蜜堂 (已結業)

在此回應一下肥DI先, 你講到D干炒牛河咁差, 你係咪記錯自己整架???!!!因為本人成日都係呢間餐廳食干炒牛河, 都未試過你所講的咁差, 重有, 你講呢間餐廳的老闆成日都係鋪門口咬住支煙??? 但以我認識的呢間鋪老闆係唔食煙喎 你係咪記錯鋪名or去錯地方食嘢呀???本人和太太是呢間鋪的常客, 今次要推介大家來食: 2人套餐 (因為本人只有2人, 所以推薦2人餐) 此餐可選擇2個餸(A+B), 跟2個白飯仲有埋2杯嘢飲/足料老火湯都係$68, 仲抵食過自己煮 今次我地食左咸魚煎肉餅+西檸雞, 咸魚肉餅煎得又香又好味, 一定要試另外, 我都試過同朋友係喥打邊爐, 真係又平又多嘢食 (價錢$68, 仲要晚上9:00後$58), 不怕熱氣, 可以經常來!! 小弟就好怕熱氣, 所以都係食小菜為主

早兩個星期試過係依度D干炒牛河，D牛肉又鞋又韌，D河粉又炒到一舊舊。同埋個老細成日係舖門口咬住支煙，叫(係叫，唔係請)D客入黎幫襯，冇乜禮貌。我諗我都唔會再幫襯依間野，附近有咁多選擇。

說起自助火鍋，小弟一定會想起各大酒樓，但近日小弟發現寶怡花園這間「蜜室」食堂竟然也提供自助式的火鍋喎。於是昨日(4/2/2009)，與家母一同前往試試，價錢方面，不是太貴(比起酒樓的便宜得多了)，每位$68，加$10可以任飲(基本上茶餐廳一般飲到既野都有得飲，而且我和家母飲左4支可樂「大玻璃尊裝」，出面$6、7支，飲了4支都回到本了。)食物選擇方面跟出面酒樓差不多，但想不到連雞子等食物都有得選擇。至於味道方面都算OK，推介肉片、貢丸以及滑牛等。但唯獨「豬潤」好苦以及蟹柳被其他食物染至黑色。整體來說都算OK，服務也很好，侍應也很有禮貌，不過他們有時也有一兩句奇怪的說話呢。例子1：當家母跟他們說豬潤時，侍應很奇怪地答了句：「唔知呀，未食過。」例子2：結帳時，問收銀(應該係老闆來的)拎將外賣紙時，問了句：「有冇話幾錢先送?」那老闆答：「沒有。」但卻加多句「你無理由叫十蚊的嘛。」應該是說笑吧，但他卻不笑著說……真奇怪……＠＠不過這食店應該叫「蜜室」吧。