蝦麵店 (蘭杜街) (已搬遷) 新店位置

朋友介紹話以前在灣仔上班時經常幫襯這間蝦麵店，所以很期待可以一嘗其味。雖然位置較偏離灣仔中心，但吃過後覺得走遠一點也值得。餐牌主要有四款選擇，包括蝦麵湯底、喇沙湯底、福建滷麵及豬骨雞湯底，我朋友極力推介蝦麵湯底，一上桌果然香味十足，還有一匙羹的炸蒜，放入湯中更為惹味，我的配菜包括魷魚和蝦，兩樣材料都新鮮，不過檬粉過碎，但仍不減湯底熬製多時的濃香，但自己不太能吃辣，所以叫了一杯青檸梳打解解辣，總括而言值得一去！

🍤🍜🇲🇾＂蝦肉牛展麵＂呢間檳城麵食嘅小店喺灣仔平時大排長龍非常出名，可惜以＄88嘅價錢有啲名過於實，首先係湯底雖然紅卜卜不過唔係以辣為主，食得出鮮甜昧，但始終爭小小濃郁嘅感覺，感覺好似溝左水，就係呢少少令我覺得佢唔值＄88。。食材方面都有待改善，蝦肉唔知係咪佢哋嘅特色，蝦身冇乜彈性有啲似蝦乾🤣反而牛展係最好食，五香味道濃郁之餘又唔鞋！未食過嘅朋友亦都可以不妨一試，口味嘅嘢嗰個唔同，有機會係我個人食唔慣呢一種檳城特色

是日到灣仔找朋友吃午飯，隨便在openrice上選了一間頗受好評的餐廳，幸好人不算多，排了不久便能入座。座位排得有點迫，被安排到面牆位置與朋友並肩而坐。看了看餐牌，上面大多是平常車仔麵檔有的餸，但湯底比較特別。一向頗喜歡喇沙湯底，但既然餐廳名字是蝦麵店，當然要試試辣味蝦湯底。左挑右選後點了蝦肉肉片油麵，朋友則點了蝦肉墨魚丸麵。湯底只屬微辣，帶有蝦味，很香很濃郁，非常合重口味的我的胃口。油麵的份量適中，配著湯吃味道不錯。蝦肉開邊處理，看似很多其實不然，味道還好。豬肉片份量足，但肉質粗糙且有很大陣雪藏味，吃得出非常不新鮮，吃了兩三片便擱置在一旁了。朋友點的墨魚丸倒是不錯。整碗湯麵只有湯底較優，配餸相對遜色，價錢也不算便宜。將來或許會為了這辣蝦湯再來，但豬肉片則定無下次了。

今日同同事s小姐食呢間蝦麵佢話呢間麵係佢同舊同事既至愛我叫左碗辣味魚片麵 少辣 (59蚊)食物: 湯底有蝦味 幾鮮蝦就好多隻 麵都好彈牙 室內環境:坐得好迫....對住牆好似面壁咁同唔識既人都好close.... 同埋比較嘈...好難傾到計...好處係人地都唔會聽到你講咩總結:值得一試 如果一個人食就叫外賣好d

今個星期在灣仔返工，所以食晏都逼人咗同貴咗，回想返第一日在灣仔食晏去咗翠華，佢午餐收$68蚊有湯有飯有嘢飲，雖然覺得唔多好食，但起碼食到飽到食唔晒。之後去過茶餐廳同泰國嘢，都起碼覺得值這價錢。今日，我就屎忽痕有飯唔食，就食咗哩間蝦麵店！當時我行過見到這店，外面有人等位，而賣喇沙麵這類，所以都想食，但係門口諗住睇吓餐牌預吓幾錢啦，但可惜門口外面只有圖片同雜誌賣嗰佢間舖頭嘅嘢之外，一啲價錢牌都無。但係我想快啲食完嘢就走，所以都唔理就入咗去。坐低後坐位逼夾，臉壁咁排排坐，之後睇餐牌發覺都幾貴吓，麵食又無包嘢飲，不過都算啦如果真係好好食的話，最後我剩係叫咗碗咖哩喇沙湯底蝦肉豬肉河粉都$66。等咗一陣碗河粉就到，食落咖喱湯底同河粉都ok嘅，但啲蝦肉豬肉就真係唔掂當，豬肉嚡熠熠，蝦肉重痴線，隻蝦已經細仔同薄，佢重要開邊,原本開邊都無所謂，但佢開咗邊之後又唔清理啲蝦腸，搞到又有沙同，蝦over cook。這間舖重夠膽收$66，食完真係覺得一啲都唔值

行過蘭杜街，念住食個晏，心念唔又榮式啦！食到悶，天氣凍念住食既暖胃架啦！咁格離有應該間開左無耐，見到馬來西亞野喎，即刻入去，咁lunch 我知無服務架啦！不過佢啲人真係無禮貌左小小。佢主打蝦麵既，不過對蝦敏感所以食其他，但全部都有蝦，得兩個選擇係無蝦既，我選左個咖哩魚片墨丸。$59碗有啲貴，但心念好食既無所謂！但食後有啲失望，都唔知自己食左咩，個湯暖既。。墨丸同魚片凍既，咖沙最緊要椰香同咖哩味，佢兩樣都無。。

幾年前工作日經過這裡，看到門口大排長龍，於是對這家店印象頗深，加上本人本身很喜歡吃喇沙，便一直惦記著這家店。今天下午碰巧路過這裡，便打算進去一飽口福。坐下之後，發現老闆娘態度很差，後來看其他點評發現她已經是出了名態度差的了，這裡就不再贅述了。還是說說食物的品質。我要了一碗墨丸魚片河粉，喇沙湯底。落單之後幾分鐘便送到，速度快是好的，但同時也說明不要期望有多好吃，畢竟是快餐。但是沒有想到這碗河粉比期望也差太遠了。首先湯底很淡，墨魚丸很鬆散且不入味，魚片沒什麼特別，河粉可特別軟毫無口感可言。吃了幾口就覺得雖然貴，但是也不能委屈自己的胃，沒吃完就埋單走人了。沒有下一次。

