蛇竇茶記 (德輔道西)

食評：蛇竇茶餐廳——美食救贖，服務災難今日同朋友心血來潮，決定去試一試位於街角、傳說中「好食到舔碟」的蛇竇茶餐廳。聽聞佢哋嘅關你叉旦治烘底早餐同凍檸茶係招牌，價錢仲要親民得嚟誇張，只需$36！聽落真是一個「抵食夾大件」的選擇，於是滿心期待地推門而入，準備迎接一場味蕾的盛宴。點知，呢一餐真是一個天堂同地獄嘅大對決！食物：舌尖上的完美體驗先講食物，關你叉旦治烘底真是一個驚喜！兩片多士烘得金黃酥脆，邊緣微微焦香，咬落去「卡滋卡滋」，口感滿分。夾在中間嘅滑蛋，簡直係蛋界嘅天皇巨星，嫩滑得像雲朵，蛋香濃郁，每一口都令人陶醉。叉燒更加係亮點，Juicy得來肥瘦均勻，醬汁滲入肉質，甜鹹適中，令人回味無窮。份量十足，食完真有種「值回票價」的滿足感。至于凍檸茶，如果唔計佢「瀉咗一半」嘅悲劇，味道真是一個大拇指！檸檬酸度同甜度平衡得好好，冰涼爽口，配搭早餐簡直係天作之合。雖然杯入面得返半杯（稍後再講點解），但味道真心無得彈，係茶餐廳凍檸茶嘅教科書級表現。服務：地獄級體驗，令人髮指講到服務，呢間蛇竇真是一個「人間試煉場」。兩位大媽侍應嘅態度，簡直可以用「垃圾」同「粗鄙」嚟形容。點單時，佢哋一臉不耐煩，語氣似足你欠咗佢幾百萬咁，問個問題仲要畀佢白眼一記。食物上枱時，盤子「啪」一聲掉落枱面，叉旦治差啲飛咗出嚟，凍檸茶更加誇張——大媽一手拎杯一手拎水壺，唔知點解就係可以瀉咗一半出嚟，枱面濕晒，仲要完全無道歉，拎塊抹布隨手一抹，轉身就走，態度惡劣到一個新境界。更離譜嘅係，佢哋同客人講話似足開戰，粗聲粗氣，連句「請」同「唔該」都欠奉。有一刻我真懷疑自己係唔係誤闖咗某個「態度挑戰賽」的現場。服務差到呢個地步，真係試過都唔想再試。總結：食神同衰神嘅對決蛇竇茶餐廳嘅食物真是一個驚喜，關你叉旦治烘底同凍檸茶（如果唔瀉嘅話）絕對係茶餐廳界嘅一級水準，$36嘅價錢簡直係良心之選。但服務態度真是一個災難，兩位大媽侍應嘅表現完全將呢間餐廳嘅好感度拉到谷底。如果唔介意畀人「惡待」，又或者你有超強心理質素同「自虐」傾向，蛇竇嘅美食確實值得一試。但如果你係一個對服務有要求嘅人，建議你點外賣算數，免得畀佢哋嘅態度氣到胃痛。…查看更多

本人第一次寫食評，今早的早餐真令我意外！味道品質和座位舒適度方面也跟一般茶餐廳分別不大，不過不失。 坐低叫了一份餐蛋治早餐，仔仔沙嗲牛麵早餐飲凍華田，凍華田加了$5，對本人來說確實貴，餐蛋 治食唔哂打包半份，要求外賣袋，仕應表情不悅，由於三文治有點油而且侍應提供的是紙袋，我要求一張薄薄的隔油紙，侍應卻拋下一句‘沒有提供’，相信大家都知道那張跟三文治上薄薄的隔油紙，不值什麼價錢，只是行過方便，我沒想過也遭拒絕，做生意如此計較香港飲食如何有救。…查看更多

