炸蛋份量比以往的細 蛋面也沒放蔥粒 湯底 粉和配料還是如以往一樣足料味道好 中辣和小辣選擇較推薦小辣 小辣不過辣又可嘗到食材味道 希望下次再幫襯時炸蛋份量會像以往一樣大 也有放多多蔥粒 推薦2-螺螄湯生菜$20: 份量足 這次通菜剛好沒來貨 店員推介了生菜 有螺螄湯+生菜+螺肉 湯清甜不咸 生菜煮得剛好 螺肉鮮甜 湯飲了後也沒口乾感覺 推薦 總結：我是好多菜少肉的人 炸蛋螺螄粉是不想食肉的日子中其中一個好選擇 這家環境整潔 服務員服務態度好 價錢合理 螺螄粉份量足味道好 是值得推薦的螺螄粉餐廳餐廳環境：…查看更多

用餐日期：2024/01/09用餐時段：午餐 用餐費用(每人）：$55.5餐廳環境：環境整潔乾淨 冷氣足 室內不多座位 檯與檯之間較近 人多時可能要搭檯 服務：服務員服務態度好 點菜上菜都快味道：點了炸蛋螺螄粉+螺螄湯通菜1-炸蛋螺螄粉$45*2: 份量足 選了小辣+中辣 配料有炸蛋 酸筍 油炸腐竹 花生 酸豆角 木耳 青菜 螺肉 蔥粒 粉細滑彈牙 湯汁鮮辣不過酸但有點偏咸 炸蛋很大塊鋪滿湯面 炸蛋下鋪滿了各種配料 炸蛋腐竹吸了湯汁後口感煙韌香口 酸荀幼嫩切得一條條沒筋味道酸脆 花生香脆不咸 螺肉鮮甜 其他配料也味道正常 整體味道好 推薦 如湯汁可減咸些更好2-螺螄湯通菜$20: 份量足 有螺螄湯+通菜+螺肉 湯鮮甜不咸 通菜是選那種很幼身的 口感嫩滑沒筋味道很好 螺肉鮮甜 湯飲了後也沒口乾感覺 推薦總結：這家環境整潔 室內不多座位 服務員服務態度好 這家的螺螄粉份量足 可選不同辣度 湯汁夠鮮唔過酸唔腥但有點偏咸 炸蛋花生酸荀腐竹螺肉浸了湯汁都味道好 湯如可減咸些更好 整體是值得推薦的螺螄粉餐廳 餐牌如下：…查看更多

深水埗區好多看似平平無奇既小店 但都經常會有意外驚喜🫶🏻我本身都中意食螺螄粉 因為個粉特別軟滑Q彈再加上酸筍、酸豆角、花生、木耳、油炸豆皮等配料 口感好豐富我都試過一兩間香港比較有名氣既螺螄粉舖頭，但相對我嚟講，我反而覺得呢間平實小店好食得多湯底唔係偏向重口味 唔會太油太鹹有螺嘅鮮甜味而且辣中帶酸 一切味道都好平均唔似味精湯，食完都唔口渴直頭食到最後成碗湯都飲哂咁濟另外推介豬手 炆得岩岩好 好入味我相信我會再去食❤️…查看更多

已經食過幾次，每次經過都有嗰種螺螄粉獨特嘅酸臭味，不過唔知點解食落又唔臭我會形容係螺螄粉嘅入門版，有friend第一次試都接受到佢嘅原味螺螄粉好足料，食完一定飽。米線幼滑，每樣配料都幾平均，如果追求好濃味嘅話，佢可能滿足唔到你，但如果癮起又唔想成日食好多味精，咁呢間係唔錯嘅選擇一般螺螄粉店都未必有水吧，呢間有得嗌茶啡，出品都唔錯…查看更多

經常在深水埗吃午飯，喜歡試區內小店。當日路過此店，主打螺螄粉，標榜「中華美食, 經典承傳」，門面十分平實，不起眼，是一間低調小店。店內裝修挺新，環境乾淨，員工友善，感覺很不錯。要了一客「招牌豬手螺螄粉」，$50，熱飲加$5，凍飲加$8。由於我不吃辣，故說明要走辣。食物即叫即煮，等了數分鐘便上菜。我從未吃過螺螄粉，覺得粉是具脆度、帶嚼勁，佐以筍、豌豆、木耳、花生、油炸腐竹等配料, 每款配料都新鮮美味。湯底清甜, 不是味精湯, 不口渴, 單是這點已勝出一般連鎖快餐店。兩件豬手炆等夠「淋」, 夠入味, 可能我是貪心, 覺得兩件豬手是太少了。這碗螺螄粉份量十足。整體而言, 讚!不過, 要留意一點, 雖然我說明走辣, 事實上, 我在碗內見不到任何辛辣的配料或醬汁, 但是, 我食至一半已覺得越食越辣. 其實不是非常辣, 只是我真的吃不得辣, 我已是不斷流鼻水。儘管如此, 我仍真心覺得食物水平高, 美味, 新鮮, 健康。這是一間有誠意的小店。支持本地小店, 強烈推薦。…查看更多

同另一個食評講嘅一樣，味道喺螺螄粉黎講比較清淡，唔似淘寶嘅咁重口味，鍾意重口味嘅人應該會失望。好適合未食過但又想試嘅朋友，啲荀食落無鋪頭聞落咁臭。炸蛋係螺螄粉必配，由於湯底唔重口味，所以索完湯食味道都好好。我仲加左鵪鶉蛋，$7大約有4-5粒，正正常常算抵食。另外，湯底仲會撈到啲螺仔肉👍整體黎講都唔錯，因為我本身唔太重口味，如果口痕經過都會再食，但未至於會念念不忘。…查看更多

以前一直都係喺淘寶買螺螄粉係屋企煮但係味精太重 成日食完都要飲罐可樂肥死早幾日係深水埗已經見到有間新開嘅螺螄粉店但係唔知好唔好食 所以無去到 今日終於入左去食啦！叫左個炸蛋螺螄粉 加左杯熱檸檬茶先飲個湯 一個字 清唔太咸又順喉 差啲飲晒啲湯筍又粗但係唔多渣 成碗只係有一條有筍 酸豆配麵食 正炸蛋唔油 同薄脆一齊吸湯 一流碗入面重有螺螄 好鮮甜唔韌食完之後飲埋杯熱檸檬茶 茶濃檸檬味夠食完真係無負擔 坐左咁耐原來都有好多熟客幫襯有啲重會幫老闆娘試菜睇個餐牌都見到有手寫加左唔少新野添老闆娘人好好 重同我傾左幾句原來呢度都係啱啱開無耐已經有柳州有去過食 話好食過當地個啲老闆娘話佢用左柳州方法去煮 無加味精但係都有啲野配合番香港人 辣味 筍味等等我到宜家食完左成個鐘 都無覺得好口渴我真心希望大家去深水埗 可以幫襯呢間店老闆娘真係真心想做好螺螄粉！支持小店…查看更多