叫左A10辣蝦湯蝦肉魚片米粉配熱檸蜜。好快就整好送到我面前，第一時間飲下個湯先，好香好濃，叫米粉可以吸湯汁，蝦肉魚皮份量都好多，整體來說好好食，去開灣仔會再去食。不過地方就好窄，坐面壁自閉位，迫到手踭撞手踭。快快食完走人。

終於嘗到這家檳城蝦麵店！在試過鰂魚涌分店的朋友力薦下，滿懷期待的前往位置稍偏僻的灣仔店。湯底共4款，除了福建滷麵，其餘3款湯底供選擇的配料都是一樣的。第一次，當然毫不猶疑地選了招牌湯底——辣味蝦配摻摻！摻摻⋯⋯店員說許多人都不懂讀這字😂而其實自己也是有邊讀邊，聽過實在太多不同讀音摻摻是油麵和米粉2溝，米粉吸湯，油麵有咬口，相輔相成我點的是雞絲（$62），有香蒜片付上。紅紅的湯，渴一口，並沒什麼辣味，反之蝦味突出但雞絲偏少，肉質粗糙；蝦是細蝦，沒鮮味，像湯渣的口感不過值得一讚是有頗多菜中和一下油膩感。友人點了福建海鮮湯麵，有腐角、魚片、大蝦和魷魚。同樣付上蒜片，上面黃色的是蛋絲，粘稠的湯底像碗仔翅的感覺，味道清淡獨特，而配料則大概每樣三塊左右。同場不少食客還未坐下便二話不說落order，大概是熟客吧。他們不約而同都選了咖哩喇沙湯底，傳來陣陣椰香味。6十多，七十元的一碗麵，份量適中，但卻又遠未至於食過番尋味，一試難忘的程度。但勝在湯底4款味道獨特，吸引好奇的味蕾，而吃後又不口渴，一試無仿

店舖上下員工服務態度十分惡劣。對客人呼呼喝喝。落單叫一碗蝦麵，店員立刻十分不耐煩大聲呼喝：什麼蝦麵？不太明她的意思.....之後她就再大聲問了兩三次 蝦什麼麵？😡😡😡真的很過分。為什麼我們出外吃東西要這樣受氣啊。這種服務態度真係影衰晒香港嘅餐飲業。

據聞灣仔有間蝦麵店，其香濃又富有馬來風味的蝦湯全城皆知，每逢中午時份都擠滿食客，迫得水洩不通，當然我們都想試一試，一放午飯我們便立即趕去餐廳。1210分來到，甫坐下我們立即點菜。蝦肉墨魚丸麵(辣味蝦湯底)有鮮蝦的咸香味，辣度適中，不算太辣，適合我這個怕辣之人。蝦肉尚算嫩滑，肉質較為鬆化，但可能長期浸湯的原因，不太有咬口。至於油麵，與其蝦湯的味道很夾，吃得很滋味。吃完麵後，已見門口聚集了一眾食客，是時候結帳離開了。

啱啱出黎做嘢果時係灣仔番工，耐唔耐就會黎蝦麵店lunch，果時己經出晒名老闆娘態度差，但係啲麵湯底真係幾好味既原故，我哋都會照黎食，食完就走，唔好坐咁耐。幾年後重回灣仔，黎番呢度食，老娘態度依舊，座位依舊爆滿，唔同係，多左遊客慕名而來，有外國人、有韓國人。我叫番食開既辣味蝦肉雞絲摻摻，摻摻即係油麵加米粉，湯底依舊香濃，跟大大隻開邊蝦、豆腐卜、芽菜、雞絲，少少辣，油麵彈牙，米粉又吸收左少少湯，成碗麵都非常惹味！都係果句，黎呢度食嘢，唔好問咁多嘢，食完好走。

吃了啦沙雞肉蛋米。在香港、所謂星馬餐廳、還沒有吃過正宗啦沙、包括這家。湯底不知道如何形容、只是一碗”紅油微辣湯底的米粉”。$64/碗、這樣的質和量、性價比比較低。👎味道最多4/10。

咖哩喇沙湯底 — 魚蛋魚片摻摻 ($59)-麵底選了摻摻 (油麵+米粉) 可惜兩款麵的份量不一💀 (我的那碗:油麵比較多 朋友那碗:米粉比較多🤯) 雖然湯底不錯 蝦味是蠻濃 但摻摻未能融合於湯底中 像沒了靈魂一樣😭 配料份量很多 可是豆卜味道很淡 應該是最後一刻才放下去煮/分開煮後直接放在碗底😔完全沒有吸收湯的精華😭敗筆🌚-朋友叫的👉🏻蝦肉魷魚翼麵 ($69)

一個人開餐、食蝦麵就最適合，有面壁位睇左好耐想食、今日終於黎到試喇第一次食，先試辣味蝦湯麵又因為第一次、唔知有芽菜、無叫走芽菜，食到好狼狽，要揀返晒d芽菜出黎蝦湯好濃、辣就唔算好辣、對我黎講只係輕微辣度，唔知有無得加辣呢蝦切得薄薄的、豬肉片唔係滑（即係有點鞋嘅肉片）為左呢個蝦湯底、絕對會再去幫襯仲要試埋咖哩喇沙湯底但下次唔會叫肉片