喺附近返工見到好多人排隊就入去一試，呢間餐廳出餐好快，嘢食都有水準👍🏻同埋每個月都有新Menu 可以試到好多新嘢 份量都啱啱好。今次叫咗塊西冷又幾好食 無筋又好淋 下次可以再encore👌🏻…查看更多

早几日中午約左朋友系德輔道西附近行街.午餐时侯都见有人排队.心想未食过.试下罢.排左10分钟左右.就有位坐低叫左个凤爪蒸排骨跟热奶茶吾駛兩分钟蒸排骨已到排骨食落食粉味好重.肉身霉.味道一般.食在15分钟左右碗饭尚有少少未食哂楼面已埋来大声呼喝食完好走啦.吾好阻住我哋做生意听完我都一陣愕然甘既服务态度以后吾会再去…查看更多

早幾日經過 這間餐茶餐廳，因未試過所以入去睇睇， 簡單叫咗個咖哩魚柳飯同埋 奶茶紅豆冰。 其實都唔會有太高期望，但係出奇地每樣嘢都水準好好 ，魚柳好大塊，同埋新鮮熱辣，亦都唔係薄嘅魚柳，外面脆裏面仲係 軟熟， 奶茶紅豆冰亦好得，紅豆有甜味同埋份量亦多，所以食得開心 ，會再試其他菜。…查看更多

真的搞笑 你同我話這個是咖哩肥牛？唔係嘛 就咁多了 不過錯都錯咯將錯就錯試下拒喇真係有點驚訝還不錯咯第一次幫襯還算量夠味足的麻煩下次唔好搞錯啦真的很搞笑如果個啲唔得食豬肉嘅就冇飯食啦…查看更多

#蛇竇茶記 @foodiehck2022 #港飲港食平靚正#早餐#石塘咀 依排有事要WFH ，變相有機會食吓屋企附近既茶記早餐。依間知道有好多人幫襯，平日我就冇機會食，假期好多人都唔想入去，所以今次有機會就試吓。好多人幫襯可能因為質素好，不過望吓個餐牌，原來早餐都要$40真係接受唔到😴 可能係我平時唔多食。叫咗。#沙爹牛肉通 ，仲有野菌一齊煮，表面睇落冇特別，但食落味道好好，牛肉塊塊都夠滑👍 通粉係有坑果種，爽彈合心水❤️之後既炒蛋同 #蒜蓉多士 仲正，可能係我好彩多士係剛烘好，熱辣辣亦夠脆口，又夠香，大讚❤️❤️炒蛋都夠滑，不過可能多士同沙牛都較濃味，令到炒蛋相對味淡。整體真係幾好食，早餐水準好高，只係我真係唔接受到而家食個早餐都已經要$40！物價高漲😌蛇竇茶記 （石塘咀）西環石塘咀德輔道西392號地下B號舖…查看更多

今天早上，在石塘咀區早餐， 附近可供選擇的茶餐廳不多，原本有一間經常光顧的，不知什麼原因休息；又有一間 已經光榮結業；所以去了這間蛇竇茶記。我要了一個歐陸早餐，有雞扒、火腿、腸仔、煎蛋、茄汁豆。因為我不想吃生雞蛋，我下單的時候，說明要煎熟蛋，我說了兩次，負責下單的哥仔也重複了兩次。結果，送上來的仍然只是反蛋，並沒有煎熟，所以蛋黃是水流流的。 雞扒是先煮熟(或煎熟)，然後再返炸， 亦算是嫩滑，就是鹹了一些。埋單時，我問茶餐廳的人，如果下次我再叫這個早餐，應如何說廚房才會把雞蛋煎熟，她說要說“轉熟蛋”，但我剛才有說哦，但原來印出來張單印著“煎蛋”，是下單的哥仔入機時沒有幫我註明是“熟蛋”。 下次下單後， 真要望清楚張單才可以，今次自己沒有看清楚，真是怪不得別人。我又問火腿腸仔可否也轉做煎雞蛋，她說不可以。今時今日， 不少茶餐廳都容許顧客轉雞蛋的(如果不容許轉，學什麼人叫做茶餐廳呢，茶餐廳就是要有這種靈活變動嘛！)下次再光顧時，如果不想吃火腿腸仔的話，就要多加注意了。…查看更多

