蜜雪冰城 (已結業)

今日落街幫屋企人一起買野飲就去咗蜜雪，本身好地地叫完屋企人嘅果杯之後就係度猶疑自己要飲邊杯，我可以好肯定我唸咗15秒都未有，跟住個店員就嘖我嘴，喂大佬你宜家成間鋪得我一個客人，我後面又冇人排，你又未到收工時間，你嘖咩嘴啫？我明白係會有工作壓力，但都唔會係發泄系我地顧客身上啦？跟住之前都係等杯檸檬水都可以等成個鍾，最後真係忍唔到直接問，原來根本唔記得有我嘅單，可以講除左價錢低之外冇咩其他優點，我使錢唔係為咗買難受

嚟香港冇耐嘅蜜雪冰城，成咗我嘅新歡，尤其係草莓搖搖奶昔!!草莓搖搖奶昔粉紅色嘅外表，少女心即刻爆發。跟住指示輕輕搖一搖，飲落去，冰沙口感好正，草莓嘅酸甜同奶香夾埋。仲有啲草莓果肉，口感豐富，甜度啱啱好，唔會太膩。價錢超抵，喺香港呢個地方，花咁少錢就可以享受到咁好味嘅奶昔，真係好難得!!

只需要$15真係好抵，貢x 起碼都要$30起。。。叫咗杯熱嘅熱情果，唔使再加錢買珍珠，本身已經有。熱嘅都好好飲，熱情果味道出晒嚟👏珍珠都好新鮮煙靭份量都多，仲有椰果添。。。。味道好飲，唔會有飲糖水的感覺。

今日出街行街，想買杯嘢飲，女店員態度服務差，無啦啦對你白眼色！買杯茉莉奶綠，味道太談，不好飲！最重要沒有備小垃圾桶可以擺吸管袋！下次不會再來買，心情影響差左！希望改進下。

今日突來興致想試下新開嘅蜜雪冰城，我叫咗奶綠，我個frd就叫咗紅茶。員工態度麻麻，似係暑期工，佢好似係未食飽，講嘢勁細聲，講嘢又揦埋一嚿。。。本身諗住叫檸檬水，員工話無檸檬，然後叫蜜桃四季春，無蜜桃。我心諗你咩都無就唔好開啦⋯⋯重頭戲就係杯嘢，我frd杯紅茶，已經叫最pure嘅茶，陣味都勁化學勁奇怪，茶粉都唔四，似食用香精😂又澀又有種講唔出嘅奇怪，勁化學😂S字頭個間奶綠仲好飲過我杯奶綠，一定預咗係奶粉，不過都係勁難飲🤮，難以下嚥嘅程度，一樣都係一大陣化工料味。。。難飲到飲唔落，本身都唔想嘥 想飲曬，不過越飲喉嚨越唔舒服，好似有啲嘢杰係喉嚨，類似感冒卡痰嘅感覺，好唔舒服，飲水都無用，結果我喉嚨成晚唔舒服🤮網民千祈唔好貪平貪玩去試，真係唔建議，0性價比，買完你飲都唔想飲🤮棧浪費資源，唔好再比錢佢地賺啦。。。

真係難以想象點解呢間茶飲店可以賣甘平。由於經常經過就買來試下，個草莓飲品味道都不錯的，裏面仲有塊橙，$19真係好抵，味道又不錯。難怪經常都人排隊買。對比平時買一杯珍奶都3x來講，得閑飲下呢間都ok。

我點了滿杯百香果，杯嘢完全係稀到冇朋友、啲冰3分鐘就溶晒，喺好多間同類型果茶店都飲過百香果，佢都可以話係最難飲的一杯。同埋見到佢哋製作過程非常污糟，用來盛茶和果汁個杯杯底啲水，滴晒入去飲品當中。平是有原因的，去七仔買罐可樂飲吓好過。

今日在好運中心食lunch，順便試了這間新開的蜜雪冰城。這間店在內地攻港食店中評價頗兩極，於是決定親自體驗一下。以下是我的一些觀察和感受：感覺很化學物料的珍珠奶茶首先呢間蜜雪冰城主要以外賣為主，客人不多但由於人手不足，出茶速度稍慢，要約25分鐘。蜜雪冰城主打台式飲品，選擇多樣，包括各種奶茶、果汁和雪糕。價錢非常便宜，大部分飲品都在$20左右，是人家的一半價錢。不過奶茶質量就很低，我點了一杯珍珠奶茶，價錢$16，但味道很一般。奶茶的奶精已經是預期之內，茶味如果客氣點說可以說不夠濃，但老實點就是用粉做成，感覺很化學品，珍珠的口感也稍硬。整體喝起來有一種化學物料的味道，讓人懷疑有多少人工添加劑。整體感受：蜜雪冰城的飲品價格實惠，適合想要快速解渴的顧客。但品質上還有提升空間，特別是奶茶的味道和珍珠的口感很奇怪，需要改進，糧尾時適合偶爾光顧。但如果追求高品質的奶茶，可能需要考慮其他選擇。

好運中心新開了這間來自內地的連鎖品牌店, 專賣冰淇淋和茶飲, 價格由$5至$20不等, 相當便宜。店鋪以紅色作主調, 有6部屏幕, 最大1部設於店外, 展示 QR code 讓客人掃碼下單, 另外4部設於店內, 展示5款估計是暢消飲品 (當中3部顯示相同資訊), 最後1部設於收銀機前, 展示餐牌。如店鋪能安排3部展示相同資訊的屏幕, 其中1部改為展示餐牌, 對客人來說會更方便, 不用走到收銀機旁以手機拍下餐牌再研究。草莓椰奶露 $15首次光顧本想試其蜜桃四季春, 可惜已售罄, 於是買了草莓椰奶露 (正常糖和冰) 作首嚐。見全店打著 "果茶加冰 夏日救星" 的口號, 想必能透心涼, 可惜天氣實在太炎熱, 沒有成為我的夏日救星。味道方面, 由於內有草莓果肉, 故草莓味道相對於椰奶味道明顯, 作為一杯只售$15的飲品, 試過好奇過便可。