影片
食家推介
呢间小店之前食过三四次 试过吉列黑豚猪扒饭 自家制叉烧饭 济洲岛黑豚猪柳扒饭 而佢嘅济州岛黑豚猪柳扒饭 我觉得系几出色同好好味 真材实料 饭又系珍珠米 非常有诚意.但今日再回购一次黑豚猪柳扒饭 非常失望打开饭盒 一望就知块猪扒唔系之前咁样 变左一块攞松肉粉乸到烂晒嘅普通冻肉猪扒！！米又变左泰国米 完全变晒质🫠 我真系宁愿你加价 用返啲靓食材 而唔系保持原价但比啲咁嘅质素同埋根本货不对版嘅食材比食客…希望蛋艺工房能够重拾返初衷 可以做返以前嘅质素…
继续阅读
平民场新北江入面既小店不嬲都各有特色，近排就发现呢间蛋艺工坊未试过，主打炒蛋同滑蛋，今日就一于带埋朋友黎食过晚饭啦。先讲环境，铺面系超细只有2张4人枱，隔得好近，睇黎主打做外卖多，想堂食既朋友就要留意下啦。开始睇餐牌，大部分都离唔开蛋啦，咁我地分别点左个咖哩吉列豚排炒滑蛋饭同一个比较有特色既虾浓汤汁3文鱼卷炒滑蛋饭（制作需时约20分钟），饮品加17蚊要左枝齐茶，齐茶系指樽装奶茶，有分英式同港色，英式系用伯爵红茶做茶底，我就拣左英式黎试下啦，饮落比港式奶茶多左份香味，但要加17蚊就略为贵左d，同埋比较细枝，试下无妨既。好啦饭到，朋友果份吉列豚排就正正常常，炒蛋都ok但唔多够滑，我果份3文鱼卷系用龙脷鱼卷住3文鱼，做法几有特色，食落龙脷鱼既味道比较重，变相觉得龙脷鱼先系主角，虾浓汤汁虾味唔算好浓，不过配落龙脷鱼度几夹，我呢份既炒滑蛋就比较滑少少。总结返食物质素还ok，不过虽则话主打系蛋，但感觉上蛋只系配角，无话做得特别出色，价钱都算合理，收银兼侍应果位姐姐都几有礼貌，埋单后仲送多张下次帮衬送个pizza优惠，吸引你下次再去食，咁样会觉得再抵d。评分方面在于好评与ok之间，但鉴于小店价钱做到有特色效果，对比返性价比我决定俾好评。
继续阅读
今日同太太去了呢间食午餐相比其他铺头，此铺应该属于「纳米楼」。得两张枱，二人枱和四人枱。若果人多，最好叫外卖。因为间餐厅真系好细。今日叫蛋艺杂朳饭和叉烧蛋饭。欣赏师傅会整有味饭，而不是白饭。蛋艺杂扒饭，尚算嘴料，1/2鸡扒+1/2 猪扒+香草肠+加煎蛋。个汁几好味，估系烧汁但有甜味。饭量尚算可以，不用另外加餐。叉烧蛋饭一样很好食，是滑蛋汁升华整个饭。另外客人可以试椰子汁，好够味，绝对没有偷工减料。另外，出餐做型有心，抵赞。
继续阅读
而个系下午茶时间先有得供应的食品，因为是“即叫即做”，所以都等左2-3个字。拣咗烟三文鱼薄饼，pizza份量不大，但皮好薄够脆，烟三文鱼份量足，酱汁同芝士味好夹，比起连锁pizza店真心好食好多，值得推介!!
继续阅读
叉烧口感嫩滑，味道刚好滑蛋亦都好好味。会系另眼相看，会再回头帮衬系列。晚餐可以电话落单，店员好细心提醒几耐到取，时间真系岩岩好，去到有得拎。系新北江嘅新派食店。
继续阅读