今日冇煮飯，外賣天。附近實在冇乜野食，最適合既就係呢間茶記。叫左4個餐，魚香茄子煲，8珍豆腐煲，栗米班腩，仲有肉餅。味道整體來講不錯，中規中矩，5分滿分有4分啦。價錢1個約70蚊左右，價錢中上。…查看更多

路過石塘咀，見有間茶餐廳個名好怪，叫蛇竇，望左餐牌又好正常，入左去試。叫左個蕃茄小鮮肉通粉，份量好足，而且好多新鮮蕃茄，湯底好濃，平時番工好小食蔬菜，食碗蕃茄通即時感覺健康咗！而且我對蕃茄湯底好有要求，蛇竇蕃茄湯底冇強烈嘅蕃茄草青味，但碗通粉太大碗，我反而飲哂碗湯但通粉都有淨。另外套餐係有我最愛既奶油豬，奶油豬熱辣辣又夠脆，即時好滿足！雖然奶油豬喺細 size，但份量剛剛好，價錢抵。我見廿蛇竇其他食客d野食都好高質，性價比高，下次經開會再黎食。…查看更多

咁岩過海，順便黎西環搵食。見到呢間 蛇竇 ，個名幾得意，哈哈哈，就係咁吸引左入去!環境乾淨，裝修好有氣氛。份量十足，雞肉好嫰滑，都係60蚊左右，見到隔離枱 是日午餐 都好正，下次要過去試試。…查看更多

HKU既朋友應該都有食過舊蛇竇，2017就搬左黎電車路，舖頭入面有大大個graffiti，好有特色！座位一半卡位另一半就係梳化大枱，環境都算光猛乾淨，呢度一大塊木板面既餐牌都好得意！今次星期日十點幾入到去，大概坐左六成枱，感覺比較多人買外賣，早餐供應時間係0730-1130，有七款早餐揀，亦都有全日餐。今次叫左野菌沙爹牛肉麵 配 忌廉奶香滑炒蛋 蒜蓉多士（$39），沙嗲牛麵食得多，蛇竇既除左牛肉夠厚夠多之外，仲有冬菇同滑子菇等，所以食落除左沙爹本身既甜，仲有野菌既香，另外麵底都煮到岩岩好！聽聞蛇竇其中一個名物係滑蛋，跟餐既忌廉炒滑蛋係真係炒到半熟，滑嘟嘟，仲食到蛋汁，不過略嫌爭啲蛋香。蒜蓉包超！好！食！除左烘得好香脆，上面搽左厚厚既有香草味既牛油蒜蓉醬，食完半塊仲好想追加！飲品就不過不失既，鴛鴦同齋啡正常發揮。…查看更多

若非當時元旦 Staycation，我租住西環香港大學站的 Jen by Shangri-la hotel 4日3夜，我也很少踏足西環這一帶！趁這幾天有時間，儘管天氣有幾凍，我也會在西環兜個圈；除了認多些路之餘，又可發掘未幫襯過又有興趣的餐廳！在西環石塘咀德輔道西有間茶餐廳 <蛇竇茶記>，一見其名就會記得！況且，我被特色冰室裝潢吸引而幫襯！早餐：$36~$38咸牛飛碟公仔麵配奶油小豬 $38咸牛飛碟公仔麵炒蛋配咸牛肉，以咸牛肉提味，口味較穩陣！ 相對炒蛋份量較多，完全掩蓋了公仔麵！公仔麵質素一般！:(奶油小豬烘得好香脆，還塗滿牛油及奶油，簡單而美味！熱奶茶入口稀薄，茶味淡薄，缺乏香滑口感！對我個人口味不合格！…查看更多

早起整牙特別餓,整完牙有時間想買個早餐食.睇地圖同篇年史哩間可以食,仲行過籠要行返轉頭,蛇竇個名幾正,望入鋪頭入面真係有蛇既壁畫,早餐黎講都係果d 啦,另外有自選一二三既餐,有忌廉雞湯底XD,哩個有興趣,叫左沙嗲牛肉通粉,炒滑蛋,蒜蓉多士,熱檸水.返到去打開睇原來佢幫我分左湯啦,半塊蒜蓉包,比我拎到凹左XD蒜味好勁呀,仲脆脆地,檸水有四片檸檬,唔姑寒呀,滑蛋同沙嗲牛肉都放係通粉面,仲有條生菜添,湯底應該係清湯?XD注入湯,禮成,食啦,蛋滑有蛋香,沙嗲滑牛ok 既,仲咬到.因為整完牙真係冇力咬XD通粉同湯都夠味.原來只係$39…查看更多

星期三晚上感覺自己很倒霉，本來打算在「石塘咀」「屈地街」享用完「燒鵝髀瀬」跟「切雞飯」之後，再坐車返回「新蒲崗」享用「牛腩粉」，享用完所有晚餐才返回「采頤花園」，乘坐專綫小巴返回「西貢」。但是我一來到「石塘咀」之後，發現「燒鵝髀瀬」已經售罄，所以我只能夠享用價錢比較便宜的「燒鵝飯」，然後返回「新蒲崗」，但是當時的我竟然選擇坐巴士，結果巴士途中在「何文田」浪費了很多時間，回到「新蒲崗」「牛腩粉」已經打烊休息。結果我只能夠選擇在「采頤花園」裡面享用價錢相對比較貴的「牛腩麵」，至於有關我晚餐裡面的「雞扒飯」食品，我選了在「石塘咀」光顧「蛇竇茶記」，享用「蛇竇茶記」晚餐裡面的「咖喱雞扒飯」。至於飲品方面，我選擇享用「凍奶茶」，不過「蛇竇茶記」製造的「凍奶茶」飲品實際味道濃度只是一般程度而已，我選擇攪勻飲品再享用，還是只能喝濃度非常一般程度的淡奶甜味。或許是因為「蛇竇茶記」水吧店員在「凍奶茶」飲品的時候，加入了不少冰塊，冰塊融化出來的冰水，間接溝淡「凍奶茶」實際製成品裡面的淡奶甜味和紅茶茶味。至於「蛇竇茶記」廚房製造出來的「咖喱雞扒飯」，「雞扒」出乎我意料地不是原塊，而是被「蛇竇茶記」廚房師傅用切成多份，令我難以數清楚「咖喱雞扒飯」實際份量裡面有多少塊完整「雞扒」肉，但是感覺「雞扒」份量不算多。即使「蛇竇茶記」製造的「咖喱雞扒飯」雞肉實際口感感覺不硬，頗為容易咀嚼吞嚥「雞扒」，然而「咖喱雞扒飯」裡面的「咖喱」汁味道不夠辣，也未能夠令「雞扒」整體味道變濃。相反「蛇竇茶記」在「咖喱雞扒飯」旁邊的配菜裡面，加入大量用水煮出來的「唐生菜」，「唐生菜」味道雖然偏淡，但是起碼口感不太硬，頗為容易咀嚼和吞嚥。但是「雞扒」份量受餐廳廚房影響，令「咖喱雞扒飯」性價比打了折扣。但是由於「咖喱雞扒飯」裡面的咖喱汁實際辣味程度不夠濃厚，令到「咖喱雞扒飯」整體味道變得不夠辣，咖喱汁只能夠依靠「咖喱」香味跟甜味搭救，「蛇竇茶記」「咖喱雞扒飯」不算我享用過味道最濃厚的食店。現在「香港」交通情況不算十分方便，看來我將來在「西貢」乘車出外享用晚餐，需要預留多點時間乘車出「九龍」，否則遇上「九龍」出現嚴重交通擠塞，令享用晚餐計劃受到影響就不好了。…查看更多